रोमियों 15:16 - राना थारु नयाँ नियम

¹⁶ कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

परमेस्वर को सच्चो वचन

¹⁶ कि मैं गैर यहूदि के ताहीं मसीह ईसु को सेवक हुईकै परमेस्वर के सुसमाचार की सेवा पुजारी के हानी करौं; कि गैर यहूदि पवित्र आत्मा के जरिये बाकै समर्पित करी गई भेंट होमैं, जो परमेस्वर के भाँति है।

रोमियों 15:16 Referans Kwoze

रोमियों 11:13

मए तुम गैर-यहूदीनसे जा बात कहिरहो हओं। मए गैर-यहूदीनके ताहीं चुनो भओ चेला भओके कारण मए मिर सेवाकाइमे गर्ब करत हओं।

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

प्रेरित 9:15

पर प्रभु बोसे कही, “तए चलो जा, काहेकी जत गैर-यहूदी, राजा और इस्राएल देशके आदमीनके अग्गु मेरे बारेमे परचार करनके ताहीं मए बोके मिर सेवा करनके ताहीं चुनो हओं।

2 तिमोथी 1:11

जा अच्छो समाचारके ताहीं, परमेश्वर मोके एक परचार करन बारोके रुपमे, और येशूसे चुनो भओ चेलाके रुपमे और गुरुके रुपमे फिर मोके चुनी हए।

1 तिमोथी 1:11

जा सही शिक्षा हमर अदभुत परमेश्वरको महिमाके बारेमे अच्छो समाचारसे सहमत होत हए, जौन मोके परचार करनके जिम्मा दइ हए।

हिब्रू 13:16

भलाइ करन और जो कुछ तुमर ठिन हए, आवश्यकतामे पणेभएनसे बाँटचुट करन मतभुलओ, काहेकी अइसियए बलिनमे परमेश्वर खुसी रहात हए।

रोमियों 15:18

ख्रीष्ट मेरे द्वारा जो करीहए मए जा कहानके ताहीं सहासी हओं, कि मए गैर-यहूदीनके परमेश्वरको अनुसरण करनमे सक्षम हुइपामओं। जब बे मेरे सब्दके सुनीं और मेरे कामके देखीं तओ बे परमेश्वरमे भरोसा करीं।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

1 तिमोथी 2:7

जहेमारे परमेश्वर मोके अच्छो समाचारको परचारक और एक चुनो भओ चेला होनके चुनी। बा मोके गैर-यहूदीनके बिश्वासको सच्चो सन्देश सिखानके ताहीं चुनी। मए नाए ठग रहो हओं; मए सच्चो बात कहात हओं।

2 कोरिन्थी 5:20

जहेमारे हम ख्रीष्टके राजदूत हएं, और परमेश्वर आदमीनके हम द्वारा बाको सन्देश स्वीकार करनके बिन्ती करनडटो हए। ख्रीष्टके पक्षमे हम तुमके बिन्ती करत हएं, कि तुम परमेश्वर सँग मेलमिलापमे आबओ।

1 कोरिन्थी 4:1

आदमीके, हमके ख्रीष्टको सेवक और परमेश्वरको लुको भओ सत्यके प्रकट करन बारो जिम्मेबारी सौँपो गओहए कहिके मानन पणत हए।

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

1 थेसलोनिकी 2:2

हियाँ आनसे पहिले फिलिप्पी सहरके आदमी हमके दुख दइं और हमर बेइज्जत करीं। जा बात फिर तुमके पतए हए। तओ फिर परमेश्वर हमके सहास दइ, कि तुमर सहरके आदमीनसे बहुत बिरोध होतए-होत फिर हम तुमके परमेश्वरको अच्छो समाचार सुनाए।

फिलिप्पी 4:18

मोके मिलन बारो चीजसे जद्धा पाओ हओं। तुम इपाफ्रोडिटसके हातमे पठाओ भओ रुपैया पाएके मए सन्तुष्ट हुइगओ हओं। मेरे ताहीं तुमर उपहार मिठो महाँकन बारो बलिदान जैसो हए, जो पुजारी परमेश्वरके चढात हए। जा इनाम परमेश्वरके ताहीं ग्रहणयोग्य हए, और परमेश्वरके खुसी करत हए।

इफिसियों 2:22

हे गैर-यहूदीके बिश्वासी, काहेकी तुम ख्रीष्टके सँग एकजुट हओ, जहेमारे तुमके फिर परमेश्वरके औरे आदमीनके सँग जोडो जाएरहो हए। ताकी तुम एक अइसो घर बन्जाबओ जहाँ पबित्र आत्माको शक्ति द्वारा परमेश्वर रहात हए।

इफिसियों 2:18

ख्रीष्टके कारण, हम सब एकए पबित्र आत्माके द्वारा दौवाके ठिन आएसकत हएं।

गलातियों 3:5

परमेश्वर अब खुल्ला मनसे तुमके अपनो पबित्र आत्मा देतहए, और तुममे चमत्कारको काम करत हए, का जा जहेमारे हए, कि तुम मोशाको नियम कानुनके पालन करे? या जा जहेमारे हए, कि तुम ख्रीष्टके बारेमे अच्छो समाचारके सुने और बोमे बिश्वास करे?

2 कोरिन्थी 11:23

का बे ख्रीष्टके सेवक हएं? मए ख्रीष्टको औ अच्छो सेवक हओं। पागल कता मए बत्कात रहत हओं। मए उनसे कहुँ जद्धा बन्दी बनाओ गओ हओं, अनगिन्ती पिटो गओ हओं, अक्सर मेरे प्राण संकटमे पणे हएं।

2 कोरिन्थी 8:5

और हम सोँचे नाए रहएं, कि बे अइसे दइपए हएं। पर बे पहिले अपनएके प्रभुके ताहीं और पच्छु हमर ताहीं सौप दइं, जैसे परमेश्वर बिनके द्वारा करो चाँहत रहए।

1 कोरिन्थी 6:19

तुम जरुर जानत हओ, कि तुमर शरीर मन्दिर हए जोमे पबित्र आत्मा रहात हए; जो तुममे बास भओ हए और तुमके परमेश्वरके घेनसे मिलो हए, और तुम परमेश्वरके हओ।

1 कोरिन्थी 3:5

अपोल्लोस कौन हए? पावल कौन हए? बे सेवक इकल्ले हएं, जोसे तुम ख्रीष्टमे भरोसा करे। हम मैसे सब आदमी बहे काम करे जो परमेश्वर हमके करनके ताहीं दइ।

रोमियों 15:29

और मए जानत हओं, कि जब मए तुमर ठिन आमंगो और ख्रीष्टसे पाओभओ बहुत आशिष तुमर सँग बाँटंगो।

रोमियों 5:5

हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।

प्रेरित 22:21

तओ प्रभु मोसे कही, ‘जा, काहेकी मए तोके गैर-यहूदीनके ठिन दुर-दुरतक पठामंगो।’”

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

प्रेरित 13:2

जब बे उपवास सहित प्रभुकी आराधना करनडटे रहएं, तओ पबित्र आत्मा कही, “मेरे ताहीं बारनाबास और शाऊलके मेरी सेवा करनके ताहीं अलग करओ जोके ताहीं मए उनके बुलाओ हओं।”

रोमियों 15:19

पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

रोमियों 15:20

पर मिर मनको उमंग जहेहए, कि अच्छो समाचार परचार बेहीं क्षेत्रमे होएं, जहाँ येशू ख्रीष्टके बारेमे अबतक नाए सुनाओ गओ। ताकी मए उइसो घर बनान बारो नाए हुइपामओं जौन औरेनके जगमे घर बनातहए।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।