प्रकाश 2:21 - राना थारु नयाँ नियम

²¹ मए बक पक्षताप करनके समय दओ, पर बो बे अनैतिक कामके करन बन्द करनसे इन्कार करी।

परमेस्वर को सच्चो वचन

²¹ मैं बाकै मन फिरान के ताहीं मौका दौ, पर बौ अपनी छिनरइपना से मन फिरानो नाय चाहथै।

प्रकाश 2:21 Referans Kwoze

2 पतरस 3:9

कोइ आदमी सोँचत हएं, कि प्रभु अपनो दुबारा लौटके आन बारो प्रतिज्ञा पुरा करनके देर करनडटो हए। पर प्रभु बो किसिमसे देर नाए करनडटो हए। बरु बा तुमके धैर्य दिखाए रहो हए। काहेकी बा कोइके नाश करनके नाए चाँहत हए। पर सबए जनै अपनो मन बदलो और पाप करन छोडके परमेश्वर घेन घुमओ कहिके बा चाँहत हए, और जा परमेश्वरएसे आत हए।

प्रकाश 16:11

बिनको दुख और घाओ-खटिराके कारणसे बे स्वर्गको परमेश्वरके बदनाम करीं। पर उनको अवस्था अइसो होएसे फिर बे पाप करन छोडके परमेश्वर घेन नाए घुमीं। और बे जो गलत काम करत रहएं, बे कामके करन नाए छोडीं।

प्रकाश 16:9

आदमी जा तेज गर्मिसे जरिगए, और बे परमेश्वरके बदनाम करीं, काहेकी बाके इकल्लो बो बिपत्तीके उपर अधिकार दओगओ रहए। तहुँफिर बे पाप करन छोडके परमेश्वर घेन नाए घुमीं, और अभौफिर बे परमेश्वरके महिमा देन इन्कार करीं।

2 पतरस 3:15

हमर प्रभुके धैर्य होनको कारण जानओ, काहेकी बा आदमीनके पक्षताप करनको समय देन चाँहत हए, ताकी बा उनके बचाए पाबए। जब हम प्रेम करन बारो, हमर सँगी बिश्वासी पावलके परमेश्वर जो बुद्धि दइ हए, बहे बुद्धिके इस्तमाल करके तुमके जो चिट्ठी लिखी रहए, बो फिर जे बात कही जो मए तुमके कहो रहओं।

1 पतरस 3:20

जे बो आत्मा रहएं, जौन बहुत समय पहिले परमेश्वरको आज्ञापालन नाए करीं। जब नोआ अपनो जहाज बनात रहए, तओ आदमी पाप करन छोडके परमेश्वर घेन घुमंगे कि कहिके परमेश्वर धैर्यतासे रुको रहए। पर आठ जनै इकल्ले बो डर लागन बारो बहाडसे बचाएगए।

रोमियों 9:22

परमेश्वरके अधिकार हए, कि जौन आदमीनके बा बनाइ हए उनके अपनी इच्छाके अनुसार जैसे चाँहत हए, कर सकत हए। परमेश्वर अपनो गुस्सा दिखान चाँहत रहए और हरकोइके बिरुद्ध अपनी शक्ति प्रकट करन चाँहत रहए जो नष्ट होनको लाएक हएं। बल्कि, बा धैर्यसे बिनके सही।