प्रकाश 20:2 - राना थारु नयाँ नियम

^2-3 और बो बहे बडो अजिंगरके पक्णी जो बहे रहए जौनके बहुत समय अग्गु एक साँपके रुपमे देखा पणो रहए, जौनके शैतान फिर कहोजात हए। बो बोके सँकारसे बाँधी और गहिरो कुण्डामे फेँकदइ। तओपिच्छु बो बोके बन्द करदइ और ढोकामे मोहर लगाए दइ ताकी एक हजार बर्ष पुरा होनतक बोके ठिन जाति-जातिके आदमीनके धोखा देन बारो कोइ तरिका नाए होबए। जब बो पुरा होबैगो, तओ बोके फिरसे कैदसे कुछ समयके ताहीं इकल्लो छुटाओ जाबैगो।

परमेस्वर को सच्चो वचन

² बौ अजगर, मतलब पुराने साँप कै, जो प्रेत आत्मा या सैतान है; और बाकै पकड़कै एक हजार साल तक जंजीरन मैं भाँदे रखाई।

प्रकाश 20:2 Referans Kwoze

2 पतरस 2:4

तुमके पता हए, कि बहुत समय पहिले जब शैतानको दूत परमेश्वरकी बिरुद्धमे पाप करीं, तओ बा उनको करोगओ कामके कारण दण्ड दइ। तओ परमेश्वर बिनके नरकमे फेक दइ। और परमेश्वर उनके न्याय और दण्ड देन दिनतक बिनके बा अंधियारो जेलमे डारदइ।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

यहूदा 1:6

याद करओ, कि कैसे प्रभु बे शैतानको दूतनके सजाय दइ, जौन अपनो अधिकारके ठिक प्रयोग नाए करीं, पर बे उनके दओ भओ पद त्यागीं। प्रभु बो महान दिनमे बे शैतानके दूतनके कभी फिर अन्त नाए होन बारो दण्ड देनके ताहीं कोइ नाए तोडपान बारो साँकरसे बाँधके अंधियारोमे धरे हए।

यूहन्ना 12:31

अब येशूके द्वारा जा संसारको सासक शैतानकी शक्तिके न्याय करनको समय आइगओ हए।

1 पतरस 5:8

होस करओ, जगे रहाओ, काहेकी तुमर दुश्मन शैतान आदमीनके नष्ट करनके ताहीं चारौ तरफ घुमरहे हएं। बे गर्जन बारो बघटा कता कौनके पामओं और खामओं कहिके दावमे घुमरहे हएं।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

रोमियों 16:20

शान्तिको परमेश्वर शैतानके नाश करदेबैगो और बोके तुमर अधिनमे करदेबैगो। हमर प्रभु येशू ख्रीष्टको अनुग्रह तुमर सँग रहातए रहाबए।

यूहन्ना 16:11

सल्लाहकार पापके बारेमे याद दिलाबैगो जाकेमारे, कि परमेश्वर पहिलीयएसे संसारको सासक शैतानकी शक्तिके दोषी ठहिराए डारी हए।”

प्रकाश 13:2

जो राक्षस मए देखो, बो चितर कता रहए; और बक पाउँ भलुवा कता और मुँहुँ बघटा कता रहए। अजिंगर जा राक्षसके अपनी शक्ति दइ और बोके पृथ्वीमे राज्य करनको अधिकार दइदइ।

प्रकाश 12:17

परिमाण स्वरूप, अजिंगर बो बैयरसे बहुत गुस्साइगओ। जहेमारे बो बैयर सन्ताननके बिरुद्ध युद्धको घोषणा करदइ। अर्थात् बे आदमीनके बिरुद्ध, जो परमेश्वरकी प्रतिज्ञानके पालन करत हएं और येशूके द्वारा सिखाओ गओ सच्चो शिक्षाके पालन करनमे मजबुत बने रहात हएं।

प्रकाश 12:15

तओ अजिंगर बो बैयर घेन अपनो मुँहुँसे नदिया कता पानी निकारी, ताकी बहिया बोके बहाए लैजाए।

प्रकाश 12:13

जब अजिंगर समझ लइ, कि मए पृथ्वीमे गिरो गओ हओं, तओ बो अजिंगर लौंणा जन्मान बारी बो बैयरके पिछा करी।

मर्कूस 5:7

येशू बोसे कही, “ए भुत, तए बो आदमीसे बाहिर निकर!” तओ बो भुत गजब जोडसे चिल्लाइ और कही, “हे सर्वोच्च परमेश्वरको लौंणा येशू, तुम हमके काहे परेसान करत हओ? परमेश्वरको नाउँसे कसम खाएके कहबओ, कि तुम हमके दुख नाए देबैगो।”

मत्ती 8:29

बे भुत लागे आदमी अइसे करके चिल्लाइं, “हे परमेश्वरको लौंणा, तुमसे हमर का मतलब हए? हमर बेरा नाए पुगतए तुम हियाँ हमके कष्ट देन आए हओ?”

प्रकाश 13:4

और बे बो राक्षसके आराधना करन लग्गए, और कहान लागे, “बो राक्षस कता औ कौन हए? और कौन बोके सँग लडाइ करपएहए?” और आदमी बो अजिंगरके फिर पुजा करन सुरु करदइं, काहेकी बो जा राक्षसके अपनो अधिकार दइदइ रहए।

प्रकाश 9:11

एक राजा हए, जो उन्हएं नियंत्रित करत हए। बो बहे शैतानको दूत हए, जौन गहिरो कुण्डाके खोली रहए। हिब्रू भाषामे बक नाउँ एबाड्डोन हए, और ग्रीक भाषामे बक नाउँ अपोल्‍लियोन हए, जोको अर्थ हए, “जौन नाश करत हए।”

मत्ती 19:29

हरएक जौन मिर नाउँके खातिर घर, ददाभइया और दिदी-बहिनीया और दौवा और अइया और लौंणालौंणीया और जग्हाजमिन छुणेहए, बो सओ गुणा पएहए, और कभी फिर नाश नाए होन बारो जीबनको अधिकार पएहए।

मर्कूस 4:15

कोइ-कोइ आदमी डगरके समान हएं जौनमे बीज पणे। जब बे परमेश्वरको बचन सुनत हएं, शैतान तुरन्त आएके बिनको सुनीभइ बचनके भुलबाए देतहए।

प्रकाश 12:3

बादरमे एक और चिन्हा दिखाइ दइ, एक बहुत बडो अजिंगर रहए, जो शैतान हए। जौनके सात मुण और दश सिंग रहएं, और बक मुणमे सात मुकुट रहएं।

प्रकाश 12:4

और बक पुँछ बादर तरेको तिस्रो भागके तानके पृथ्वीमे डारदइ, और बो अजिंगर बैयरके अग्गु ठाणीगओ, ताकी बक बच्चाके जन्मतए खीना खाए जाए।

प्रकाश 20:7

एक हजार बर्ष खतम हुइके शैतान बोको कैद मैसे छुटाओ जाबैगो।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।