प्रकाश 17:2 - राना थारु नयाँ नियम

² बोके सँग पृथ्वीके राजा व्यभिचार करी रहएं और बो सारा मानब जातिनके अपन जाण-दारुमे दरोहा बनाए दइ। जोको मतलब जा हए, कि बोको ब्यबहार गजब खराब हए, जौन ब्यबहार बो सरा मानब जातिनके सिखाइ हए।

परमेस्वर को सच्चो वचन

² पृथ्वी के राजा बाके संग व्यभिचार करीं, और पृथ्वी के लोग बाके व्यभिचार की दाखरस पीन से मतवाले हुईगै रहैं।”

प्रकाश 17:2 Referans Kwoze

प्रकाश 14:8

हुवाँ एक औ स्वर्गदूत रहए, जो पहिलो स्वर्गदूतके अइसे कहात पिच्छु लग्गओ, “अब जा नाश हुइगओ हए। बेबिलोनको सहर बहुत नाश हुइगओ। बो सब आदमीनके अपनो दारुसे दरोहा बनाइ, जा कहानको मतलब जा हए, कि बो सब मानब जातिके बहुत खराब ब्यबहार करन सिखाइ। काहेकी बो बिनके मूर्तिपुजा करन सिखाइ।”

प्रकाश 18:3

जा जाकेमारे होबैगो, काहेकी बो बैयर जोकी बेबिलोन सहर हए, हर एक राज्यके सब जातिनके बो दारु पिबाइ, जोकी बक मूर्तिनको पुजा हए। सारा पृथ्वीको राजा बक घिनौने काममे सामिल भए हएं। पृथ्वीके ब्यपारी बो बैयरकी महिंगी-महिंगी चिजनकी इच्छनके कारण धनी बनिगए हएं।”

प्रकाश 18:9

बो सहरसे व्यभिचार करन बारे और बो सहरमे सुख-बिलासमे रमान बारे धर्तीके राजा, बो जलो भओ धुवाँ देखके बोके ताहीं रोमंगे और बिलौना करंगे।

प्रकाश 18:23

फिरसे कभी फिर आदमी तोएमे एक दियाको उजियारोके चम्कत नाए देखंगे। फिरसे कभी फिर बेहा होन बारे एक लोग और बैयरकी अबाज नाए सुनंगे। हुवाँके ब्यपारी पुरे संसारमे सबसे शक्तिसाली रहएं। और संसारके सब जाति हुवाँके जादुगरनसे छले गए।

प्रकाश 17:17

बो बैयर जोके तए देखो रहए, बो एक बहुत बडो सहर हए जो पृथ्वीमे सब राजनमे शासन करत हए। जे सब चीज बो बैयरके भओ रहए, काहेकी परमेश्वर अपने उदेश्य पुरा करनके ताहीं उनको मनके निर्देशन करीहए। जहे कारण हए, कि बा अपनो अधिकार राक्षसके दइदइ हए ताकी बो शासन करए, जबतककी बो सब पुरा नाए हुइजाए जो परमेश्वर कही रहए।”

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।

प्रकाश 17:13

जे दश राजनको एकए उदेश्य हए, और बे अपनो शक्ति और अधिकार राक्षसके देमंगे।

यूहन्ना 2:10

“हर करबरेहा सबसे अग्गु अच्छो अंगुरको रसा देत हएं, और आदमी बहुत खाएके अघाएजात हएं तओ बे सस्तो अंगुरको रसा देत हएं। पर तुम त अच्छो अंगुरको रसा अभएतक बचाएके धरे हओ।”

प्रकाश 2:22

जहेमारे, मए बक बिमार करदेहओं। और जौन बक सँग व्यभिचार करत हएं, मए उनमे भयानक कष्ट लामंगो, जब तक बे बक सँग कररहे अनैतिक काम करन बन्द नाए करहएं।

प्रकाश 9:21

उनको हत्या करन बारो, मन्तुर करन बारो, व्यभिचार करन बारो और चोरी करन बारो काम छोडके परमेश्वर घेन नाए घुमीं।

प्रकाश 17:5

बक माथेमे एक नाउँ लिखो रहए: जोको एक गुप्त अर्थ रहए। जा अइसे रहए, “मए बडो सहर बेबिलोन हओं। मए सब वेश्यनकी अइया हओं और संसारके सब घिनौनो चिजनको स्रोत हओं।”

प्रकाश 17:8

बो राक्षस जौनके तए अभए देखो, एक समयमे जिन्दा रहए, पर अब जिन्दा नाए हए; बो गहिरो कुण्डासे बाहिर आन बारो हए और परमेश्वर बोके पुरा रुपसे नष्ट करदेबैगो। पृथ्वीमे रहान बारे आदमी जौनको नाउँ परमेश्वर संसारको सृष्टि करनसे पहिले जीबनको किताबमे लिखो नाए रहए, बे सब अचम्मो मानंगे, जब बे जा राक्षसके देखंगे। एक समयमे बो जिन्दा रहए; अब बो जिन्दा नाए हए पर अब बो फिरसे लौटके आबैगो।