रोमियों 15:19 - राना थारु नयाँ नियम

¹⁹ पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

परमेस्वर को सच्चो वचन

¹⁹ और चिन्ह, अचम्मे कामन से और परमेस्वर के आत्मा के सामर्थ्य से पूरे करे गै हैं। हिंयाँ तक मैं यरूसलेम से लैकै सबै घाँईं इल्लुरिकुम तक मसीह के सुसमाचार कै पूरो फैलाओ।

रोमियों 15:19 Referans Kwoze

2 कोरिन्थी 12:12

नेहात्तओ सच्चे येशूसे चुनेभए चेलाके लक्षण पुरा धैर्यसे, चिन्हा चमत्कार और शक्तिशाली काम द्वारा तुमर बीचमे प्रकट करेगए रहएं।

हिब्रू 2:4

और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।

गलातियों 3:5

परमेश्वर अब खुल्ला मनसे तुमके अपनो पबित्र आत्मा देतहए, और तुममे चमत्कारको काम करत हए, का जा जहेमारे हए, कि तुम मोशाको नियम कानुनके पालन करे? या जा जहेमारे हए, कि तुम ख्रीष्टके बारेमे अच्छो समाचारके सुने और बोमे बिश्वास करे?

2 तिमोथी 4:17

पर प्रभु मिर सँगमे रहो, और मोके शक्ति दइ; ताकी मए येशू ख्रीष्टके बारेमे स्पष्टसे अच्छो समाचारके परचार करके बे सब अन्यजाति सुनलेमएं; और जैसे आदमी एक भुखानो भओ बघटासे बच जातहए उइसी परमेश्वर मोके मरनसे बचाइ।

प्रेरित 20:6

पर हम अखमिरी रोटीको तेवहार मनाएके पिच्छु, फिलिप्पी सहरसे जहाजमे यात्रा करके पाँच दिनमे त्रोआस सहरमे बिनके ठिन पुगे, हुवाँ सात दिन तक रहे।

प्रेरित 17:10

रात पणतए खीना प्रभुमे बिश्वासी ददाभइया पावल और सिलासके मेशोदोनिया परदेशको बेरिया सहरमे पठाए दइं। और जब बे हुवाँ पुगे, तओ यहूदीनको यहूदी सभाघर भितर गए।

प्रेरित 20:20

तुमके फाइदा होन बारी बात तुमर अग्गु परचार करो और घर-घरमे सबके अग्गु शिक्षा दओ।

प्रेरित 19:1

जब अपोल्लोस कोरिन्थ सहरमे रहए तओ पावल एशिया परदेशको इलाकाके बीचसे होत एफिसस सहरमे आएपुगो। हुवाँ पावल, प्रभु उपर बिश्वास करन बारे कुछ चेलनके भेँटी।

प्रेरित 18:19

तओ तिनौ जनै एफिसस सहरमे गए, तओ पावल, प्रिस्‍किला और अकिलासके हुनै छोड दइ। जब पावल हुवाँ रहए बो यहूदी सभाघरमे जाएके यहूदीनसे बादबिबाद करन लागो।

प्रेरित 18:1

तओ फिर पावल एथेन्स सहरसे बिदा हुइके कोरिन्थ सहरमे गओ।

प्रेरित 17:15

पावलके पुगान जान बारे ददाभइया बोके सँग एथेन्स सहर तक गए। हुवाँ पुगके पावल अपनएके पुगान बारे ददाभइयनके, सिलास और तिमोथी जल्दी आमएं कहिके खबर पठाइ।

प्रेरित 16:18

बहुत दिनतक बो लौंणीया उइसीयए कहिके चिल्लातए रही। आखिरमे अइसे चिल्लात, नाए सहिपाएके पावल बो लौंणीया घेन घुमके भुतसे कही, “मए येशू ख्रीष्टके नाउँमे तोके आज्ञा देत हओं, तए जा लौंणीयासे निकारके जा।” पावल अइसे कहातएखीना दुष्ट आत्मा बो लौंणीयासे निकरके गओ।

प्रेरित 15:12

तओ सारा सभा चुपचाप हुइके बारनाबास और पावलको बातके सुनीं, कि परमेश्वर उनके द्वारा गैर-यहूदीनमे कैसे-कैसे चिन्हा, और चमत्कारको काम दिखाइ।

प्रेरित 14:25

पामफिलिया परदेशमे, बे पर्गा सहरमे परमेश्वरको बचनके परचार करीं और फिर अटालिया सहरमे गए।

प्रेरित 14:20

पर जब चेला पावलके चारौ घेन ठाणीगए, तओ बो उठके गाउँमे गओ और दुस्रे दिन बारनाबासके सँग डर्बी सहरमे चलोगओ।

प्रेरित 14:10

पावल जोडसे चिल्लाएके कही, “उठ और पौलीके बलमे सुध ठाण।” और अइसो कहातए सुन्त बो आदमी उठीगओ और अपनो पौली टेकके नेँगन लागो।

प्रेरित 14:6

पर पावल और बारनाबास जा बात सुनीं। तओ बे भागके लुकोनिया परदेशमे पणन बारो लुस्त्रा सहर, डर्बी और आसपिसके जिल्लामे भाग गए।

प्रेरित 13:51

तओ पावल और बारनाबास उनके अग्गु अपन पौलीको धुधर टकटकाएके आइकोनियन सहरमे आए, उनके जा दिखानके ताहीं, कि परमेश्वर उनके अस्वीकार करदइ हए और उनके दण्ड देबैगो।

प्रेरित 13:14

पावल और बारनाबास पर्गा सहरसे अग्गु बढके गलातिया परदेशको पिसिदिया जिल्लाके ढिँगै एन्टिओखिया सहरमे पुगे, और पबित्र दिनमे बे दुई जनै यहूदी सभाघरमे जाएके बैठे।

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

यूहन्ना 4:48

येशू बोसे कही, “जब तक तुम शक्तिशाली चमत्कार और अचम्मोके काम नाए देखैगे, तबतक कदापी मोके ख्रीष्टके रुपमे कोइ बिश्वास नाए करैगे।”

मत्ती 12:28

अगर मए परमेश्वरको आत्मासे भुत भजातहओं तओ परमेश्वरको राज्य तुमरमे आइगओ हए।

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।

कलस्सी 1:25

परमेश्वर मोके नियुक्त करी, ताकी तुमके बाको सन्देश पुरा रुपमे सम्झाए पामओं। तभीमारे मए मण्डलीको सेवक बनिगओ।

रोमियों 15:24

जहेमारे जब स्पेन देशमे जामंगो तओ तुमर ठिन भेँट करके जामंगो काहेकी मोके आसरा हए, कि बो यात्रामे तुमसे भेँट कर्पामओं, और जब तुमर सँग कुछ समय तक संगतीको आनन्द लैके मए चाँहत हओं, कि तुम मोके मेरी स्पेन देशके यात्राके ताहीं मदत करओ।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

रोमियों 15:16

कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

1 कोरिन्थी 2:4

मिर शिक्षा और मिर परचार आदमीनको ज्ञानको चलाँख बोलीसे नाए रहए; पर पबित्र आत्मा तुमके एक सामर्थ्य तरिकासे दिखाइ, कि जो सन्देश मए तुमके बताओ बो सच्चो रहए।

1 थेसलोनिकी 1:5

काहेकी हमर येशू ख्रीष्टके बारेमे सच्चो अच्छो समाचार तुमर ठिन केबल बोलिमे नाए आओ, पर पबित्र आत्माके शक्तिसे पुरा रुपमे पक्का हुइके आओ हए। तुमके पता भओ हए, कि जब हम तुमर सँग रहएं तओ हमर जीबन कैसो रहए।