प्रकाश 12:1 - राना थारु नयाँ नियम

¹ जब बो खतम हुइगओ, तओ हुवाँ एक बादरमे भओ अचम्मोको चिन्हा देखो जाए सकत रहए। काहेकी जोनीमे एक बैयर देखा पणी, जौन अइसो लत्ता पैँधे रहए, जो सूर्य कता चम्कत रहए। बो अपनी मुणमे एक मुकुट पैँधे रहए जोमे बाह्र तारा रहएं।

परमेस्वर को सच्चो वचन

¹ फिर स्वर्ग मैं एक बड़ो और रहस्यमयी चिन्ह दिखाई दई। एक औरत जोको पहनावा सूरज रहै, और बाके पाँव तरे जोनी रहै, और बाके मुड़िया मैं बारह तारन को मुकुट रहै।

प्रकाश 12:1 Referans Kwoze

लूका 21:25

येशू कही, “दिन, जोनी और तारामे अचम्मोको चिन्हा दिखाइ देबैगो, समुन्दरको गर्जन और डर लागन बारो लणुरासे पृथ्वीमे भए सब जाति-जातिके आदमी संकटमे पणके व्याकुल होमंगे।

इफिसियों 5:32

जा एक मुल्यवान और गम्भीर शिक्षा हए जोसे हम हियाँ समझ सकत हएं। और मेरे ताहीं, मए जाको तुलना, ख्रीष्ट और मण्डलीनसे करत हओं।

मर्कूस 13:25

तारा बादरसे गिरंगे, और बादरमे भओ शक्ति डगमगाबैगो।

लूका 21:11

भयङकर हालाचाला हुइहए। तमान ठाउँमे अनिकाल और महामारी हुइहए, भयङकर आतङ्क हुइहए, और स्वर्गमे बडो चिन्हा होमंगे।

प्रकाश 21:23

हुवाँ सूर्य और जोनीको चमकको जरुरी नाए हए। काहेकी बो सहर परमेश्वर और थुमाको महिमामय दियासे चम्को हए।

प्रकाश 15:1

तओपिच्छु मए बादरमे भओ चमत्कार चिन्हा देखो, जोकी बहुत अचम्मो और बहुत डरौनो रहए। हुवाँ सात स्वर्गदूत रहएं, जो सात अलग-अलग मेलके बिपत्ति लए रहएं। बे बिपत्ति अन्तिम हएं, काहेकी जब बे खतम हुइजामंगी, तओ परमेश्वरको क्रोध अन्त हुइ जाबैगो।

प्रकाश 12:3

बादरमे एक और चिन्हा दिखाइ दइ, एक बहुत बडो अजिंगर रहए, जो शैतान हए। जौनके सात मुण और दश सिंग रहएं, और बक मुणमे सात मुकुट रहएं।

प्रकाश 11:19

और परमेश्वरको पबित्र मन्दिर जो स्वर्गमे हए, बो खोलो गओ, और बाको मन्दिरमे बाके करारको सन्‍दुक दिखाओगओ, तओ सिंहासनमे बिजुली चमको, बद्रि तड्कनको अबाज और हलाचला आओ और बहुत पत्थर बारो मेँहे बर्षो।

प्रेरित 2:19

और बादर उपर मए अचम्मोको काम और पृथ्वी तरे खुन, आगी, और धुवाँको बद्रिमे अचम्मोको चिन्हा दिखामंगो।

मत्ती 24:30

तओ आदमीको लौंणाको चिन्हा बादरमे दिखाबैगो, और पृथ्वीके सब चीज बिलाप करंगे, और बे आदमीको लौंणाके बादरमे भओ महान शक्ति और बडो महिमाके सँग आत देखंगे।

गलातियों 6:14

मेरे ताहीं, मए क्रूसमे हमर प्रभु येशू ख्रीष्टको मृत्युके अलाबा कभी कोइ फिर अन्य बातमे घमण्ड करन नाए चाँहत हओं, काहेकी जो कुछ फिर ख्रीष्ट करीहए, बो कामके करन संसारके कोइ फिर चीजको मोएमे अधिकार नाए हए, और मोएमे अब पृथ्वीके कामन्के रोकनको कोइ इच्छा नाए हए।

मत्ती 12:38

तओ मोशाको नियम कानुन सिखान बारो आदमी और फरिसीनको समुह मैसे कोइ-कोइ बोसे कहीं, “महान गुरु, हम तुमसे एक शक्तिशाली चमत्कार देखन चाँहत हएं।”

प्रकाश 21:14

बे, सहरको दिबाल बणे-बणे बाह्र पत्थरके उपर बनाए रहएं। और हर एक पत्थरमे थुमाको बाह्र चुनेभए चेलन मैसे एक-एकको नाउँ लिखो रहए।

प्रकाश 1:20

अब मए बतामंगो, कि मेरे दाहिना हातके सात ताराको अर्थ का हए, और सोनोके सात दियाको अर्थ का हए, जोकी पहिले कोइके पता नाए रहए। जाको अर्थ जा हए: सात दिया सात मण्डली हएं, और बे सात तारा सात मण्डलीक स्वर्गदूत हएं।

गलातियों 3:27

और बे सब जो बप्तिस्मा लैडारी हएं, येशू ख्रीष्टके सँग एकतामे हएं, तुम नयाँ ख्रीष्टको जीबनके पैंधलए हओ, जैसे एक आदमी लत्ताके पैंधलेत हए।

2 कोरिन्थी 11:2

मए तुमसे उइसी प्रेम करत हओं, और तुम्रो चिन्ता करत हओं जैसे परमेश्वर करत हए। मए तुमके तुमर एकए इकल्लो लोगाके रुपमे रहो ख्रीष्टमे सौँपनको बाचा करो हओं। मए तुमके बाको पबित्र लुल्हीनके रुपमे देन चाँहत हओं।

रोमियों 3:22

अइसियए परमेश्वर, येशू ख्रीष्टमे बिश्वास करन बारे सबएके धर्मी ठहिरात हए। काहेकी सब आदमी एक समान हएं।

यूहन्ना 3:29

दुलहा दुल्हिनसे बेहा करलेतहए, पर दुलहाको बाहानुइँया बहेके ठिन ठाणो रहात हए, और दुलहाकी कही बात सुनके बो बहुत आनन्दित होतहए; उइसीयए मेरु मन आनन्दसे भरीगओ हए।

रोमियों 13:14

बल्कि येशू ख्रीष्टके अपनो हथियार बनाओ और पापमय स्वभाबको इच्छा पुरा करनमे मतलागओ।

गलातियों 4:26

पर स्वर्गको यरूशलेम अब्राहामकी बैयर सारा कता हए, और बोको लौंणा टहालुवा नाए हएं। जा यरूशलेम हमरी अइया कता हए, जो बिश्वास करत हएं।