प्रकाश 2:26 - राना थारु नयाँ नियम

²⁶ जौन आदमी बुराइके हराए देतहए और मिर आज्ञाके अन्त तक पालन करेरएहए, मए उनके जाति-जातिमे शासन करन बारो अधिकार देमंगो।

परमेस्वर को सच्चो वचन

²⁶ जो जय पाबै, और मेरे कामन के हिसाब से आखरी तक करत रहबै, मैं उनकै बे देसन को अधिकार दुंगो जो मोकै मेरो दऊवा दई रहै।

प्रकाश 2:26 Referans Kwoze

प्रकाश 3:21

जौन आदमी बुराइके हराए देबैगो, बे मेरे सँग मेरे सिंहासनमे बैठंगे जैसे मए जितो और मिर दौवा सँग बाको सिंहासनमे बैठो हओं।

प्रकाश 20:4

और फिरसे मए कुछ सिंहासन देखो, जोमे बैठन बारेनको मुण कटो गओ रहए, काहेकी बे येशूको सन्देश और परमेश्वरको बचनके परचार करी रहएं। जे राक्षस या बोको मूर्तिको आराधना नाए करी रहएं, और जे अपनो माथोमे और हातनमे राक्षसको छाप नाए लगाए रहएं। बे फिरसे जिन्दा भए रहएं और सिंहासनमे बैठे रहएं। परमेश्वर बिनके राज्य करनके अधिकार दइ, और बे ख्रीष्ट सँग एक हजार बर्षतक राज्य करीं।

प्रकाश 2:7

हरकोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए: ‘बे आदमी जो बुराइके हराए देत हएं, उनके मए जीबन देन बारो पेणसे फल खानको अधिकार देमंगो, जो पेण परमेश्वरको स्वर्गको बगियामे हए।’”

प्रकाश 22:5

हुवाँ फिरसे कभी रात नाए हुइहए, और जो आदमी हुवाँ रहात हएं, बिनको डगर उजियारो करनके ताहीं दियाको कोइ जरुरत नाए हुइहए। नए बिनके उजियारो देनके ताहीं सूर्यको जरुरत हुइहए, काहेकी परमेश्वरए आदमीनके उजियारो देतहए। और जे आदमी जो हुवाँ बैठत हएं सदामानके ताहीं राज्य करंगे।

1 यूहन्ना 5:5

संसार उपर बिजय पान बारो कौन हए? केबल बहे हए, जौनको बिश्वास हए, कि येशूए परमेश्वरको लौंणा हए।

यूहन्ना 6:29

येशू बिनसे कही, “परमेश्वरको काम जा हए, कि तुम मोएमे बिश्वास करओ जौनके बा पठाइ हए।”

मत्ती 24:13

पर जौन अपने जीबनके अन्त तक मिर उपर बिश्वास करेरएहए, बो बचाओ जाबैगो।

प्रकाश 2:11

हर कोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए। ‘बे आदमी जो बुराइके हराए देत हएं, उनके बो दण्डमे सामिल नाए करोजाबैगो जोकी दुस्रो मृत्यु हए।’”

प्रकाश 3:12

जौन आदमी बुराइके हराए देबैगो, बे परमेश्वरके बे महापबित्र ठाउँके खम्बा कता होमंगे, जौनको मए सेवा करत हओं और बे जाके कब्ही नाए छोडंगे। मए हुवाँ बक शरीरमे परमेश्वरको नाउँ लिखंगो। और परमेश्वरको सहरको नाउँ लिखंगो जौनके स्वर्गको यरूशलेम कहोजात हए। जा बो सहर हए, जो स्वर्गसे, अर्थात्, मिर परमेश्वरसे तरे आत हए। मए हुवाँ बक् शरीरमे मिर नयाँ नाउँ फिर लिखंगो।

प्रकाश 2:17

हर कोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो, जो परमेश्वरको पबित्र आत्मा मण्डलीनसे कहात हए: बे आदमी जो बुराइके हराए देत हएं, मए उन्हएं बहे मन्न मैसे कुछ चीज देमंगो, जो चीज लुको हए। मए उन मैसे सबके एक सेतो पत्थर देहओं, जोमे एक नयाँ लिखो भओ होबैगो। जौन आदमी बोके पाबैगो, बोके छोडके कोइ फिर बो नाउँके नाए समझ पाबैगो।”

1 यूहन्ना 3:23

परमेश्वरको आज्ञा जहेहए, कि परमेश्वरको लौंणा येशू ख्रीष्टको नाउँमे बिश्वास करनो और जैसे ख्रीष्ट आज्ञा दइ हए, उइसीयए एक-दुस्रेके प्रेम करनो।

याकूब 2:20

पर हे मुरख आदमीउ, का तुम जा फिर नाए जानत हओ, कि भले काम बिना बिश्वास बेकामको हए?

रोमियों 8:37

पर जे सब खराब बातके उपर बाके द्वारा पुरा रुपसे जीत हम्रीए हए, जो हमसे प्रेम करत हए।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

प्रकाश 21:7

जौन आदमी बुराइके हराए देतहए, बो मोसे जे आशिष पामंगे, और मए बिनको परमेश्वर होमंगो, और बे मिर लौंणा होमंगे।

हिब्रू 3:6

पर ख्रीष्ट परमेश्वरको घरको आदमीनसे लौंणाके रुपमे बिश्वासयोग्य रहए। और आगर हम हमर आसरामे सहास और भरोसा करे रएहएं, तओ हम परमेश्वरको घरके आदमी हएं।

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

प्रकाश 3:5

जौन आदमी बुराइके हराए देबैगो, बे सेतो कुर्ता पैँधंगे। मए बो आदमीको नाउँ जीबनको किताबसे नाए मिटएहओं जोमे अनन्त जीबन पाओभओ आदमीनको नाउँ लिखो हए। पर मए, मिर दौवा और बाको सेवा करन बारे स्वर्गदूतके अग्गु ठाणङगो और मए घोषणा करंगो, कि बे मेरे हएं।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

1 थेसलोनिकी 3:5

तभीमारे जब मए जा जाने बिना रहो, कि तुम कैसे हओ, तओ परीक्षा करन बारो शैतान तुमर परीक्षा त नाए करी होए, और अइसो हुइहए कहेसे हमर मेहेनत बेकार हुइ जाबैगो कहिके मिर मनमे डर रहए। और अइसे नाए होए कहिके मए तिमोथीके तुमर बिश्वासको हाल जाननके ताहीं तुमर ठिन पठाओ हओं।

मत्ती 10:22

मिर नाउँके कारण तुम सबसे घृणित हुइहओ। पर जो अन्त तक स्थिर रएहए, बोको उद्धार हुइहए।