प्रकाश 13:3 - राना थारु नयाँ नियम

³ बो राक्षसके मुणन मैसे एक मुणमे गम्भीर दुखौनोको निसान रहए, जौनके कारण बोके मृत्यु लान सकत रहए। पर जा दुखौनो ठिक हुइगओ रहए। जहेमारे, पृथ्वीके सब आदमी अचम्मो मानिगए और राक्षसको अनुसरण करन लग्गए।

परमेस्वर को सच्चो वचन

³ ऐसो लगत रहै कि जानवर की एक मुड़िया मैं गहरो घाव है, लेकिन घाव ठीक ही गौ रहै। पूरी पृथ्वी अचम्भित भइ और बौ जानवर के पच्छू हुई लईं।

प्रकाश 13:3 Referans Kwoze

प्रकाश 17:8

बो राक्षस जौनके तए अभए देखो, एक समयमे जिन्दा रहए, पर अब जिन्दा नाए हए; बो गहिरो कुण्डासे बाहिर आन बारो हए और परमेश्वर बोके पुरा रुपसे नष्ट करदेबैगो। पृथ्वीमे रहान बारे आदमी जौनको नाउँ परमेश्वर संसारको सृष्टि करनसे पहिले जीबनको किताबमे लिखो नाए रहए, बे सब अचम्मो मानंगे, जब बे जा राक्षसके देखंगे। एक समयमे बो जिन्दा रहए; अब बो जिन्दा नाए हए पर अब बो फिरसे लौटके आबैगो।

प्रकाश 13:14

पहिलो राक्षसको शक्तिसे अचम्मोके काम करेके कारणसे बहुत आदमी दुस्रो राक्षससे प्रभाबित भए और धोखा पाइं। दुस्रो राक्षसके द्वारा आदमीनसे कहोगओ, कि बे पहिलो राक्षसको पुजा करनके ताहीं एक मूर्ति बनामएं, जो हथियारसे अध्मरा हुइगओ रहए, पर फिरसे अच्छो हुइगओ रहए।

प्रकाश 17:17

बो बैयर जोके तए देखो रहए, बो एक बहुत बडो सहर हए जो पृथ्वीमे सब राजनमे शासन करत हए। जे सब चीज बो बैयरके भओ रहए, काहेकी परमेश्वर अपने उदेश्य पुरा करनके ताहीं उनको मनके निर्देशन करीहए। जहे कारण हए, कि बा अपनो अधिकार राक्षसके दइदइ हए ताकी बो शासन करए, जबतककी बो सब पुरा नाए हुइजाए जो परमेश्वर कही रहए।”

प्रकाश 17:10

बिन मैसे पाँच जनै त मरिगए हएं, और उन मैसे एक जनै हबए राजा हए, और अन्तिम बारो अबतक आओ नाए हए। पर अब बो आबैगो, तओ थोडी समयके ताहीं इकल्लो शासन करैगो।

प्रकाश 17:13

जे दश राजनको एकए उदेश्य हए, और बे अपनो शक्ति और अधिकार राक्षसके देमंगे।

प्रकाश 13:12

जा दुस्रो राक्षस बो पहिलो राक्षसको सब अधिकारको इस्तमाल करत रहए। दुस्रो राक्षस पृथ्वी और जामे रहान बारेनसे बो पहिलो राक्षसको आराधना करबात रहए, जौनको दुखौनोको निसान ठिक हुइगओ रहए।

प्रेरित 8:13

सिमोन अपनए फिर फिलिपको सन्देशमे बिश्वास करी। बो बप्तिस्मा लइ और फिलिपके सँगए-सँग लाग गओ, और चिन्हा और बणे-बणे चमत्कारको काम करके देखके बोके अचम्मो लगत रहए।

लूका 2:1

बे दिनमे रोमको महाराजा कैसर अपनो सबए रोमी साम्राज्यके आदमीनके नाउँ दर्ता करनके ताहीं हुकुम जारी करी।

प्रकाश 17:6

और मए देखो, कि बो बैयर परमेश्वरके पबित्र आदमीनको खुन पिइके दर्हुया कता नसा हुइगइ रहए। काहेकी बे येशूमे बिश्वासयोग्यतासे येशूको अनुशरण करे रहएं। जा देखके मोके बहुत अचम्मो लागो।

यूहन्ना 12:19

जहेमारे फरिसीनको समुह एक-दुस्रेनसे कहान लागे, “देखओ, हम कछु नाए करपए हएं। बक देखओ, पुरा संसार बाके पिच्छु चलदइ हए।”

प्रकाश 17:11

बो राक्षस जो एक समय रहए पर अब नाए हए, बो आठौँ राजा हए। पर बो आठौँ राजा, पहिले बारे सात राजन मैसे एक हए। और अन्तमे बो राजाके नेहात्तओ सदाके ताहीं सजाय दओ जाबैगो।