प्रकाश 9:18 - राना थारु नयाँ नियम

¹⁸ पृथ्वीके सब आदमी मैसे एक तिहाइ आदमीनके जे तीन भयानक बिपत्तिनके द्वारा मारे गए, जो घोडनको मुँहुँसे निक्रत रहएं अर्थात्: आगी, धुवाँ और गन्धक।

परमेस्वर को सच्चो वचन

¹⁸ जे तीनौ महामारियन: मतलब आगी, धुआँ, गंधक जो घोड़न के मोहों से निकरत रहै, बासे इंसान एक तिहाई मर गै।

प्रकाश 9:18 Referans Kwoze

प्रकाश 9:17

बे घोडा और उनके सवार, जौननके मए दर्सनमे देखो, बे अइसे दिखात रहएं: उनकी लोहाके बने भओ कबचमे अग्नि कता लाल, गाढो निलो और गन्धकके कता पेरे रहएं। घोडनको मुण बघटाको मुण कता दिखात रहएं, उनके मुँहुँसे आगी, धुँवा और गन्धक निक्रत रहएं।

प्रकाश 9:15

जहेमारे बे चार शैतानको दूतके खोलो गओ। बे पहिलीयएसे तयार रहएं, और उनके कहोगओ रहए, कि जा समय, जा दिन, जा महिना और जा सालके ताहीं आसरा करएं, और अब जा समय आइगओ रहए। उनके, संसारके एक हिस्सा आदमीनके मारनको रहए।

प्रकाश 8:7

पहिलो स्वर्गदूत अपन तुरही फुँकी, और तुरन्त खुनसे मिलिभइ बहुत पत्थर बारो मेहे और आगी पृथ्वीमे गिरे, और जाके कारण पृथ्वीको तिस्रो भाग जलिगओ; और औ रुखाके तेस्रो भाग जलिगए और सबए हरे जंगलके तिस्रे भाग जलिगए।

प्रकाश 8:8

तओ फिर दुस्रो स्वर्गदूत अपन तुरही फुँकी, और अइसो कुछ जोकी एक बडो पज्रनडटो पहाड कता दिखात रहए, बो समुन्दरमे गिरिगओ; और जाके कारण, समुन्दरको तिस्रो भाग खुन हुइगओ।

प्रकाश 8:9

समुन्दरमे रहान बारे तिस्रे भागके सब जिन्दा प्राणी मारीगए। और समुन्दरके पानीजहाजको तिस्रो भाग फिर नष्ट हुइगए।

प्रकाश 8:10

तिस्रो स्वर्गदूत अपन तुरही फुँकी; और जाके कारण, बादरसे पजरत ऊँका कता पज्रनडटो एक बडो तारा गिरो। और नदीयाके तिस्रो भागमे और ताजा पानीके मुहानमे गरिगओ।

प्रकाश 8:11

बो ताराको नाउँ “ऐरेलु” हए। और जाके कारण, बो सारा पानी जहाँ जा गिरो, सबए करुवाइगओ, और बहुत आदमी मरिगए।

प्रकाश 8:12

चौथो स्वर्गदूत अपन तुरही फुँकी, और जाके कारण, सूर्यको तिस्रो भाग, और जोनीको तिस्रो भाग और ताराको तिस्रो भागमे नुक्सान हुइगओ, हियाँतककी तारनको तिस्रो भाग अन्धियारो हुइगओ और सूर्यको तिस्रो भागमे उजियारो नाए रहो, और उइसीयए रातको तिस्रो भागमे अन्धियारो हुइगओ।

प्रकाश 9:19

पर बे घोडनके ठिन आदमीनके मारनके ताहीं दुई अलग चीज रहएं, एक त बो जो उनके मुँहुँसे निक्रत रहएं, दुस्री उनकी पुँछनमे रहए। काहेकी उनके पुँछ साँप कता रहएं, उनमे आदमीनके काटनके ताहीं मुण रहए।