रोमियों 1:20 - राना थारु नयाँ नियम

²⁰ जबसे परमेश्वर संसारके बनाइ हए, आदमी बाको अनन्त सामर्थ्यके स्पष्ट रुपसे समझ सकत हए और जा फिर जान सकत हए, कि बा बस्ताबमे ईश्वरीय स्वभाबको हए। जे विशेषताके नाएदेखो जाए सकत हए। पर उनके जानो जाओ सकत हए। परमेश्वरके द्वारा बने गए चिजनके द्वारा आदमी परमेश्वरके बारेमे जा जान सकत हएं। जहेमारे बे आदमीनके ठिन अइसो कोइ बहाना नाए हए, कि बे परमेश्वरके नाए जान्तहोएं।

परमेस्वर को सच्चो वचन

²⁰ काहैकि परमेस्वर के अनदेखे गुन, मतलब बाकी अनंत सामर्थ्य, और परमेस्वरत्व दुनिया की उत्पत्ति के समय से बाके काम के जरिया देखन मैं आथैं, इसलै उनके झोने कोई उत्तर नाय है।

रोमियों 1:20 Referans Kwoze

रोमियों 1:19

जहेमारे जे सब, मानब जातिके ताहीं स्पष्ट हए, कि परमेश्वर कैसो हए। काहेकी परमेश्वर अपनए उनके स्पष्ट करदइ हए।

रोमियों 2:15

बे दिखात हएं, कि परमेश्वरके द्वारा दओगओ मोशाको नियम कानुन उनके मनमे लिखो हए। काहेकी उनको अप्नो सोँच दिखात हए, कि जा सच्चो हए। काहेकी उनको बिचार या त उनके उपर दोष लगात हए। या त बे बतात हएं, कि बे सही कर रहे हएं।

यूहन्ना 1:18

परमेश्वरके कोइ कभु नाए देखिहएं। बाको एक लौंणा इकल्लो बाके देखी, हए जो परमेश्वर कता हए। और जो परमेश्वरके ढिँगै हएं, परमेश्वर बहे लौंणाके प्रकट करी हए।

यूहन्ना 15:22

अगर मए नाए अइतो और उनसे बात नाए करतो, तओ बे पापको दोषी नाए हुइते पर अब बिनके उनको पापके ताहीं कोइ बहाना नाए हए।

1 तिमोथी 1:17

अब अनन्तकालको राजा और नाए देखमिलन बारो एकए परमेश्वरके सदासर्वदा आदर और सम्मान होतए रहाबए। आमेन।

कलस्सी 2:9

काहेकी जब ख्रीष्ट आदमी बनो, तओ बा पुरो रुपसे परमेश्वर रहए। तभीमारे तुम जे आदमीनसे अपनएके धोखा मतदेओ,

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

रोमियों 2:1

शायद तुम अइसो सोँचत हुइहओ, कि तुम दुस्रोके दोष लगाए सकत हओ। पर हे दोष लगान बारे, तुम जो औरेके उपर दोष लगात हओ, तुम कोइ बहाना नाए बनाए पाबैगे; काहेकी जौन बातमे तुम औरेके दोष लगात हओ, बहे बातमे तुम अपनएके फिर दोषी ठहिरात हओ। जहेमारे जौन कामको बधी तुम औरेनके लगात हओ, बो काम तुम अपना फिर करत हओ।

कलस्सी 1:15

कोइ परमेश्वरके नाए देख पातहए, पर जब परमेश्वरको लौंणा आदमी बनो, बा आदमीनके परमेश्वरके अग्गु प्रकट करी। और परमेश्वरसे सृष्टि भओ सब चीजके उपर बाके ठिन सबसे बडो अधिकार हए।

1 तिमोथी 6:16

और सिरफ बहे इकल्लो हए, जो हमेसाके ताहीं जिन्दा हए, और बा इतनो चम्कन बारो उजियारोमे रहात हए, कि कोइ फिर बाके ढिँगै नाए आए पातहए। और नए बाके कोइ आदमी देखी हएं, और नए कभी देख पामंगे। बाकी महिमा और शक्ति सदा दिन रहाबए। आमेन।

रोमियों 16:26

पर अब अनन्तको परमेश्वरको आज्ञाके अनुसार अगमबक्ताके लिखेभए पबित्र-शास्त्र द्वारा प्रकट करोगओ हए और परचार करोगओ हए जा हेतुसे, कि सबए जाति बिश्वास करएं और आज्ञापालन करएं।

प्रेरित 17:29

जहेमारे परमेश्वरको सन्तान हुइके हम परमेश्वरके, आदमीको बुद्धि और कलासे बनोगओ पत्थर, चाँदी और सोनोको मूर्ति कता नाए सम्झन पणत हए।

हिब्रू 11:27

राजाको गुस्सासे नाए डराएके बिश्वासए द्वारा बो मिश्रदेश छोडी, काहेकी कठिनाइको सामना करनके बाबजुत फिर बो नाए लौटो। काहेकी बोके अइसो लागत रहए, कि बो अदृश्य परमेश्वरके देखी होए।

मत्ती 5:45

तओ तुम स्वर्गमे होन बारो अपन दौवाके सन्तान होबैगे। काहेकी परमेश्वर आदमीके सुर्यको आँच देतहए, और धर्मी और पापी दोनौ मनैके ताहीं मेहे बर्सात हए।

प्रेरित 22:1

ए मिर बिश्वासी ददाभइयओ और दौवओ, तुमर अग्गु मए अपन पक्षमे कहान बारी बात अब सुनओ।

मर्कूस 10:6

पर सृष्टिको सुरुमे परमेश्वर सबकुछ बनाइ, और मनैके ‘लोग और बैयर’ करके बनाइ।

1 कोरिन्थी 1:20

उइसो हए तओ, हम बुद्धिमान आदमीनके बारेमे का कहे सकत हएं? हम मोशाको नियम कानुन सिखान बारेसे का कहे सकत हएं? हम संसारके अइसे आदमीनके बारेमे का कहे सकत हएं जो मस्कनमे चलाँक हएं? परमेश्वर बे सबके मुरख बनाए दइ हए और उनको ज्ञानके व्यर्थ दिखाए दइ हए।