रोमियों 12:13 - राना थारु नयाँ नियम

¹³ प्रभु येशू ख्रीष्टके पबित्र आदमीनके जो कुछ जरुरत हए बोमे उनके मदत करओ, घरमे आएभए पहुनन्को सेवा सत्कार करनमे लागे रहाओ।

परमेस्वर को सच्चो वचन

¹³ परमेस्वर के पवित्र लोगन कै जो-जो चीजन की जरूरत होबै, बामै उन सबन की मदत करौ; खातिरदारी करत रहबौ।

रोमियों 12:13 Referans Kwoze

हिब्रू 13:16

भलाइ करन और जो कुछ तुमर ठिन हए, आवश्यकतामे पणेभएनसे बाँटचुट करन मतभुलओ, काहेकी अइसियए बलिनमे परमेश्वर खुसी रहात हए।

2 कोरिन्थी 9:12

काहेकी तुमर दानसे ख्रीष्टको पबित्र जनको खाँचो पुरा होबैगो। इत्कए इकल्लो नाए बल्कि जासे परमेश्वरके लगातार धन्यबाद चढाओ जाबैगो।

1 यूहन्ना 3:17

संसारको धनसम्पति होन बारे आदमी अपनो भइयाको जरुरत देखके फिर दया नाए दिखात हए कहेसे कैसे उइसो आदमी परमेश्वरके प्रेम करैगो?

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

1 पतरस 4:9

आदमीनके तुमर घरमे स्वागत करओ और कोइ गुनासो नाए करके अइसे करे करओ।

गलातियों 6:10

जहेमारे जहाँ तक मौका मिलए, हम सब आदमीनके सँग भलाइ करएं; खास करके सँगी बिश्वासीनके ताहीं।

हिब्रू 13:2

याद करओ, परदेशीनके फिर पाहुननके रुपम सत्कार करन पणत हए। काहेकी अइसियए कोइ-कोइ बिना पता पाएके स्वर्गदूतन्के स्वागत करी हएं।

1 तिमोथी 3:2

जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

मत्ती 25:35

काहेकी जब मए भुखानो रहओं, तुम मोके खानके खानु दए, जब मए प्यासो रहओं, तुम मोके पिनके पानी दए; जब मए परदेशी रहओं, तओ तुम मोके अपने घरमे बुलाए।

फिलेमोन 1:7

हे मेरो प्यारे भइया, दुस्रे जनैनके तए करोभओ प्रेमके देखके मए बहुत आनन्दित और उत्साहित हओं। काहेकी तेरे द्वारा परमेश्वरके आदमी उत्साहित हुइगए हएं।

तीतुस 1:8

पर पाहुननके सत्कार करन बारे, दुस्रेके ताहीं भलाइसे प्रेम करन बारे, शान्तसे ब्यबहार करन बारे, सही रितिसे ब्यबहार करन बारे, पबित्र जीबन जीइन बारे और बे अपनए-अपनामे अधिन करपान बारे होन पणत हए।

2 कोरिन्थी 9:1

यरूशलेम सहरके बिश्वासीनके ताहीं दओगओ रुपैयाके बारेमे तुमके लिख्तए रहानके जरुरी नाए हए।

प्रेरित 10:4

कर्नेलियस स्वर्गदूतके ध्यानसे देखी और डराएके कही, “का आज्ञा हए प्रभु?” बा कर्नेलियससे कही, “तेरे प्राथना और तेरे दान स्मरणके ताहीं परमेश्वरको अग्गु पुग्गए हएं।

प्रेरित 4:35

और बो रुपैयाके चुनेभए चेलनके दइ देत रहएं और जौन-जौनके जो-जो चीजको कमी पणत रहए, बोके अनुसार सबएके बाँटदेओ करत रहएं।

1 कोरिन्थी 16:15

हे मेरे बिश्वासी ददाभइयओ, तुम स्तिफनास और बोको परिवारके जानत हओ, कि बे अखैया परदेशके पहिलो आदमी रहएं जो ख्रीष्टमे बिश्वासी बने; और परमेश्वरके पबित्र आदमीनके मदत करनके ताहीं तयार रहात हएं।

रोमियों 12:8

जोके उत्सहा देनको बरदान मिलो हए तओ बो उत्सहा देनमे लगोरहाए; कोइके दान देनको बरदान मिलो हए कहेसे खुल्ला मनसे दान देबए, जोके अगुवापनको बरदान मिलो हए कहेसे अगुवाई करनमे गम्भीरतासे लागोरहाए। और जोके दया दिखानको बरदान मिलो हए कहेसे खुसीसे करनमे लागो रहाबए।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

3 यूहन्ना 1:5

हे मेरो सँगी, तए बिश्वासयोग्यतासे हमर बिश्वासी ददाभइयनको मदत करनके ताहीं बहुत चीज करो हए। और हियाँतककी तए बे आदमीनके फिर मदत करत हए, जौनके तए नाए जानत हए।