प्रकाश 5:9 - राना थारु नयाँ नियम

⁹ और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

परमेस्वर को सच्चो वचन

⁹ और बे जौ नया गीत गान लगे: “तू जौ जिंदगी की किताब कै लेन और बाकी मुहरैं खोलन के काबिल है; काहैकि तैं वध हुईकै अपने खून से हर एक कुल, रास्ट्र, भासा, लोग, और जाति मैं से परमेस्वर के ताहीं लोगन कै मोल लौ है।”

प्रकाश 5:9 Referans Kwoze

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

मत्ती 26:28

काहेकी जा नयाँ करारको बलिदानको खुन हए, जा बहुतके ताहीं पापनको क्षमाके ताहीं बहोहए।

प्रकाश 14:6

और मए दुस्रो स्वर्गदूतके बादर उपर उणनडटो फिर देखो। बो स्वर्गदूत अच्छो समाचार लाइ जो कब्ही नाए बदलत हए। बो स्वर्गदूत संसारमे भए आदमीनके, हर जाति, कुल, भाषा, और राष्ट्रके आदमीनके परचार करी।

1 कोरिन्थी 6:20

परमेश्वर तुमके किमतके रुपमे अपनो जीबन दइके तुमके छुटकारा करीहए, जहेमारे अपने शरीरके द्वारा परमेश्वरके महिमा करओ।

प्रकाश 5:12

बे जोड-जोडसे अइसे कहानडटे रहएं, “बा थुमा जोके मार दओगओ रहए, बा महिमाको लायक हए। बाको अधिकार महान हए। बाको बुद्धि गहिरी हए। बा बहुत शक्तिसाली हए और बा बहुत धनवान हए। आओ हम बाको आदर करएं। आओ हम बाको स्तुति करएं।”

प्रकाश 4:11

“हे हमर प्रभु परमेश्वर, तुम सब चिजनके सृष्टि करे। तुमर इच्छा अनुसार बे बने गए और बे अस्तित्वमे हएं। तभीमारे तुम महिमा, आदर और शक्ति पानके लायक हओ।”

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

प्रकाश 5:6

फिर मए चार जिन्दा प्राणीनके और चौबिस धर्मगुरुनके बीच सिंहासनके ढिँगै एक थुमाके ठाणो देखो, थुमामे बलिदानको चिन्हा रहए। बक सात सिंग और सात आँखी रहएं; जे परमेश्वरके सात आत्मा हएं जो पुरो पृथ्वीमे पठाए गए हएं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

2 पतरस 2:1

बहुत समय पहिले इस्राएलीनके बीचमे देखा पणे झुठे अगमबक्ता कता, झुठे गुरु फिर तुमर बीचमे देखा पणंगे। बे झुठे शिक्षामे फसँगे, जो आदमीनके ख्रीष्टमे बिश्वास करनसे रोकंगे। जे झुठा गुरु, उद्धार करन बारो ख्रीष्टके अपनो मालिकके रुपमे स्वीकार करनके फिर इन्कार करंगे जो बिनको पापको शक्तिसे मुक्त करी। अइसियए बे अचानक अपनएके नष्ट करंगे।

कलस्सी 1:14

बाको लौंणाको बलिदानसे परमेश्वर हमके छुटकारा दइ हए, अथवा हमर पाप क्षमा करीहए।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

1 यूहन्ना 2:2

और हमर पाप क्षमा करनके ताहीं, ख्रीष्ट एक बलिदान बनिगओ: और हमर ताहीं इकल्लो नाए बल्कि पुरो संसारके आदमीनको पापके ताहीं हए।

1 कोरिन्थी 7:23

परमेश्वर तुमके किमतके रुपमे अपनो जीबन दइके तुमके छुटकारा करीहए, जहेमारे आदमीनको कमैया मतबनओ, बल्कि परमेश्वरके कमैया बनओ।

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।

प्रकाश 11:9

साढे तीन दिनतक संसारके हर जाति, कुल, राष्ट्र और भाषाके आदमी उनको लहासके देखंगे, पर बे कोइ फिर उनको लहासके दफ्नानको अनुमति नाए देमंगे।

हिब्रू 11:14

अइसे बात कहान बारे आदमी जा प्रष्ट दिखात हएं, कि बे अपने ताहीं एक देश ढुणरहे हएं, जो उनको होबैगो।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

इफिसियों 5:19

अगर तुम पबित्र आत्माके नियंत्रणमे हओ कहेसे तुम अइसे करैगे: जब तुम इकट्ठा होइगे, तओ तुम भजन, स्तुतिगान और अन्य गीत गाबैगे जो पबित्र आत्मा हमके देतहए।

प्रकाश 10:11

तओ मोसे जा कहोगओ, “अलग-अलग जाति और देशके आदमी, अलग-अलग भाषा मस्कन बारे आदमीनके और राजनके एकचोटी फिरसे बता, जो परमेश्वर तोके बतानके ताहीं कहात हए।”

प्रकाश 13:7

राक्षसके अपने बारेमे घमण्डको बात करनको अधिकार दओगओ, ताकी पबित्र आदमीनसे लडए, और उन्हएं हराए देबए। और बोके संसारके हर जाति, कुल, राष्ट्र और भाषाके आदमीनमे अधिकार दओगओ।

प्रकाश 15:3

बे परमेश्वरको दास मोशाको गीत गात रहएं जो थुमाके बारेमे गीत हए, “हे सर्बशक्तिमान परमप्रभु परमेश्वर तुम जो करे, बो काम महान और अचम्मोके हएं, तुम सब देशके राजा हओ, तुम जो करत हओ सब ठिक और सत्य हएं।

प्रकाश 17:15

बो स्वर्गदूत मोसे कही, “जौन नदिया पहिले तए देखो रहए और जोमे बो बैयर बैठी रहए, बो सारा संसारके आदमीनके, फरक जातिनके और सब भाषनके जनात हए।