प्रकाश 22:10 - राना थारु नयाँ नियम

¹⁰ तओ बो फिरसे मोसे अइसे कही, “जा किताबको भबिष्यबाणीके सन्देशनके मत् लुकाबए। काहेकी जे बात पुरा होनको समय ढिँगै आइगओ हए।

परमेस्वर को सच्चो वचन

¹⁰ और बौ मोसे कही, “जौ किताब की भविस्यवाँड़ी की बात मैं मुहर मत लगईये, काहैकि बौ समय झोने है जब ऐसो सब होगो।

प्रकाश 22:10 Referans Kwoze

प्रकाश 1:3

परमेश्वर हर बो आदमीके आशिष देबैगो जौन जा अगमबाणीके दुस्रेनके पढके सुनात हए, और बा हर बो आदमीके आशिष देबैगो जौन जाके सुनत हए और जाके पालन करत हए। काहेकी जे चीज जल्दीय होमंगे।

1 पतरस 4:7

सबए बातको अन्त ढिँगै आइगओ हए। जहेमारे तुम स्पष्ट रुपमे सोँचओ और अपनएके अधिनमे धरओ, ताकी तुम प्राथना करपाबओ।

प्रकाश 10:4

जब सातौँ गर्जनके अबाज सुनाइ दइडारी, तओ जो मए सुनो बो लिखनके ताहीं तयार रहओं। पर मए स्वर्गसे जा अबाज सुनो, “जो गर्जन कही हए, बोके गुप्तमे धर, जे बातनके मत् लिखए।”

मत्ती 10:27

जो कुछ फिर मए अँध्यारोमे कहात हओं, बहे बातके तुम उजियारेमे नाए डराएके बताए देओ, चुप्पए कोनेसे कही बात घरके छानीसे परचार करओ।

रोमियों 13:12

जा खराब संसारमे रहानके हमर समय लगभग खतम हुइगओ हए, एक रातके कता, जो लगभग खतम हुइगइ हए, और बो समय फिर ढिँगै हए जब ख्रीष्ट लौटके आबैगो; जहेमारे हमके बे चीजके बन्द करदेनके चाहो जो अंधियारोसे सम्बन्धित हएं। हमके बो हथियारको इस्तमाल करनके चाहो जोके उजियारोमे इस्तमाल करोजात हए।

प्रकाश 22:16

मए येशू, अपनो स्वर्गदूतनके तुमर ठिन मण्डलीके ताहीं जा गवाही देन पठाओ हओं, जो परमेश्वरको आदमीनको समुहसे हएं। मए दाऊद राजाको जर हओं। मए बहे हओं, जौनके सुबेरेको तारा अर्थात् सबसे जद्धा चम्कन बारो तारा कहोजात हए।”

प्रकाश 5:1

और जो सिंहासनमे बैठो रहए, मए बाके दहिना हातमे एक खलरीको चिट्ठी देखो, जो भितर और बाहेर दुनौ पार लिखो रहए। और बोके सात मोहर लगाएके बन्द करोगओ रहए।

2 थेसलोनिकी 2:3

पर तुम बे सब गलत बातमे बिश्वास मत् करओ, जो आदमी येशू ख्रीष्टके आनके बारेमे तुमके बताए रहे हएं। प्रभु येशूके लौटके आनसे अग्गु बो दुष्ट आदमी प्रकट नाए भएतक, एक अइसो समय आबैगो जब बहुत आदमी परमेश्वरको बिरुद्धमे बिरोध करंगे।

प्रकाश 22:20

येशू जे सब बचनको गवाही देतहए, और बा कहात हए, “नेहात्तओ, मए जल्दीए आएरहो हओं।” मए यूहन्ना जबाफ दओ “आमेन! हे प्रभु येशू आबओ।”

रोमियों 13:11

और तुम मैसे सबके एकदुस्रेसे प्रेम करतए रहान पणो काहेकी बो समय ढिँगै हए जब परमेश्वर हमके जा खराब संसारसे बचाबैगो। जब हम पहिलो चोटी ख्रीष्टमे बिश्वास करे रहएं, बो समयसे त जा अब ढिँगै हए। जाके समझके तुमके अपनी निँधसे जगनके चाहो और साबधान रहानके चाहो।

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रकाश 22:7

“देखओ, मए जल्दीए आएरहो हओं। जा किताबमे लिखो भओ अगमबाणीको बचन पालन करन बारे धन्यके हएं।”

प्रकाश 22:9

पर स्वर्गदूत मोसे कही, “देख, मिर आराधना मत् कर। काहेकी मए त तोही कता एक सेवक और बिश्वासी ददाभइया और अगमबक्ता और जा किताबमे भओ बचन पालन करन बारे सबए बिश्वासी भइया कता हओं। परमेश्वर इकल्लो एक हए, जोके तोए आराधना करनके हए।”

प्रकाश 22:18

मए यूहन्ना हओं, मए तुम सबके जा चेतावनी दइ रहो हओं। जौन सुनीहएं, कि जा अगमबाणीको किताबमे का लिखो हए: अगर कोइ जा पुस्तकमे कुछु थपी कहेसे परमेश्वर बोको दण्ड थप्देबैगो। जौन दण्डके बारेमे जा पुस्तकमे बताओ गओ हए।