प्रकाश 13:6 - राना थारु नयाँ नियम

⁶ और राक्षस परमेश्वरके बदनाम करन सुरु करी, बो बाके नाउँके बिरुद्ध, और बो ठिहाके बिरुद्ध मस्की जहाँ परमेश्वर रहात हए अर्थात् स्वर्गके। और बे सब आदमीनके बिरुद्ध मस्की, जो स्वर्गमे रहात हएं।

परमेस्वर को सच्चो वचन

⁶ बौ परमेस्वर कै, बाके नाओं कै, बाके रहन की जघा मतलब तम्बु कै, और बे सबन कै जो स्वर्ग मैं रहत रहैं, स्राप देन लगो।

प्रकाश 13:6 Referans Kwoze

प्रकाश 12:12

जहेमारे तुम सब जो स्वर्गमे रहात हओ, तुम्हएं आनन्दित होनके चाहो। पर तुम जो पृथ्वीमे और समुन्दरमे रहात हओ, तुम भयानक रितिसे पिडित होबैगे। काहेकी शैतान तुमर ठिन तरे गओहए, और बोको मन गुस्सासे भरोहए। काहेकी बो जानत हए, कि बोके ठिन काम करनके ताहीं जद्धा समय नैयाँ।”

हिब्रू 9:24

तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।

मत्ती 15:19

काहेकी हृदयसे खराब बिचार, हत्या, परस्त्रीगमन, व्यभिचार, चोरी, झुठो गवाही, और बदनाम बाहिर निक्रत हएं।

मत्ती 12:34

तुम जहेरिले साँपके बच्चा कता हओ! तुम गलत हुइके कैसे अच्छी बात कहेसकत हओ? काहेकी जो ह्रदयमे भरोहए, बहे मुँहुँमे आत हए।

प्रकाश 21:3

तओ मए परमेश्वरको सिंहासनसे बडो स्वरसे मस्कनडटो एक अबाज सुनो, “देखओ, अबसे परमेश्वर मानब जातिनके अपनो बासस्थान बनाबैगो। और बे बाके प्रजा होमंगे और बा अपनए बिनके अपने आदमीनके रुपमे स्वीकार करैगो और बे फिर बाके अपनो परमेश्वरके रुपमे स्वीकार करंगे।

प्रकाश 18:20

तुम जो स्वर्गमे बैठत हओ, बोके सँग भओ बातमे आनन्द मनाबओ! हे पबित्र आदमी, चुनेभए चेला और अगमबक्ता आनन्द मनाबओ। काहेकी परमेश्वर बेबिलोन सहरके बे बातनके ताहीं दोषी ठहिराइ हए, जो काम बा तुमर सँग करीहए।”

प्रकाश 11:12

जाके पिच्छु, बे दुई आदमी स्वर्गसे एक अगमबक्ताके मस्कत सुनीं, जौन उनसे जोडसे चिल्लाएके कही: “हियाँ उपर आओ!” जब उनके दुस्मन देखन डटे रहएं, तओ बे एक बादरसे लिपटके उपर स्वर्गमे चलेगए।

प्रकाश 7:9

जाके पच्छु मए देखो, कि आदमीनको एक इतनी बणी भिड रहए, कि कोइ फिर बे सबके नाए गिनपैतो। बे संसारके हर जाति, कुल, राष्ट्र और भाषासे रहएं। बे सिंहासन और थुमाके ठिन ठाणे रहएं। बे सेतो लत्ता पैँधे रहएं और सबए आदमी अपने-अपने हातमे, खजुरिक हँगा पक्णे रहएं, जोकी सम्मानको चिन्हा रहए।

प्रकाश 5:13

फिर मए स्वर्ग, पृथ्वीमे, पृथ्वीके तरे, समुन्दरके सब रचेभए चिजनके और सबकुछके जो उनमे हएं, जा कहात सुनो, “आओ हम बाकी महिमा करएं, जो सिंहासनमे बैठो हए। आओ हम थुमाको महिमा करएं। आओ हम हमेसाके ताहीं बाको आदर करएं और बाके सम्मान देमएं, काहेकी बा सबसे जद्धी शक्तिसाली हए।”

प्रकाश 4:4

बो सिंहासनके आसपिस औ चौबीस सिंहासन रहएं और मुणमे सोनोको मुकुट और सेतो लत्ता लगाएभए चौबिस जनै धर्मगुरु बो सिंहासनमे बैठे मए देखो।

प्रकाश 4:1

जे सब घटना होनके बाद मए, यूहन्ना देखो, कि स्वर्गमे एक फाटक खुलो रहए। तओ मए फिर बहे अबाज सुनो जो तुरहीको अबाज कता मोसे मस्कनडटो रहए। बो मोसे कही: “मेरे ठिन हियाँ उपर आ, और अब जाके पच्छु जो होबैगो बहे मए तोके दिखामंगो।”

हिब्रू 9:2

जा तम्भु जानबरनको खलरीसे बनो रहए। बो तम्भुके बीचमे, बे पर्दा टँगाएके दुई कोठा बनाए रहएं। पहिलो कोठामे सात एकन शाखा भओ सामदान रहए। हुवाँ एक टेबुल रहए जौनमे परमेश्वरके चढाओ भओ रोटी रहए। जा कोठासे पबित्र ठाउँ कहात रहएं।

रोमियों 3:13

बिनको मुँहुँ खुलो भओ गिन्धान बारो चिहान कता हए, काहेकी जो बात बे मस्कत हएं बे बात खराब हएं। बे अपने शब्दके इस्तमाल अपनो आदमीनके धोखा देनके ताहीं करत हएं; और जो कुछ बे कहात हएं, बो साँपको बिष कता बिनाशकारी होत हए।

कलस्सी 2:9

काहेकी जब ख्रीष्ट आदमी बनो, तओ बा पुरो रुपसे परमेश्वर रहए। तभीमारे तुम जे आदमीनसे अपनएके धोखा मतदेओ,

कलस्सी 1:19

काहेकी दौवा परमेश्वरको खुसी जहेमे हए, कि परमेश्वरको पुरो सृष्टि ख्रीष्टमे बास करए।

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

प्रकाश 7:15

जहेमारे, “बे परमेश्वरको सिंहासनके अग्गु ठाणे हएं, और बे हर समय दिनरात परमेश्वरके महापबित्र ठाउँमे बाकी सेवा करत हएं। और बिनको सुरक्षा बाके द्वारा करोजात हए, जो सिंहासनमे बैठो हए, काहेकी बा हुवाँ उनके सँग हए।

प्रकाश 15:5

जब जे आदमी गीत गएडारीं, तओ मए देखो, कि स्वर्गमे मन्दिर खुलो रहए, जोकी तम्भु जैसो हए।