रोमियों 1:1 - राना थारु नयाँ नियम

¹ मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

परमेस्वर को सच्चो वचन

¹ पौलुस के घाँईं से जो ईसु मसीह को सेवक है, और प्रेरित होन के ताहीं मस्काओ गौ, और परमेस्वर के बौ सुसमाचार के ताहीं अलग करो गौ है।

रोमियों 1:1 Referans Kwoze

प्रेरित 9:15

पर प्रभु बोसे कही, “तए चलो जा, काहेकी जत गैर-यहूदी, राजा और इस्राएल देशके आदमीनके अग्गु मेरे बारेमे परचार करनके ताहीं मए बोके मिर सेवा करनके ताहीं चुनो हओं।

रोमियों 15:16

कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

1 कोरिन्थी 1:1

मए, पावल जा चिट्ठीके लिखरहो हओं। मए चुनो भओ चेला होनके ताहीं परमेश्वरको इच्छासे ख्रीष्ट येशू द्वारा बुलाओ गओ हओं। मए हियाँ हमरे सँगी बिश्वासी सोस्थेनेसके सँग हओं, जौन मोके मदत करत हए।

कलस्सी 1:1

परमेश्वरको इच्छा द्वारा मए पावल और हमर बिश्वासी भइया तिमोथीसँग मिलके जा चिट्ठी लिखरहे हएं, मए येशू ख्रीष्टसे चुनो भओ चेला हओं।

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

रोमियों 1:9

परमेश्वर जौनको सेवा मए अपने पुरे दिलसे बाको लौंणाके बारेमे आदमीनके अच्छो समाचार सुनानके ताहीं करत हओं। परमेश्वर मिर गवाही हए, कि मए अपनी प्राथनामे तुमके रोज याद करत हओं।

2 कोरिन्थी 1:1

मए, पावल हमर बिश्वासी भइया तिमोथीसँग जा चिट्ठी लिखनडटो हओं। मए परमेश्वरकी इच्छासे ख्रीष्ट येशूको चुनो भओ चेला हओं। मए जा चिट्ठी कोरिन्थ सहरमे भए परमेश्वरको मण्डलीनके, और लगायत सारा अखैया परदेशमे भए सब पबित्र जनके लिखनडटो हओं।

1 कोरिन्थी 9:1

जो कुछ मए करन चाँहत हओं, बोके करनके ताहीं मए स्वतन्त्र हओं। मए चुनो भओ चेला हओं, मए हमर प्रभु येशूके देखो हओं। तुम प्रभुके ताहीं बनाए गए मिर सेवाको परिणाम हओ।

2 तिमोथी 1:11

जा अच्छो समाचारके ताहीं, परमेश्वर मोके एक परचार करन बारोके रुपमे, और येशूसे चुनो भओ चेलाके रुपमे और गुरुके रुपमे फिर मोके चुनी हए।

1 तिमोथी 1:1

मए, पावल जा चिट्ठीके लिखरहो हओं। हमर मुक्तिदाता परमेश्वर और जौनमे हम आसरा करत हएं बहे येशू ख्रीष्टको अधिकारसे बाको मए एक चुनो भओ चेला हओं।

गलातियों 1:1

मए पावल, तुमके जा चिट्ठी लिखरहो हओं, और मोके चुनो भओ चेला होनके ताहीं आदमीनको कोइ फिर समुह या कोइ फिर आदमीसे नाए चुनो गओ हओं। पर येशू ख्रीष्टसे और दौवा परमेश्वरसे चुनो गओ हओं जौन येशूके मृत्युसे जिन्दा करी।

1 तिमोथी 2:7

जहेमारे परमेश्वर मोके अच्छो समाचारको परचारक और एक चुनो भओ चेला होनके चुनी। बा मोके गैर-यहूदीनके बिश्वासको सच्चो सन्देश सिखानके ताहीं चुनी। मए नाए ठग रहो हओं; मए सच्चो बात कहात हओं।

1 थेसलोनिकी 2:2

हियाँ आनसे पहिले फिलिप्पी सहरके आदमी हमके दुख दइं और हमर बेइज्जत करीं। जा बात फिर तुमके पतए हए। तओ फिर परमेश्वर हमके सहास दइ, कि तुमर सहरके आदमीनसे बहुत बिरोध होतए-होत फिर हम तुमके परमेश्वरको अच्छो समाचार सुनाए।

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

प्रकाश 1:1

परमेश्वर येशू ख्रीष्टके बे गुप्त बात बताइ जो बहुत जल्दी होन बारे हएं, ताकी बा उन्हएं अपनो सेवकनके अग्गु प्रकट करपाबए। बा अपनो स्वर्गदूतके बो सन्देश सँग बाको दास यूहन्ना ठिन पठाइ।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

याकूब 1:1

मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

हिब्रू 5:4

सम्मान पानके ताहीं कोइ फिर अपनए प्रधान यहूदी पुजारी हुइ नाए पातहए। जैसी परमेश्वर हारूनके प्रधान यहूदी पुजारी होनके बुलाइ रहए और चुनी रहए, उइसी परमेश्वर और प्रधान यहूदी पुजारीनके बुलातहए और चुनत हए।

फिलिप्पी 2:11

और दौवा परमेश्वरको महिमाके ताहीं सब आदमी खुल्लम-खुल्ला घोषणा करंगे, कि येशू ख्रीष्टए प्रभु हए।

इफिसियों 4:11

येशू मण्डलीनके जे जिम्मेबारी दइ: कोइके चुनेभए चेला होनके ताहीं चुनके, कोइके अगमबक्ता चुनके, कोइके अच्छो समाचार सुनान बारेनके चुनके और कोइके पास्टर और गुरु चुनके दइदइ।

इफिसियों 1:13

और तुमरसँग फिर जहे भओ हए। तुम बहे सच्चो सन्देश और मुक्तिको अच्छो समाचारके सुने हओ, जो जाके बारेमे बतात हए, कि परमेश्वर तुमके बचाए सकत हए। जब तुम ख्रीष्टमे बिश्वास करे, तओ परमेश्वर अपनो प्रतिज्ञा करोभओ पबित्र आत्मा तुमके दइ, जा दिखानके ताहीं कि तुम परमेश्वरके हओ।

2 कोरिन्थी 12:11

मए मुरख भओ हओं। तुम मोके अइसे करनके कर लागए, काहेकी तुमरसे त मिर प्रसंसा होनके रहए। काहेकी मए कछु लायकको नाए होएसे फिर सर्वोच्च चुनेभए चेलनसे मए तुच्छ नैयाँ।

2 कोरिन्थी 11:5

अगर बे अपनएके सबए येशूसे चुनेभए चेलनसे महान भओ कता ब्यबहार और काम करत हएं कहेसे मए फिर अपनएके उनही कता असल सोँचंगो।

2 कोरिन्थी 4:5

काहेकी हम अपनो परचार नाए करत हएं, पर “येशू ख्रीष्टए प्रभु हए” कहान बारो बात परचार करत हएं, और हम येशूके खातिर तुमर कमैया हएं।

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

प्रेरित 22:21

तओ प्रभु मोसे कही, ‘जा, काहेकी मए तोके गैर-यहूदीनके ठिन दुर-दुरतक पठामंगो।’”

प्रेरित 22:7

और मए जमिनमे गिरगओ, तओ बहे बेरा मए अइसे कहात एक अबाज सुनो, ‘ए शाऊल, तए मोके काहे सतात हए?’

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

प्रकाश 22:9

पर स्वर्गदूत मोसे कही, “देख, मिर आराधना मत् कर। काहेकी मए त तोही कता एक सेवक और बिश्वासी ददाभइया और अगमबक्ता और जा किताबमे भओ बचन पालन करन बारे सबए बिश्वासी भइया कता हओं। परमेश्वर इकल्लो एक हए, जोके तोए आराधना करनके हए।”

कलस्सी 1:25

परमेश्वर मोके नियुक्त करी, ताकी तुमके बाको सन्देश पुरा रुपमे सम्झाए पामओं। तभीमारे मए मण्डलीको सेवक बनिगओ।

इफिसियों 1:1

मए पावल, जा चिट्ठीके लिखरहो हओं। परमेश्वर चाँहत हए, कि मए ख्रीष्ट येशूको चुनो भओ चेला बनओं। मए जा चिट्ठी एफिसस सहरमे रहान बारेनके ताहीं लिखरहो हओं, जो परमेश्वरके पबित्र आदमी हएं।

रोमियों 16:25

अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए।

रोमियों 16:18

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

रोमियों 15:29

और मए जानत हओं, कि जब मए तुमर ठिन आमंगो और ख्रीष्टसे पाओभओ बहुत आशिष तुमर सँग बाँटंगो।

रोमियों 11:13

मए तुम गैर-यहूदीनसे जा बात कहिरहो हओं। मए गैर-यहूदीनके ताहीं चुनो भओ चेला भओके कारण मए मिर सेवाकाइमे गर्ब करत हओं।

प्रेरित 27:23

मए परमेश्वरको आदमी हओं और बहेको आराधना करनडटो हओं। बहेको स्वर्गदूत कल रातके मेरे ठिन आएके कही,

प्रेरित 26:1

तओ राजा अग्रिपास पावलसे कही, “तोके अपन पक्षमे मस्कन अनुमति हए।” तओ पावल अपन बचाओके ताहीं मसकन लागो:

प्रेरित 13:9

तओ शाऊल, जौनसे पावल फिर कहात हएं, बो पबित्र आत्मासे भरके जादुगरके एक नजर लगाएके देख्तए कही,

यूहन्ना 15:15

अबसे मए तुमसे कमैया नाए कएहओं, काहेकी बोको मालिक का करत हए कहिके कमैया नाए जानत हए। मए तुमसे सँगी कहात हओं काहेकी मिर दौवासे सुनो बात सब मए तुमर अग्गु परचार करदओ हओं।

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

प्रकाश 22:6

जाके पिच्छु स्वर्गदूत मोसे कही: “पहिले बताइ भइ बात सब सच्चे हएं और नेहात्तओ होबैगो। प्रभु परमेश्वर जौन अपनो आत्मा सबए अगमबक्तनके दइ। परमेश्वरए हए, जौन अपनो स्वर्गदूतके आदेश दइ, कि बा अपन सेवकनके जा दिखानके ताहीं हियाँ पठाइ, जो जल्दीयए होन बारो हए।”

हिब्रू 7:26

येशू हमके चाहो भओ प्रधान यहूदी पुजारीको राजा हए। बा पबित्र, निर्दोष, और शुद्ध हए। और परमेश्वर बाके पापी आदमीनसे अलग करके सबसे जद्धा आदरसे स्वर्गमे बैठाइ।

प्रेरित 26:14

जब हम सब धर्तीमे गिरे रहएं, तओ हिब्रू भाषामे मए अइसो कहात सुनो, ‘शाऊल, ए शाऊल, तए मोके कहे सतात हए? अगर तए मिर बिरुद्धमे लडैगो तओ तए अपनए बहुत दु:ख भोगैगो।’

प्रेरित 21:40

जब सेनापति अनुमति दइ, तओ खुण-खुणीमे ठाणके पावल आदमीनके चुप रहनके ताहीं हातसे इसारा करी। जब आदमी शान्त भए तओ बो हिब्रू भाषामे अइसे कही:

यूहन्ना 15:20

मए जा तुमके बताओ हओं, ‘कमैया मालिकसे बडो नाए होत हए,’ बोके याद करओ, अगर बे मोके हेल्हा करीं, कहेसे तुमके फिर हेल्हा करंगे। अगर बे मिर शिक्षा पालन करीं तओ तुमर शिक्षाके फिर पालन करंगे।

मर्कूस 1:14

कुछ दिन पिच्छु, बप्तिस्मा देन बारो यूहन्ना पकणिगओ, और जेलमे पणिगओ, तओ पिच्छु परमेश्वरको राज्यके बारेमे आदमीनके अच्छो समाचार परचार करत येशू गालील परदेशमे आओ।

2 कोरिन्थी 2:12

ख्रीष्टको अच्छो समाचार परचार करन त्रोआस सहरमे आत पेती परमेश्वर मोके अच्छो समाचार परचार करन बडो मौका दइ रहए।

2 कोरिन्थी 11:7

मए तुमर बीचमे परमेश्वरको अच्छो समाचार सेँतएमे परचार करके अपनएके नम्र करो, ताकी तुमर सम्मान होए। का मए अइसो करके कुछ पाप करो?

1 थेसलोनिकी 2:8

नेहात्तओ तुमके हम माया करत रहएं। तुमर इत्त्नो जद्धा माया लागत हए, कि परमेश्वरको अच्छो समाचार इकल्लो नाए, तुमर ताहीं हम जीबन देनके फिर तयार भए रहएं।

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

1 पतरस 4:17

काहेकी परमेश्वरको अपनुवए परिवारसे न्याय सुरु होनको समय आएचीको हए। काहेकी बा पहिले हम बिश्वास करन बारेनको न्याय करैगो और परमेश्वरसे आओ भओ अच्छो समाचारके नाए मानन बारेनके झन् कैसो होबैगो, बोके बारेमे सोँचओ।