प्रकाश 13:7 - राना थारु नयाँ नियम

⁷ राक्षसके अपने बारेमे घमण्डको बात करनको अधिकार दओगओ, ताकी पबित्र आदमीनसे लडए, और उन्हएं हराए देबए। और बोके संसारके हर जाति, कुल, राष्ट्र और भाषाके आदमीनमे अधिकार दओगओ।

परमेस्वर को सच्चो वचन

⁷ बाकै परमेस्वर के पवित्र लोगन के खिलाप लड़ाई करन और उन्हैं हरान की इजाजत दई गई रहै, और हर एक गोत्र, देस, भासा और जाति ऊपर अधिकार दौ गौ रहै।

प्रकाश 13:7 Referans Kwoze

प्रकाश 11:7

जब दुई साक्षी परमेश्वरके सन्देशके परचार करडारंगे, तओ बो राक्षस जो गहिरो कुण्डा मैसे निक्रैगो, बो बे दुई आदमीनके सँग लणैगो, उन्हएं हराए देबैगो और उन्हएं मार डारैगो।

प्रकाश 12:17

परिमाण स्वरूप, अजिंगर बो बैयरसे बहुत गुस्साइगओ। जहेमारे बो बैयर सन्ताननके बिरुद्ध युद्धको घोषणा करदइ। अर्थात् बे आदमीनके बिरुद्ध, जो परमेश्वरकी प्रतिज्ञानके पालन करत हएं और येशूके द्वारा सिखाओ गओ सच्चो शिक्षाके पालन करनमे मजबुत बने रहात हएं।

प्रकाश 17:15

बो स्वर्गदूत मोसे कही, “जौन नदिया पहिले तए देखो रहए और जोमे बो बैयर बैठी रहए, बो सारा संसारके आदमीनके, फरक जातिनके और सब भाषनके जनात हए।

प्रकाश 11:18

बे गैर-यहूदी बहुत गुस्साने हएं जो तुमर उपर बिश्वास नाए करत हएं, अब समय आइगओ हए, कि तुम अपनो गुस्सा दिखाबओ और बे सबको न्याय करनको समय आइगओ हए, जो मरिगए हएं। अब बो समय फिर हए जब तुम बे अगमबक्तनके प्रतिफल देबैगे जो तुमर सेवा करत हएं और बे सब आदमीनके जो तुमर सम्मान करत हएं, जो कमजोर हएं और जो शक्तिशाली हएं और उनके जौननके महत्त्वपूर्ण मानो जातहए और जौननके महत्त्वपूर्ण नाए मानो जातहए, जब बहे समय तुम उनके नाश करदेबैगे जौन पृथ्वीमे बिनाश करीहए।”

यूहन्ना 19:11

येशू जबाफ दइके कही, “अगर तुमके परमेश्वर अधिकार नाए दइ हुइतो, तओ तुमके फिर मिर उपर कोइ अधिकार नाए हुइतो। जहेमारे मोके तुमर हातमे पकणबान बारो औ जद्धा पापको दोषी हए।”

प्रकाश 10:11

तओ मोसे जा कहोगओ, “अलग-अलग जाति और देशके आदमी, अलग-अलग भाषा मस्कन बारे आदमीनके और राजनके एकचोटी फिरसे बता, जो परमेश्वर तोके बतानके ताहीं कहात हए।”

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

लूका 4:6

और शैतान येशूसे कही, “मए जा सारा अधिकार और जा सम्पति तुमके देमंगो, काहेकी जे सब मोके सौँपो गओ हए, और मए जौनके इच्छा करत हओं, बहेके देत हओं।