रोमियों 1:14 - राना थारु नयाँ नियम

¹⁴ मए ग्रीक भाषा मस्कन बारे या दुस्रे भाषा मस्कन बारेन्के, बुद्धिमान या निर्बुद्धिनके सब आदमीनके अच्छो समाचार सुनानके ताहीं कर्जीदार हओं।

परमेस्वर को सच्चो वचन

¹⁴ मैं यूनानियन और परदेसी, और अकल बारेन और बेअकलिन को कर्जदार हौं।

रोमियों 1:14 Referans Kwoze

कलस्सी 3:11

जहेमारे एक ग्रीक और यहूदीनके बीचमे कोइ भेदभाब नाए हए। नए खतना करोभओ, नए त बिना खतनाको; नए असभ्य, नए त बिदेशी; नए नोकर, नए त बो जो नोकर नाए हए। पर ख्रीष्ट इकल्लो एक हए जो महत्त्वपूर्ण हए, और बा अपन सब आदमीनमे रहात हए।

प्रेरित 9:15

पर प्रभु बोसे कही, “तए चलो जा, काहेकी जत गैर-यहूदी, राजा और इस्राएल देशके आदमीनके अग्गु मेरे बारेमे परचार करनके ताहीं मए बोके मिर सेवा करनके ताहीं चुनो हओं।

प्रेरित 22:21

तओ प्रभु मोसे कही, ‘जा, काहेकी मए तोके गैर-यहूदीनके ठिन दुर-दुरतक पठामंगो।’”

रोमियों 12:16

एक-दुसरेन्को उत्नुए ध्यान देओ जित्ना तुम अपनएके ध्यान करत हओ, घमण्ड मत् करओ, पर नम्र बारेनके सँगत करओ और अपनी नजरमे जनैया मतहोबओ।

2 कोरिन्थी 11:19

तुम अपनए इत्नो बहुत बुद्धिमानी भए हओ, कि खुसीसाथ मुरखन्के सहात हओ।

रोमियों 16:19

हर कोइ जानत हए, कि तुम कित्तो अच्छेसे प्रभुको आज्ञा मानत हओ; जहेमारे मए तुमर बारेमे आनन्द करत हओं; पर मए चाँहत हओं, कि जो असल हए बाके ताहीं तुम बुद्धिमान होबओ, और जो खराब हए बामे निर्दोष रहाबओ।

रोमियों 13:8

तुमए सबके सिर्फ एक बातको कर्जीदार होनचाहो और बो जा हए, कि तुम सब एकदुस्रेसे प्रेम करओ, काहेकी दुस्रेनके प्रेम करन बारो इकल्लो मोशाको नियम कानुन पुरा करे होतहए।

रोमियों 8:12

जहेमारे हे ददाभइयओ, आज्ञापालन करनके हमर कर्तब्य हए, पर हमर पापमय स्वभाब नाए चाँहत हए, कि हम अइसे करएं।

रोमियों 1:22

बे अपनएके बुद्धिमान हुइके दाबी करेसे फिर मुरखए बनिगए।

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

2 कोरिन्थी 10:12

अपनी तारिफ अपनए करन बारे कोइ-कोइ आदमी सँग हम अपनएके एकए दर्जामे धरन नाए चाँहत हएं, और अपनएके बिनके सँग जाँचन हम सहास नाए करत हएं। पर बे अपनए-अपनएके एक-दुस्रे सँग नापके देखत पेती और जाँचत पेती बे मुरख बन्जात हएं।

1 कोरिन्थी 14:16

मानलेओ कि कोइ साधारण आदमी तुमर आराधनामे हए, जब तुम अपनो आत्मासे परमेश्वरको स्तुति कर रहेहओ। अगर बो तुमर बातके नाए सम्झतो त तुम परमेश्वरके धन्यबाद देनके बाद, बोके कैसे पता चलैगो कि तुम “आमेन” कहे हओ।

1 कोरिन्थी 14:11

अगर हम बो भाषाके नाए सम्झत हएं जो दुस्रे मसक रहे हएं, तओ जा अइसो होइगो मानओकी बे हमर ताहीं बिदेशी हएं, और हम उनके ताहीं बिदेशी हएं।

1 कोरिन्थी 3:18

अगर तुम मैसे कोइ फिर जा सोँचत हए, कि बो आदमी जा संसारके आदमीनको बिचारके अनुसार समझदार हए, तओ तुमके जा संसारके आदमी उनको बिचारमे अपनएके मुरख बनानके होबैगो, ताकी तुम सचमे परमेश्वरके बिचारमे ज्ञानवान हुइ पाबओ।

1 कोरिन्थी 2:13

और जहेमारे हम जे बातनके औरे आदमीनके बतात हएं, जो बात हम परचार करत हएं बो बात आदमीनको बुद्धी नाए सिखाइ हए, बल्कि पबित्र आत्माको सिखाओ भओ शिक्षा मस्कत हएं और पबित्र आत्मा भए बारेनके इकल्लो हम आत्माके सच्चे बातनके बुझात हएं।

रोमियों 11:25

हे बिश्वासी ददाभइया, मए नाए चाँहत हओं, कि तुम गैर-यहूदी अपने बारेमे बहुत घमण्ड करओ। जहेमारे इस्राएल देशके आदमीनके सँग का भओ हए बो रहस्य मए बतामंगो। जा सत्य हए, कि इस्राएल देशके बहुतसे आदमी बिश्वास करनके तयार नाए हएं, पर जब परमेश्वरके पिछा करन बारे गैर-यहूदी आदमीनकी संख्या पुरा हुइजएहए, तओ इस्राएल देशके आदमी बिश्वास करंगे और परमेश्वरके ठिन लौटके आए जामंगे।

प्रेरित 28:4

पावलके हातमे अइसे साँप लिप्टो देखके हुवाँके आदमी एक-दुस्रेसे अइसे बात करनलागे, “पक्का फिर जा आदमी ज्यानमारा होबैगो। समुन्दरसे बच्के आओ तहुँफिर हमर देबी बोके जिन्दा रहानके नाए दइ।”

प्रेरित 28:2

हुवाँके बासिन्दा हमके अपनए कता प्रेम और बहुत दया दिखाइं। बो बेरा पानी पणनलागो और बहुत जाडो भओके कारणसे बे आगी पजारके हमके स्वागत करीं।

लूका 10:21

बहेबेरा येशू पबित्र आत्मामे हुइके आनन्दसे भरीगओ, और कही, “हे दौवा, बादर और पृथ्वीके परमप्रभु, मए तुमके धन्यबाद चढात हओं, काहेकी तुम जा बात बुद्धिमान और समझदारसे लुकाएके धरे, और बालकाके प्रकट करे। काहेकी, दौवा तुमके जहे ठिक लागो।

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।