प्रकाश 14:3 - राना थारु नयाँ नियम

³ एक लाख चवालीस हजार आदमी सिंहासनके अग्गु, चार जिन्दा प्राणी और धर्मगुरुनके अग्गु बे एक नयाँ गीत गानडटे रहएं जो गीत बेहीं इकल्ले सिखपात रहएं। बेहीं हएं जौनके परमेश्वर पृथ्वीमे रहान बारे आदमीनके बीचसे छुणाइ रहए।

परमेस्वर को सच्चो वचन

³ एक लाख चौवालीस हजार लोग सिंहासन के सामने खड़े भै, और बे चारौ जीव, और बड़े-बूढ़े; बे एक नया गीत गात रहैं, जोकै खाली बेईं सीख सकत रहैं। जो पृथ्वी की पूरी मानव जाति मैं से सिरफ बेईं हैं जिन्हैं मोल लौ गौ है।

प्रकाश 14:3 Referans Kwoze

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

प्रकाश 14:1

तओपिच्छु मए एक औ चीज देखो, मए सियोन पहाडको चुटियामे थुमाके ठाणो देखो। बाके सँगमे एक लाख चवालीस हजार आदमी रहएं, बिनको माथोमे थुमाको और बाको दौवाको नाउँ लिखो रहए।

प्रकाश 15:3

बे परमेश्वरको दास मोशाको गीत गात रहएं जो थुमाके बारेमे गीत हए, “हे सर्बशक्तिमान परमप्रभु परमेश्वर तुम जो करे, बो काम महान और अचम्मोके हएं, तुम सब देशके राजा हओ, तुम जो करत हओ सब ठिक और सत्य हएं।

प्रकाश 2:17

हर कोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो, जो परमेश्वरको पबित्र आत्मा मण्डलीनसे कहात हए: बे आदमी जो बुराइके हराए देत हएं, मए उन्हएं बहे मन्न मैसे कुछ चीज देमंगो, जो चीज लुको हए। मए उन मैसे सबके एक सेतो पत्थर देहओं, जोमे एक नयाँ लिखो भओ होबैगो। जौन आदमी बोके पाबैगो, बोके छोडके कोइ फिर बो नाउँके नाए समझ पाबैगो।”

1 कोरिन्थी 2:14

पर परमेश्वरको आत्मा नाए होन बारे आदमी, पबित्र आत्माको शिक्षाके ग्रहण नाए करत हए, काहेकी बे आदमीनके नजरमे मुरखके बात हएं, और एक आदमी अपनो आत्मिक जाँच तब्ही कर सकत हए, जब बोमे परमेश्वरको आत्मा रहात हए।

1 कोरिन्थी 1:18

जब आदमी जा सन्देश सुनत हएं, कि ख्रीष्टको मृत्यु क्रूसमे भओ, तओ बे मैसे कोइ-कोइ जा सोँचत हएं, कि जा सन्देश व्यर्थ हए। जौन आदमी अइसो सोँचत हएं बे नरक घेन जाएरहेहएं। पर हमरे ताहीं जौन बो सन्देशमे बिश्वास करत हए, जा परमेश्वरके आदमीनके अपनो शक्तिसे बचानको तरिका हए।

प्रकाश 7:4

जब स्वर्गदूत मोहरको छाप लगाएडारीं, तओ कोइ मोके बताइ, कि बे आदमी जौननके माथेमे स्वर्गदूत परमेश्वरको मोहरको छाप लगाइं, उनकी संख्या एक लाख चवालीस हजार रहए। जे आदमी इस्राएल देशके सबए बाह्र कुलसे आए रहएं।