प्रकाश 7:12 - राना थारु नयाँ नियम

¹² “आमेन! हमर परमेश्वर, हम हमेसा तुमर महिमा करत हएं, तुमके धन्यबाद और सम्मान देत हएं! हम मान्त हएं, कि तुम पुरा रितिसे ज्ञानवान हओ, और शक्तिसाली हओ, जो हमेसाके ताहीं सब कामनके करनमे योग्य हओ! आमेन!”

परमेस्वर को सच्चो वचन

¹² कहीं, “आमीन! हमरे परमेस्वर की स्तुति, महिमा, ग्यान, धन्यवाद, आदर, सामर्थ्य और सक्ति हमेसा और हमेसा के ताहीं बनी रहबै! आमीन!”

प्रकाश 7:12 Referans Kwoze

यहूदा 1:25

बा एकए परमेश्वर हए और हमर प्रभु येशू ख्रीष्ट हमर ताहीं करोभओ काम द्वारए बा मुक्ति दइ हए। येशू ख्रीष्ट हम्रो प्रभु आदमीनके आदर और प्रसंसा देन बारो बनाबए। बे जा बुझ पामएं, कि बाके ठिन पहिलीएसे, आज और सदादिन शक्ति और अधिकार हए। आमेन।

प्रकाश 19:4

और बे चौबिसौ धर्मगुरु और बे चार जिन्दा प्राणी घुपटा पणके, सिंहासनमे बिराजमान भओ परमेश्वरके अइसे कहिके दण्‍डवत्‌ करीं, “आमेन, हल्लेलूयाह!”

कलस्सी 3:17

जो बात तुम बोलत हओ या करत हओ, सब चीज प्रभु येशूके नाउँमे करओ, और प्रभु येशूके माध्यमसे दौवा परमेश्वरके धन्यबाद देओ।

कलस्सी 2:7

ख्रीष्टमे तुमर बिश्वास एक रुखा कता होन पणत हए, जोको जर बहुत गहिरो तक अँदो होत हए। याफिर एक अइसो घर कता होए, जौन एक मजबुत जगमे बनोगओ रहात हए। अपन बिश्वासमे मजबुत बने रहाबओ जैसो तुमके सिखाओ गओ रहए, और रोजदिन धन्यबाद देतए रहाओ।

2 कोरिन्थी 4:15

काहेकी हम जो सहे हएं, जे सब दुख तुम्रिए ताहीं भए हएं। ताकी जैसे बहुतसे-बहुत आदमी पता पामएं, कि परमेश्वरको अनुग्रह कित्नो महान हए, उइसीयए परमेश्वरको महिमाके ताहीं बहुत आदमी बाके धन्यबाद दइ पामएं।

मत्ती 6:13

हमके सतावटमे पणनके मत् दियओ, पर शैतानसे छुटैयओ। काहेकी राज्य, पाराक्रम और महिमा सदासर्वदा तुमरी हए, आमेन।”

प्रकाश 1:18

मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।

रोमियों 11:36

काहेकी सब कुछ परमेश्वरसे आत हए। बा सब कुछ बनाइ हए, और सब कुछ बहेके हएं। बा हमेसाके ताहीं सम्मान प्राप्त करनके चाहो। आमेन।

1 कोरिन्थी 14:16

मानलेओ कि कोइ साधारण आदमी तुमर आराधनामे हए, जब तुम अपनो आत्मासे परमेश्वरको स्तुति कर रहेहओ। अगर बो तुमर बातके नाए सम्झतो त तुम परमेश्वरके धन्यबाद देनके बाद, बोके कैसे पता चलैगो कि तुम “आमेन” कहे हओ।