प्रकाश 21:6 - राना थारु नयाँ नियम

⁶ बा मोसे कही, “अब सब खतम हुइगओ। महीँ हओं जौन सब चिजनको सुरुवात करो, और महीँ हओं जो सब चीजके खतम करंगो, सुरु और अन्त महीँ हओं। जोकोइ फिर प्यासो हए, बोके मए बहे पानीको भकभकासे सेँतएमे पानी पिइनके देमंगो जौन कभी फिर नाश नाए होन बारो जीबन देतहए।

परमेस्वर को सच्चो वचन

⁶ फिर बौ मोसे कही, “हुई गौ! मैं पहलो और आखरी, आदि और अंत हौं। जो कोई प्यासो होगो बाकै मैं जिंदगी के पानी के सोता मैं से सेंत-मेंत पीन को अधिकार दूँगो।

प्रकाश 21:6 Referans Kwoze

यूहन्ना 4:10

येशू बोके जबाफ दइके कही, “तए नाए जानतहए, कि परमेश्वर तोके देन चाँहत हए। और तए जा फिर नाए जानतहए, कि तोसे पानी मागन बारो कौन हए। अगर तए जनतो कहेसे, तए मोसे मँगतो तओ मए तोके बो पानी देतो, जो जीबन देतहए।”

प्रकाश 7:17

काहेकी थुमा, जो सिंहासनके बीचमे हए, उनकी रेखदेख करैगो। उइसीयए, जैसे एक बकरेहेरा अपने भेंणाके रेखदेख करत हए। और बा उन्हएं ताजा पानी पिनके ताहीं लैजाबैगो जो आदमीनके जीबन देतहए। और परमेश्वर उनकी आँखीसे सब आँसु पोँछ डारैगो।”

यूहन्ना 4:14

पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

रोमियों 8:32

परमेश्वर अपने लौंणाके अपने ताहीं फिर नाए धरी, पर बाके हमर ताहीं अपने दुस्मनन्के सौँपदइ। बा हमएं बे सब चीजमे फिर अनुग्रह करैगो जो बा हमसे प्रतिज्ञा करी रहए।

प्रकाश 22:17

पबित्र आत्मा और थुमाको दुलहीन येशूसे कही, “तुमके जरुर करके आन पणैगो।” हर एकजनै, जो जा बात सुन्तहएं बोके फिर कहान पणैगो, “आबओ।” जो फिर प्यासो हए, बो आबए और बहे पानी पिबए जो सेँतएमे जीबन देतहए।

प्रकाश 1:8

प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

रोमियों 3:24

पर परमेश्वर अपनो अनुग्रहसे हमके येशू ख्रीष्टके द्वारा हमर पापनको दण्डसे छुटकारा करत हए, हम कुछ करे बिना परमेश्वर हमके धार्मि घोषित करी हए।

प्रकाश 22:13

महीँ हओं जौन सब चिजनको सुरुवात करो, और महीँ हओं जो सब चीजके खतम करंगो, पहिलो और अन्तिम, सुरु और अन्त महीँ हओं।

प्रकाश 16:17

सातौँ स्वर्गदूत अपनो कटोरामे भओ चीज हबामे अख्नाइ, और हुवाँ स्वर्गको मन्दिरमे कोइ रहए जो परमेश्वरको सिंहासनसे जोडसे बोली, “मए सब चीज पुरा करदओ हओं।”

प्रकाश 1:17

जब मए बाके देखो, तओ तुरन्तए मए बाके पाँओँमे पणिगओ। मए एक मरो भओ आदमी कता हुइगओ। पर बा अपनो दहिना हात अइसे कहिके मिर उपर धरी, “मत डराए, महीँ हओं, जौन सब चिजनको सुरुवात करो। और महीँ हओं, जो सब चिजनके खतम करंगो।”

1 कोरिन्थी 2:12

हम उइसे नाए सोँचत हएं, जैसे संसारके आदमी करत हएं; बल्कि हम बो आत्मा पाए हएं जो परमेश्वरके घेनसे आत हए। हम जा बरदान जहेमारे पाए ताकी हम परमेश्वरको दओ भओ सब बातनके जान पामएं।

प्रकाश 10:6

और सदादिन जिन्दा रहन बारे, और जो बादर, पृथ्वी और समुन्दर और उनमे रहान बारे सब चीजके सृष्टि करीहए, बहेको कसम खाएके कही कि “अब कोइ फिर बातके ताहीं औ आसरा नाए करन पणैगो। अब बे सब पुरा हुइजामंगी।”

1 कोरिन्थी 3:12

अगर ख्रीष्टियन मजदुर सही शिक्षा देत हएं जो परमेश्वर उनके दइ हए, तओ बे उइसो घर बनान बारे कता हएं जो सोनो, चाँदी और बहुमूल्य पत्थरन कता अच्छो गुण भओ समानसे जग डारके घरके बनात हएं। पर अगर बे झुठे शिक्षा सिखात हएं, तओ बे उइसो घर बनान बारे कता हएं जो कट्ठा, जंगल और पैरा जैसे घटिया गुण भओ समान इस्तमाल करके बनात हएं।

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

1 कोरिन्थी 3:21

जहेमारे एक खास आदमी अगुवाके आज्ञापालन करनके बारेमे घमण्ड करन बन्द करओ, काहेकी परमेश्वर तुमके सब कुछ तुमरी भलाइके ताहीं दइ हए।

1 कोरिन्थी 3:5

अपोल्लोस कौन हए? पावल कौन हए? बे सेवक इकल्ले हएं, जोसे तुम ख्रीष्टमे भरोसा करे। हम मैसे सब आदमी बहे काम करे जो परमेश्वर हमके करनके ताहीं दइ।

यूहन्ना 4:11

बो बैयर येशूसे कही, “हजुर, तुमरसँग पानी भरन बारो बर्तन कुछु फिर नाएहए, और कुँइयाँ फिर बहुत गहिरी हए। तओ तुमर ठिन बो पानी कहाँसे अएहए जौन पानी जीबन देत हए?

प्रकाश 3:14

येशू मोसे जा फिर कही, “लाउडिकिया सहरके मण्डलीके स्वर्गदूतके जा सन्देश लिख: मए बहे हओं जौनके आमेन कहोजात हए, काहेकी मए बिश्वासयोग्य हओं और मेरे द्वारा परमेश्वरके बारेमे कहीभइ सब बात सत्य हएं। जो कुछ फिर बा सृष्टि करीहए मए बे सबको स्रोत हओं। जो मए तोसे कहात हओं बोके सुन: