प्रकाश 17:14 - राना थारु नयाँ नियम

¹⁴ बे थुमाके बिरुद्धमे युद्ध करंगे, पर थुमा उनके हराए देबैगो, काहेकी बा प्रभुनको प्रभु और राजनको फिर राजा हए। बा अपनो बुलाएभए, चुनेभए और विश्वासयोग्य आदमीनके सँग बिनके हराए देबैगो।”

परमेस्वर को सच्चो वचन

¹⁴ बे मेम्ना के बिरोध मैं लड़ंगे; मेम्ना अपने बुलाए भै, चुने भै, और भरोसेमंद लोगन के संग मिलकै उनकै पराजित करैगो, काहैकि बौ प्रभुअन को प्रभु, और राजाओं को राजा है।”

प्रकाश 17:14 Referans Kwoze

रोमियों 8:30

फिर जौनन्के बा पहिलीएसे छानी, उनके बुलाइ फिर हए, और जौनन्के बुलाइ, उनके धर्मी घोषित फिर करी और जौन धर्मी घोषित करेगए, उनके अपनो महिमामे सहभागी फिर करबाइ।

1 तिमोथी 6:15

और परमेश्वर जो इकल्लो राजा हए, जो प्रसंसाको लायक हए, राजनको सबसे महान राजा और प्रभुनको प्रभु हए, बहे ख्रीष्ट येशूके ठिक समयमे प्रकट करैगो।

मत्ती 22:14

काहेकी बुलाए भए बहुत हएं, पर चुनेभए थोरी हएं।

प्रकाश 3:21

जौन आदमी बुराइके हराए देबैगो, बे मेरे सँग मेरे सिंहासनमे बैठंगे जैसे मए जितो और मिर दौवा सँग बाको सिंहासनमे बैठो हओं।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

प्रकाश 16:14

तीन भुतके सँग अचम्मो काम करन क्षमता रहए और बे जा संसारके सब देशमे शासन करन बारेनके जमा करीं, ताकी बे सर्बशक्तिमान प्रभु परमेश्वरको महान दिनमे बाके बिरुद्धमे लणाइ लणन जाए पामएं।

1 कोरिन्थी 15:24

फिर, जब ख्रीष्ट परमेश्वरको बिरोध करन बारे सब बुरे शक्तिनके नाश करदेबैगो। तओ ख्रीष्ट अपनो दौवा परमेश्वरको अपनो राज्य सौप देहए, ताकी बा बोके उपर पुरी रुपसे राज्य करए।

रोमियों 8:37

पर जे सब खराब बातके उपर बाके द्वारा पुरा रुपसे जीत हम्रीए हए, जो हमसे प्रेम करत हए।

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

प्रकाश 11:7

जब दुई साक्षी परमेश्वरके सन्देशके परचार करडारंगे, तओ बो राक्षस जो गहिरो कुण्डा मैसे निक्रैगो, बो बे दुई आदमीनके सँग लणैगो, उन्हएं हराए देबैगो और उन्हएं मार डारैगो।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

2 तिमोथी 2:4

एक सिपाही जो सेना हुइके काम करत हए, बो एकए समयमे कोइ और काम नाए करत हए, काहेकी बो अपनो सेनापतिके खुसी करनके चाँहत हए।

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

मत्ती 25:40

तओ मए राजा, बिनके जबाफ दइके कएहओं, ‘नेहात्तओ, मए तुमसे कहात हओं, तुम जे छोटेसे छोटे मिर बिश्वासी ददाभइया मैसे एक जनैके ताहीं करे, बो मिर ताहीं करे।’

रोमियों 1:6

तुम जो रोम सहरमे रहात हओ, तुम फिर जे आदमीनको हिस्सा हओ, जौननके येशू ख्रीष्टके होन ताहीं बुलाए गए हओ।

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।