रोमियों 11:22 - राना थारु नयाँ नियम

²² जहेमारे परमेश्वरको दयालुता और कठोरताके देखके बिचार करओ! पतन भए बारेन्के उपर कडा ब्यबहार करओ, पर बाको दयामे रहे कहेसे तुमके परमेश्वरको दया दिखाओ जाबैगो, नत तुम फिर काटे जाबैगे।

परमेस्वर को सच्चो वचन

²² हींना हम देखथैं कि परमेस्वर कित्ते दयालु और गंभीर हैं। बौ बे लोगन के ताहीं गंभीर है जो गिर गै हैं लेकिन तुमरे ऊपर दया करथै अगर तुम बाकी दयालुता बनाये रखाथौ तौ। लेकिन अगर तुम नाय करथौ, तौ तुम्हऊँ टूट जागे।

रोमियों 11:22 Referans Kwoze

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

हिब्रू 3:6

पर ख्रीष्ट परमेश्वरको घरको आदमीनसे लौंणाके रुपमे बिश्वासयोग्य रहए। और आगर हम हमर आसरामे सहास और भरोसा करे रएहएं, तओ हम परमेश्वरको घरके आदमी हएं।

1 कोरिन्थी 15:2

परमेश्वर तुमके, बो अच्छो समाचारके द्वारा उद्धार दइहए। और अगर तुम बो अच्छो समाचारमे बिश्वास करतए रहे कहेसे परमेश्वर तुमके बचाबैगो। अगर तुम अइसे नाए करत हओ तओ तुम बिना कामको बिश्वास करे हओ।

यूहन्ना 15:2

अगर एक हँगा जो मोएमे जुणो हए, पर फरा नाए देतहए कहेसे बोके काट डारत हए, और जो फरा देतहए बोके छानदेत हए ताकी और फरा फराबए।

प्रकाश 2:5

जहेमारे याद कर, कि तए सुरुवातमे मोसे कैसे प्रेम करत रहए, और अब तए मोसे उइसे प्रेम नाए करत हए। जहे बातमे पाप करन छोडके परमेश्वर घेन घुम, और मोसे अइसीयए प्रेम करन सुरु कर, जैसे तए सुरुवातमे मोके प्रेम करत रहए। अगर तए नाए बदलैगो, तओ मए तिर ठिन आमंगो और जहाँ तिर दिया धरो हए, बोके हुवाँसे हटाएके तोके दण्ड देमंगो।

गलातियों 6:9

हम भले काम करनमे निरास नाए होमएं, अगर हम कभी हार नाए मानंगे तओ परमेश्वरके समयमे इनाम पामंगे।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

हिब्रू 10:23

हम जो आसरा करेहएं बोके मजबुतसे पाकणे रहमएं, काहेकी बाको करोभओ प्रतिज्ञा बा पुरा करैगो कहिके हम परमेश्वरमे बिश्वास करपामएं।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

यूहन्ना 8:31

येशू अपने उपर बिश्वास करन बारे यहूदीनसे कही, “अगर तुम मिर बचनमे बने रहाबैगे तओ तुम नेहात्तओ मिर चेला हुइजएहओ।

1 थेसलोनिकी 3:8

तुम प्रभुमे मजबुत हओ कहिके पता पानो हमरे ताहीं नायाँ जीबन पाए कता हए।

प्रेरित 11:23

बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

लूका 8:15

पर अच्छी जमिनमे पणन बारे बेही हएं, जौन बचन सुनके अच्छो मन और भलो ह्रदयमे बाके बचाए रहतहएं, और धैर्यसाथ फरा फरातहएं।

1 थेसलोनिकी 3:5

तभीमारे जब मए जा जाने बिना रहो, कि तुम कैसे हओ, तओ परीक्षा करन बारो शैतान तुमर परीक्षा त नाए करी होए, और अइसो हुइहए कहेसे हमर मेहेनत बेकार हुइ जाबैगो कहिके मिर मनमे डर रहए। और अइसे नाए होए कहिके मए तिमोथीके तुमर बिश्वासको हाल जाननके ताहीं तुमर ठिन पठाओ हओं।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

रोमियों 11:21

काहेकी अगर परमेश्वर स्वभाबिक हँगनके दया नाए करी कहेसे तुमके फिर दया नाए करैगो।