प्रकाश 20:12 - राना थारु नयाँ नियम

^12-13 और मरे भए आदमीनके सिंहासनके अग्गु ठाणे देखो, अथवा बे, जो साधारण और महत्त्वपूर्ण रहएं। बे, जो समुन्दरमे डुबके मरे रहएं, और पाताल फिर चिहानमे भए सबए मरे भए आदमी, और बे सब जो मरे भए आदमीनके ठिहामे रहएं, बे सब बो सिंहासनके अग्गु ठाणे। बो जीबनको किताब खुलोगओ जोमे बे आदमीनको नाउँ लिखो रहए, जोके सँग कभी फिर अन्त नाए होन बारो जीबन रहए। बो जीबनको किताब फिरसे खुलोगओ जोमे आदमी जो-जो काम करी रहएं बो लिखो रहए। और हर आदमी जो करी रहएं, बोके अनुसार उनको न्याय करोगओ, जो बो किताबमे लिखो रहए।

परमेस्वर को सच्चो वचन

¹² और मैं छोटे-बड़े सब मरे भैन कै सिंहासन के सामने ठाड़े भै देखो। और किताब खोली गईं; और फिर एक और किताब खोली गई, मतलब जिंदगी की किताब। मरे भैन को न्याय बाके जरिया करे गै काम के अनुसार करो गौ, जैसो कि किताब मैं लिखो है।

प्रकाश 20:12 Referans Kwoze

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

प्रकाश 22:12

तओ प्रभु येशू कही, “देख, मए जल्दीए आमंगो। आदमीको करोभओ काम अनुसार इनाम या दण्ड देनके ताहीं मए आएरहो हओं।

प्रकाश 2:23

मए बक शिक्षाके मानन बारेनके मारदेहओं। और सब मण्डली पता पएहएं, कि मए बहे हओं जौन सबको मन और ह्रदय जाँच करत हए, और मए तुम सबके तुमर करोभओ काम अनुसार प्रतिफल देहओं।

प्रकाश 11:18

बे गैर-यहूदी बहुत गुस्साने हएं जो तुमर उपर बिश्वास नाए करत हएं, अब समय आइगओ हए, कि तुम अपनो गुस्सा दिखाबओ और बे सबको न्याय करनको समय आइगओ हए, जो मरिगए हएं। अब बो समय फिर हए जब तुम बे अगमबक्तनके प्रतिफल देबैगे जो तुमर सेवा करत हएं और बे सब आदमीनके जो तुमर सम्मान करत हएं, जो कमजोर हएं और जो शक्तिशाली हएं और उनके जौननके महत्त्वपूर्ण मानो जातहए और जौननके महत्त्वपूर्ण नाए मानो जातहए, जब बहे समय तुम उनके नाश करदेबैगे जौन पृथ्वीमे बिनाश करीहए।”

प्रकाश 3:5

जौन आदमी बुराइके हराए देबैगो, बे सेतो कुर्ता पैँधंगे। मए बो आदमीको नाउँ जीबनको किताबसे नाए मिटएहओं जोमे अनन्त जीबन पाओभओ आदमीनको नाउँ लिखो हए। पर मए, मिर दौवा और बाको सेवा करन बारे स्वर्गदूतके अग्गु ठाणङगो और मए घोषणा करंगो, कि बे मेरे हएं।

प्रकाश 21:27

पर जोकुछ फोहर रहए या बे आदमी जो अशुद्ध काम, घिनौनो काम करत हएं या जो ठगत हएं, उन्हएं नेहात्तओ जामे घुसनके ताहीं अनुमति नाए रहए। जामे घुसन बारे आदमी बे हएं, जौनको नाउँ थुमाको जीबनको किताबमे लिखो रहए।

प्रेरित 24:15

मए परमेश्वरमे आसरा करत हओं, कि धर्मी और अधर्मी दुनौके, मरे भए मैसे परमेश्वर फिरसे जिइ उठात हए कहान बारी बात जे अपनए स्वीकार करत हएं।

प्रकाश 20:11

फिर मए एक सेतो सिंहासन देखो जोमे परमेश्वर बैठो रहए। पर जहाँ परमेश्वर बैठो रहए हुवाँपर बादर और पृथ्वी सब हराइगए, और कोइ फिर उनके फिरसे दुस्राएके नाए देखीं।

प्रकाश 19:5

और तओ मए कोइके मस्कत सुनो, और अइसो लागो, कि जा अबाज परमेश्वरको सिंहासनसे आओ रहए। बा कही, “हे हमर परमेश्वरके सेवक और तुम जो बाको डर मानत हओ, चहुँ साधारण पदके होओ या चहुँ महत्तोपूर्ण पदके होओ, बाको आदर करओ। परमेश्वरको प्रसंसा करओ!”

फिलिप्पी 4:3

मेरे सँग सच्चो सेवामे मदत करन बारो, मए तोसे फिर बिन्ती करत हओं, कि तए बे बैयरनके मेलमिलाप करनमे मदत कर, काहेकी बे मेरे सँग अच्छो समाचार फैलानमे, क्लेमेस और बाँकी मेरे सँग सेवामे मदत करन बारे समेत मेहेनत करीं, जौनन्को नाउँ जीबनको किताबमे लिखेहएं।

लूका 10:20

पर, भुत तुमरी आज्ञापालन करत हएं कहिके खुसी मत् होबओ, पर तुमर नाउँ स्वर्गमे लिखो हए कहिके तुम खुसी होबओ।”

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।

रोमियों 2:6

परमेश्वर हर आदमीनके उनको काम अनुसार प्रतिफल देहए।

प्रकाश 17:8

बो राक्षस जौनके तए अभए देखो, एक समयमे जिन्दा रहए, पर अब जिन्दा नाए हए; बो गहिरो कुण्डासे बाहिर आन बारो हए और परमेश्वर बोके पुरा रुपसे नष्ट करदेबैगो। पृथ्वीमे रहान बारे आदमी जौनको नाउँ परमेश्वर संसारको सृष्टि करनसे पहिले जीबनको किताबमे लिखो नाए रहए, बे सब अचम्मो मानंगे, जब बे जा राक्षसके देखंगे। एक समयमे बो जिन्दा रहए; अब बो जिन्दा नाए हए पर अब बो फिरसे लौटके आबैगो।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

मत्ती 11:22

पर मए तुमसे कहात हओं; न्यायके दिनमे टुरोस और सिदोन सहरके दओ भओ दण्डसे जद्धी परमेश्वर तुमके दण्ड देबैगो।