रोमियों 1:16 - राना थारु नयाँ नियम

¹⁶ काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

परमेस्वर को सच्चो वचन

¹⁶ काहैकि मैं सुसमाचार से नाय सरमाथौं, जहेमारे बौ सबै बिस्वास करन बारेन के ताहीं पहले तौ यहूदि फिर यूनानी के उद्धार के ताहीं परमेस्वर की सामर्थ्य है।

रोमियों 1:16 Referans Kwoze

मर्कूस 8:38

और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

1 पतरस 4:16

पर कोइ ख्रीष्टियन भओके कारण दुख उठात हए कहेसे बो नाए सर्माबए, पर ख्रीष्टियन भओके कारण बो परमेश्वरके धन्यबाद देबए।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

लूका 9:26

पर कोइ मोसे और मिर बचनसे शर्माबैगो कहेसे, मए, आदमीको लौंणा फिर अपनो महिमामे, और पिताको और परमेश्वरको पबित्र स्वर्गदूतको महिमामे आत बोकेसँग शर्मामंगो।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

1 कोरिन्थी 2:4

मिर शिक्षा और मिर परचार आदमीनको ज्ञानको चलाँख बोलीसे नाए रहए; पर पबित्र आत्मा तुमके एक सामर्थ्य तरिकासे दिखाइ, कि जो सन्देश मए तुमके बताओ बो सच्चो रहए।

1 कोरिन्थी 2:2

काहेकी मए जा मानलओ रहओं, कि मए सिर्फ येशू ख्रीष्ट और क्रूसमे बाको मृत्युके बारेमे मस्कत हओं।

रोमियों 10:17

जहेमारे बिश्वास तब्ही आतहए जब तुम सन्देश सुन्त हओ, और जा सन्देश ख्रीष्टके बारेमे बचन हए।

हिब्रू 4:12

परमेश्वरको बचन त काम करतए रहान बारो और जिन्दा हए। जा दुनौ घेन धार भओ तरवारसे फिर पैनो हए। जा भितर जाएके प्राण और आत्माके अलग करदेत हए और गाँठीगुँठी और हड्डीके फिर काटदेत हए। परमेश्वरको बचन आदमीनको मनको बिचार और चाहनाके किराएके जाँचत हए।

1 कोरिन्थी 15:2

परमेश्वर तुमके, बो अच्छो समाचारके द्वारा उद्धार दइहए। और अगर तुम बो अच्छो समाचारमे बिश्वास करतए रहे कहेसे परमेश्वर तुमके बचाबैगो। अगर तुम अइसे नाए करत हओ तओ तुम बिना कामको बिश्वास करे हओ।

गलातियों 1:7

सिरफ एकए इकल्लो सच्चो अच्छो समाचार हए, पर कुछ आदमी ख्रीष्टके अच्छो समाचारके नाश करनके चाँहत हएं, और बे आदमी तुमके धोखा दइ हएं।

रोमियों 2:9

और दुख, संकट हर एक आदमीके उपर आबैगो जो खराब काम करत हएं, परमेश्वर पहिले यहूदी आदमीनके न्याय करैगो। तओ फिर उनके, जो ग्रीक देशके आदमी हएं।

प्रेरित 3:26

परमेश्वर अपने सेवकके मरो भओ मैसे उठाएके सबसे पहिले तुम्हएं आशिष दइ। ताकी बा तुम्रे मैसे सब जनैके तुमर पापी जीबनके छोडके परमेश्वरके घेन घुमानमे तुमर मदत कर पाबए।”

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

1 तिमोथी 1:11

जा सही शिक्षा हमर अदभुत परमेश्वरको महिमाके बारेमे अच्छो समाचारसे सहमत होत हए, जौन मोके परचार करनके जिम्मा दइ हए।

2 कोरिन्थी 9:13

जा देन बारो सेवा तुम सत्य हओ कहिके प्रमाणित करत हए और बहुत आदमी परमेश्वरको प्रसंसा करत हएं। काहेकी तुम ख्रीष्टको अच्छो समाचार सत्य हए कहिके बिश्वास करत हओ। और तुम गरीब बिश्वासीनके और औ बिश्वासीनके खुल्ला मनसे दइके जाके पालन करत हओ।

2 कोरिन्थी 2:12

ख्रीष्टको अच्छो समाचार परचार करन त्रोआस सहरमे आत पेती परमेश्वर मोके अच्छो समाचार परचार करन बडो मौका दइ रहए।

1 कोरिन्थी 9:18

तओ फिर मिर कौनछो इनाम हए? जा, कि अच्छो समाचार परचार करनमे मए ख्रीष्टको अच्छो समाचार सेँतए-मेँत करदेओं; हियाँतककी अच्छो समाचारमे जो मिर अधिकार हए, बोके मए पुरो रितिसे काममे लाओं।

1 कोरिन्थी 9:12

काहेकी तुम अन्य आदमीनके आर्थिक मदत करे जौन तुमर बीच परचार करी, नेहात्तओ बारनाबास और मए जाको औ फिर जद्धा लायक हएं। काहेकी हम तुमर ताहीं चुनेभए चेला रहएं। हबएतक, हम मैसे कोइ फिर जा बातमे जोर नाए दओ, कि तुम हमके बे चीजके देओ जो हमके तुमसे चाहो रहए। पर जा छोडके, हम कुछ फिर सहनके ताहीं तयार रहएं, ताकी हम ख्रीष्टके बारेमे अच्छो समाचारमे बिश्वास करनसे कोइके फिर बाधा नाए डारएं।

रोमियों 15:29

और मए जानत हओं, कि जब मए तुमर ठिन आमंगो और ख्रीष्टसे पाओभओ बहुत आशिष तुमर सँग बाँटंगो।

रोमियों 15:19

पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

2 तिमोथी 1:16

प्रभु ओनेसिफरसके घरानाके उपर दया करए, काहेकी बो मोसे भेँटनके आओ, और बहुत चोटी मोके हौसला दइ, और हियाँ जेलमे मोसे भेँट करनके ताहीं नाए सर्माइ।

रोमियों 4:11

परमेश्वर बोके पहिलीए स्वीकार करलै रहए और बोके धर्मी घोषित करदइ रहए, जबकी अब्राहामको अभए खतनए नाए भओ रहए। खतनाको चिन्हा स्वीकारको चिन्हा हए। जहेमारे अब्राहाम बे आदमीनको आत्मिक दौवा हए, जो बिश्वास करत हएं पर उनको खतना नाए भओ हए। बे अपने बिश्वासके कारण धार्मि ठहिराए जात हएं।

यूहन्ना 7:35

जा सुनके यहूदी समुहके अगुवा आपसमे कहीं, “जा कहाँ जानके समहरो हए, और हम इनके नाए पामंगे? शायद जे, बे यहूदी समुहनके आदमीनके ठिन जामंगे जो ग्रीक सहरमे तितरबितर बैठे हएं, और कि त ग्रीक भाषा मस्कन बारेके शिक्षा देन चाँहत हुइहए।