प्रकाश 14:10 - राना थारु नयाँ नियम

¹⁰ बिनके परमेश्वर बहुत दण्ड देबैगो। जा अइसो हए जैसेकी, परमेश्वर बेहीं आदमीनके बहुत करुवान बारो चीज पिबानके देबैगो जोमे कोइ मिसावट नाए होबैगो, परमेश्वर बे आदमीनके पबित्र स्वर्गदूत और थुमाके अग्गु आगी और गन्धकमे कष्ट देबैगो।

परमेस्वर को सच्चो वचन

¹⁰ परमेस्वर को दाखमधु, बाके जलजलाहट की दाखमधु, जोकै बौ अपने गुस्सा के प्यालो मैं पूरी ताकत से उड़ेल दई है, पीमंगे! जो ऐसो करंगे, बे पवित्र स्वर्गदूत और मेम्ना के सामने आगी की गंधक मैं तड़पंगे।

प्रकाश 14:10 Referans Kwoze

प्रकाश 16:19

बेबिलोनको बडो सहर तीन भागमे अलग हुइगओ, और जाति-जातिके आदमीनको सहर नष्ट भए। काहेकी परमेश्वर बो पुरा करी, जौनके बा बेबिलोनके आदमीनके दण्ड देनके बारेमे प्रतिज्ञा करी रहए। जाके परमेश्वरके तरफसे बडो दण्ड दओ जाबैगो। जा अइसियए होबैगो, जैसे बे बिना पानी मिलाओ भओ दारु पिलैहएं। जौनके परमेश्वर अपनए बो कटोरासे अख्नाइ हए, जो बाको क्रोधके जनात हए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।

प्रकाश 19:20

तओ बो राक्षस और बोके सँगमे दुस्रो राक्षस फिर पक्णोगओ, बो झुठो अगमबक्ता राक्षसको तरफसे अचम्मोके चिन्हा दिखाइ और सबए आदमीनके धोखा दइ, जौन राक्षको छाप लगाए रहएं, और जौन बोको मूर्तिके आराधना करे रहएं। जे दुनौ आगी और गन्धकको कुण्डामे जिन्दए फेँकेगए।

प्रकाश 18:6

जहेमारे मए कहात हओं, बो सहरके फिर उइसिए करओ, जैसे बो दुस्रे आदमीनके सँग करीहए। बोको सब बुरे कामनके ताहीं बक दुई गुणा जद्धा लौटाए दे। बो सहरके ताहीं दुई गुणा शक्तिशाली दुखकी तयारी कर, जैसो दुखसे बो दुस्रे आदमीनके सँग अत्याचार करी रहए।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

मत्ती 25:41

तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

यहूदा 1:7

जे इस्राएली और शैतानके दूतनकता सदोम और गमोरा सहरनमे और जिनको ढिँगैको सहरनमे बैठन बारे आदमीनमे भओ बात सम्खओ। आदमी अनैतिक भए रहएं, और सबए मेलके व्यभिचारसे भरे रहएं। जहेमारे परमेश्वर बिनके कभी फिर अन्त नाए होन बारो आगीसे भसम करदइ। बिनके सँग भओ बात, झुठे गुरुनके ताहीं चेतावनी भओ हए, कि बिनके फिर अनन्त आगीसे सजाय दओ जाबैगो।

प्रकाश 18:3

जा जाकेमारे होबैगो, काहेकी बो बैयर जोकी बेबिलोन सहर हए, हर एक राज्यके सब जातिनके बो दारु पिबाइ, जोकी बक मूर्तिनको पुजा हए। सारा पृथ्वीको राजा बक घिनौने काममे सामिल भए हएं। पृथ्वीके ब्यपारी बो बैयरकी महिंगी-महिंगी चिजनकी इच्छनके कारण धनी बनिगए हएं।”

मत्ती 26:39

और येशू थुरदुर जाएके मुँहुँके बल गिरके परमेश्वरसे अइसे प्राथना करी, “हे मिर दौवा, हुइ सकत हए तओ, जा कटोरा मोसे हटाए देओ। तहुँफिर जैसे मए चाँहत हओं उइसे नाए पर जैसी तुम चाँहत हओ उइसीयए होबए।”

मत्ती 20:22

तओ येशू बोसे कही, “तुम का मागत हओ सो जानत नैयाँ। जौन कटोरा मैसे मए पिन बारो हओं, का बो तुम पिपए हओ।”

मर्कूस 8:38

और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”

प्रेरित 10:22

बे कहीं, “कप्तान कर्नेलियस, जो धार्मि, परमेश्वरसे डर मानन बारो और सारा यहूदी जातिसे सम्मान पाओ एक आदमी हए, बो एक पबित्र स्वर्गदूतसे जा हुकुम पाइहए, कि तोके अपने घर बुलाएके तोसे सन्देश सुनए।

2 थेसलोनिकी 1:7

और जो दु:ख तुम उठाए रहेहओ, और हम फिर उठाए रहे हएं, परमेश्वर बे सब दु:खके रोक देबैगो; जा तब्ही होबैगो जब प्रभु येशू अपने शक्तिशाली स्वर्गदूतके सँग आगीकी लहरसे घिरो भओ स्वर्ग मैसे आबैगो।

प्रकाश 15:7

और फिर चार जिन्दा प्राणीन मैसे एक प्राणी हर एक स्वर्गदूतके, परमेश्वरके घेनसे जो हमेसा जीवित हए, क्रोधसे भरो भओ एक-एक सोनोको कटोरा दइ।

प्रकाश 19:15

बाको मुँहुँमे एक पैनो तरबार निक्रो रहए, जोसे बा सब जाति-जातिनके हराए देहए। बा एक लोहाको डण्डा लैके सब आदमीनके उपर राज करैगो। और जो बाको अधिकारके स्वीकार नाए करैगो, बा उनके पुरा रुपमे दण्ड देहए। बा सर्बशक्तिमान परमेश्वरको डरौनो प्रकोपके उइसीयए छोड देबैगो, जैसे एक रसको कुण्डा मैसे अंगुरको रसा बहात हए।

प्रकाश 20:14

बे सबए आदमी, जोको नाउँ जीबनको किताबमे लिखो नाए रहए, बिनके आगी और गन्धकमे फेँको गओ। जाके पिच्छु अब मृत्यु नैयाँ, अब मृतकनको कोइ ठाउँ फिर नैयाँ, काहेकी बे सब आदमी जौनको नाउँ जीबनको किताबमे लिखो नाए रहए, उनके आगी और गन्धकमे फेँको गओ, जहेके दुस्री मृत्यु कहोजात हए, जोकी आगीको कुण्डामे मिलन बारो दण्ड हए।

मर्कूस 9:44

नरकमे सबके शरीरके खान बारे किरा कभी नाए मरत हएं और आगी कभी जलन बन्द नाए होत हए।