रोमियों 12:3 - राना थारु नयाँ नियम

³ मोके दओगओ अनुग्रहसे तुम मैसे सबके मए बिन्ती करत हओं, जौनके अपनएके जैसो सम्झन्के हए बोसे जद्धा बडो मतसमझओ; पर परमेश्वर तुमके जित्का बिश्वास दइहए बहे कता अपनएके सम्झओ।

परमेस्वर को सच्चो वचन

³ काहैकि मैं बहे अनुग्रह के बजह से जो मोकै मिलो है, तुम जितने हौ सबन से कहथौं, कि जैसो समझनो चाहिए, बासे जाधे कोई अपने आपकै नाय समझै; जाके अलावा अपनी सोच मैं विनम्र बनौ, लेकिन जैसे परमेस्वर सबन कै बिस्वास से नाप तौल से बाँट दई है, बैसिये सई बुद्धि के संग अपने आपकै आकैं।

रोमियों 12:3 Referans Kwoze

गलातियों 6:3

अगर कोइ सोँचत हए, कि बो अगुवा हए, पर अगर बो सचमे अगुवा नाए हुइहए कहेसे बो अपनएके धोखा दइ रहो हए।

1 पतरस 5:5

उइसीयए जवान आदमीउ, बुढेनके अधीनमे बैठओ। तुमके सब नम्रतासे एकदुस्रेनके मदत करन पणत हए। काहेकी पबित्र-शास्त्रमे लिखो हए, “परमेश्वर घमण्डीनके बिरोध करत हए, पर नम्र आदमीनके बा अनुग्रह करत हए।”

रोमियों 12:16

एक-दुसरेन्को उत्नुए ध्यान देओ जित्ना तुम अपनएके ध्यान करत हओ, घमण्ड मत् करओ, पर नम्र बारेनके सँगत करओ और अपनी नजरमे जनैया मतहोबओ।

1 पतरस 5:8

होस करओ, जगे रहाओ, काहेकी तुमर दुश्मन शैतान आदमीनके नष्ट करनके ताहीं चारौ तरफ घुमरहे हएं। बे गर्जन बारो बघटा कता कौनके पामओं और खामओं कहिके दावमे घुमरहे हएं।

1 पतरस 4:7

सबए बातको अन्त ढिँगै आइगओ हए। जहेमारे तुम स्पष्ट रुपमे सोँचओ और अपनएके अधिनमे धरओ, ताकी तुम प्राथना करपाबओ।

याकूब 4:6

पर बा हमके अइसो खराब लालचके बिरुद्ध उठनके ताहीं औ फिर जद्धा अनुग्रह देतहए। जहेमारे पबित्र-शास्त्रमे लिखो हए, “परमेश्वर घमण्डीनको बिरोध करत हए, पर नम्र आदमीनके अनुग्रह करत हए।”

1 पतरस 4:11

उदाहरणके ताहीं, अगर तुमर सँग परचार करनको बरदान हए कहेसे, तुमके परमेश्वरको बचन परचार करन पणत हए। अगर तुमर सँग औरे आदमीनके मदत करनको बरदान हए कहेसे, बो तुम परमेश्वरके माध्यामसे दओगओ शक्तिसे करओ। तओ बोसे येशू ख्रीष्टद्वारा परमेश्वरके महिमा मिलैगो। सबए महिमा और शक्ति हरदम बहेको हए! आमेन।

1 कोरिन्थी 7:17

जो मए कहिरहो हओं बोको मतलब जा हए: परमेश्वरए तुमके छानी हए, और बहे तुमके बरदान दइ हए। और तुम सबके बहे अनुसार जीइन पणैगो। मए सबए मण्डलीनके सिखाओ भओ शिक्षा फिर जहेहए।

तीतुस 2:12

परमेश्वरको अनुग्रहके कारण, परमेश्वर हमके सिखात हए, कि हम अइसो ब्यबहार नाए करएं, जो ब्यबहार परमेश्वरके खुसी नाए बनात हए। और जौन चीजके पानके गैर-बिश्वासीनको इच्छा रहात हए, उइसो चीजको इच्छा हमके नाए करन पणत हए। और हम संसारमे हएं कहेसे बुद्धिमान और धार्मिकतासे परमेश्वरके खुसी बनानको ब्यबहार करन पणत हए।

तीतुस 2:2

बुढे मनै अपनए-अपनएके नियन्त्रण करपान बारे होन पणतहए, अइसो ब्यबहार करनके चाहो ताकी आदमी बोके सम्मान करएं, और दुस्रे जनैनसे समझदारसे ब्यबहार करन बारो होन पणतहए। परमेश्वरमे उनको बिश्वास मजबुत होन पणतहए, दुस्रे आदमीनसे सच्चाईसे प्रेम करन बारो होन पणतहए और सहनको क्षमता होन पणतहए।

2 कोरिन्थी 12:7

पर परमेश्वर दिखाओ भओ प्रशस्त प्रकाशके बारेमे घमण्डसे मए जद्धा नाए फुलओं कहिके मोके सतानके और घमण्डसे रोकनके शैतानको दूत बहुत अग्ठो समस्या अर्थात् एक काँटोसे छेदन बारो एक पिडा दओगओ।

रोमियों 11:20

जा सत्य हए, बे त अबिश्वासीके कारण काटेगए, पर तुम बिश्वाससे बने रहात हओ जहेमारे घमण्डी मतहोबओ, पर डर मानओ।

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

तीतुस 2:4

ताकी बे एक अच्छो उदाहरण बनपामएं, और जवान लौंणीया और बैयरनके सल्लाहा देनके योग्य होमएं, ताकी अपने लोगासे और बच्चनसे प्रेम करएं।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

यूहन्ना 3:34

काहेकी जौनके परमेश्वर पठाइ हए, बा परमेश्वरको बात बत्कात हए: काहेकी परमेश्वर, पुरा रुपसे पबित्र आत्मा देतहए।

इफिसियों 4:16

हम सब जो ख्रीष्टमे बिश्वास करत हएं, बाकी शरीरके अंग कता हएं। जैसे एक आदमीको शरीर, बोको सरा गाँठी-गाँठीसे जुणो रहात हए, और जब शरीरके सब अंग ठिक रितीसे काम करत हए तओ शरीर बढतहए और मजबुत होत हए। उइसीयए, जब हम मैसे हर कोइ बो कामके करत हए जो ख्रीष्ट हमके दइ हए, तओ हम मजबुत बनंगे और पक्को होमंगे और एकदुस्रेके औ जद्धा प्रेम करंगे।

लूका 18:11

फरिसीनको समुहको आदमी ठाणके अपन मनए-मनमे अइसे परमेश्वरसे प्राथना करन लागो, ‘हे परमेश्वर, मए तुमके धन्यबाद देत हओं, कि मए औ आदमीनके जैसो फाटहा, अन्यायी, व्यभिचारी, और नए जा कर उठान बारो जैसो हओं।

तीतुस 2:6

अइसियए जवान आदमीनके फिर सम्झा, कि बे सम्झदरीसे काम करएं।

1 तिमोथी 2:15

पर परमेश्वर बालकाके जनम देनके द्वारा बैयरनके बचाए लेबैगो, जब तक बे लगातार ख्रीष्टमे बिश्वास करतए रएहएं, एकदुस्रे आदमीसे प्रेम करत रएहएं, और शुद्ध और ठिक तरिकासे ब्यबहार करतए रएहएं।

1 तिमोथी 2:9

अइसियए मए चाँहत हओं, कि बिश्वासी बैयरनके फिर ठिक तरिकासे लत्ता पैंधन पणो, अइसे लत्ता, कि जो तारिफको लायक हए, और स्वीकारको लायक हए; जैसे बे अपने बारके बनात हएं बोसे अपने घेन आकर्षित नाए करएं, और नए त सोनो, मोती और महिंगो लत्तासे,

1 तिमोथी 1:14

हमर प्रभु लगातार मिर उपर बहुत जद्धा अनुग्रह, बिश्वास और प्रेम दइ, काहेकी मए ख्रीष्ट येशूके सँग एकजुटमे रहओं।

इफिसियों 3:4

जब तुम चिट्ठी पढैगे, तुमके जा फिर पता चलैगो, कि मए नेहात्तओकमे ख्रीष्टको रहस्यमय योजनाके बारेमे कित्नो अच्छेसे सम्झत हओं।

2 कोरिन्थी 12:13

मए तुमर मण्डलीसे एक बात नाए करो, जौन अन्य मण्डलीनके सँग करो। बो जा हए, कि मए कभु फिर तुमर ताहीं आर्थिक रुपमे बोझ नाए बनो। का जहे तुमके तुच्छ महसुस करबाइ? तुमके जा सोँचन गलत हए, कि मए उइसो करके तुमर बिरुद्ध गलत करो हओं कहेसे मोके क्षमा करओ।

1 कोरिन्थी 3:10

परमेश्वर मोके जो काम अपनो बरदानसे करनके दइ हए, बोके मए बुद्धिमानसे करो; मए तुमर सहरमे अच्छो समाचार परचार करो और तुमसे पहिले आदमीनके येशूमे बिश्वास करनमे मदत करो। बोके पिच्छु, अन्य ख्रीष्टियन मजदुर बो काम करतए रहे, जो मए सुरु करो रहओं। पर हम मैसे सब मजदुरन्के ध्यानसे बिचार करन चाहो, कि हमके परमेश्वरको काम कैसे करनके हए।

रोमियों 11:25

हे बिश्वासी ददाभइया, मए नाए चाँहत हओं, कि तुम गैर-यहूदी अपने बारेमे बहुत घमण्ड करओ। जहेमारे इस्राएल देशके आदमीनके सँग का भओ हए बो रहस्य मए बतामंगो। जा सत्य हए, कि इस्राएल देशके बहुतसे आदमी बिश्वास करनके तयार नाए हएं, पर जब परमेश्वरके पिछा करन बारे गैर-यहूदी आदमीनकी संख्या पुरा हुइजएहए, तओ इस्राएल देशके आदमी बिश्वास करंगे और परमेश्वरके ठिन लौटके आए जामंगे।

3 यूहन्ना 1:9

मए पहिले फिर तुमर मण्डलीके बिश्वासीनके एक चिट्ठी लिखो रहओं, पर डियोत्रिफस मिर आदेश स्वीकार नाए करत हए, काहेकी बो सदिमान अपनए मण्डलीको अगुवा बनन चाँहत हए।

कलस्सी 2:13

और तुम फिर अपन अपराध और अपन पापी स्वभाबको शक्तिसे स्वतन्त्र नाए रहओ। तओ परमेश्वर तुमके ख्रीष्ट सँग जीइबाइ, और हमर सब अपराधके माफ करी।

कलस्सी 1:29

जाके पुरा करनके ताहीं मए बहुत मेहेनत और संघर्ष करत हओं। बो शक्तिको प्रयोग करतए, जो शक्ति मोके ख्रीष्ट देतहए, और जौन शक्ति मोएमे काम करत हए।

इफिसियों 3:2

तुम नेहात्तओ सुने हओ, कि जा काम जो परमेश्वर मोके तुमर मदत करनके ताहीं बाकी अनुग्रहसे दइ हए।

2 कोरिन्थी 10:13

परमेश्वरको दओ भओ कामको सिमासे बाहिरको काममे हम गर्ब नाए करत हएं, पर तुमरुयए तक पुगनके ताहीं परमेश्वर हमके तोक दओ भओ सिमा भितरए रहामंगे।

फिलिप्पी 2:13

काहेकी परमेश्वर तुममे काम कर रहोहए, तभीमारे तुमके बो सब काम करन इच्छा और शक्ति देतहए, जौन काममे परमेश्वर खुसी होतहए।