रोमियों 15:1 - राना थारु नयाँ नियम

¹ सयद हम जा जानत हएं, कि जे बातनसे कोइ फरक नाए पणत हए, पर हम केवल अपनएके खुस करनके ताहीं अइसो नाए कर सकत हएं। हमएं बेहीं आदमीनको शंखा और डरमे बिचार करन चाहो जौन जे बातनके गलत मानत हएं।

परमेस्वर को सच्चो वचन

¹ हम जो बिस्वास मैं मजबूत हैं उनकै अपनो बोझ ढोन के ताहीं मदत करनो चाहिए। हमैं खुदकै खुस नाय करनो चाहिए।

रोमियों 15:1 Referans Kwoze

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

रोमियों 14:1

बिश्वासमे कमजोर भओ आदमीके बोको मान्यतनके बारेमे कुछु फिर शंखा बिना बोके ग्रहण करओ, पर बिनको बिश्वास तुमर बिश्वाससे फरक हए कहेसे बिनको अलोचना मत् करओ।

1 कोरिन्थी 9:22

जब मए बे आदमीनके सँग होत हओं जौनको बिश्वास कमजोर हए, तओ उनके बरोबर ब्यबहार करत हओं। ताकी मए उनके ख्रीष्टके पिच्छु चलनमे मदत करपामओं। मए सब आदमीनके ताहीं सब कुछ बनो हओं, कि कोइन-कोइ रितिसे, कोइ कुछ आदमीके उद्धार करबाए पामओं।

1 यूहन्ना 2:14

हे दौवओ, मए तुमके जाकेमारे लिखत हओं, कि जा पुरो संसारको सृष्टिसे पहिले बचन रहए, तुम बोके जानीगए हओ। हे जवानओ, मए तुके जाकेमारे लिखत हओं, कि तुम बलवान हओ, और परमेश्वरको बचन तुमर भितर रहतहए, और तुम बो शैतानसे जीतीगए हओ।

2 तिमोथी 2:1

अन्तमे, मिर लौंणा तिमोथी, अपनएके हौसला दे, जा जानके, कि परमेश्वर तोके बहे अनुग्रह दइ हए, जो सिरफ येशू ख्रीष्टसे आत हए।

रोमियों 4:20

अब्राहाम परमेश्वरके प्रतिज्ञाके बारेमे कुछ शंखा करी, पर अपनो बिश्वासमे बलियो हुइके परमेश्वरके महिमा दइ।

इफिसियों 6:10

तुमर ताहीं मिर अन्तिम सब्द जा हए, कि आत्मिक रुपसे प्रभुको शक्तिशाली सामर्थसे मजबुत बनओ।

2 कोरिन्थी 12:10

जहेमारे ख्रीष्टके ताहीं कमजोरीनमे, बदनामीनमे, कठिनाइमे, सतावटमे, आफतमे मए सन्तुष्ट रहत हओं। काहेकी जब मए कमजोर होत हओं, तओ मए ख्रीष्टको शक्ति द्वारा मजबुत होत हओं।

1 कोरिन्थी 4:10

आदमी हमके मुरख सम्झत हएं काहेकी हम ख्रीष्टके बारेमे परचार करत हएं, पर गल्तीसे तुम सोँचत हओ, कि तुम बहुत बुद्धिमान बिश्वासी हओ! बहुत सारे आदमी सोँचत हएं, कि हमरे ठिन कोइ अधिकार नाए हए। पर तुम घमण्डसे कहात हओ, कि तुमर ठिन परमेश्वरको शक्ति हए। आदमी हमर सम्मान नाए करत हएं पर बे तुमर सम्मान करत हएं।

रोमियों 14:2

काहेकी एकके बिश्वास हए, कि सब कुछ खान ठिक हए, पर जो बिश्वासमे कमजोर हए, बो सागसब्जी इकल्लो खात हए।

फिलिप्पी 2:4

तुम सब अपने भलाइके इकल्लो मत् ढुणओ, पर औरनके भलोके ताहीं फिर चिन्ता करओ।