प्रकाश 11:3 - राना थारु नयाँ नियम

³ बो समय मए अपने दुई साक्षीन्के एक हजार दुई सओ साठी दिननके ताहीं मेरे सन्देशनकी घोषणा करनको अधिकार देमंगो। बे शोक करन बारो लत्ता पैँधे होमंगे।”

परमेस्वर को सच्चो वचन

³ मैं टाट ओढ़े भै अपने दुई गभा कै भेजंगो, और बे एक हजार दुई सौ साठ दिन ले परमेस्वर के संदेस की भविस्यवाँड़ी करंगे।”

प्रकाश 11:3 Referans Kwoze

प्रकाश 12:6

और बो बैयर एक जंगली इलाकामे भागगइ, जहाँ परमेश्वर बहेके ताहीं तयार करी रहए, कि बो हुवाँ एक हजार दुई सव साठी दिनतक पाली जाबए।

प्रकाश 11:2

पर पबित्र ठाउँको बाहेरको आँगनके मत् नपिए काहेकी बो गैर-यहूदी आदमीनके दओगओ हए, बे बयालीस महिनातक मेरे सहरमे राज्य करंगे।

प्रकाश 13:5

राक्षसके अपने बारेमे घमण्डको बात करनको अधिकार प्राप्त भओ और अइसियए राक्षस परमेश्वरके बदनाम करी। बोके बयालीस महिनातक काम करनको अधिकार प्राप्त भओ।

प्रेरित 13:31

और बहुत दिनतक येशू गालील परदेश मैसे यरूशलेम सहरमे आन बारे अपन चेलनके ठिन दिखाइ देतए रहो। और अब आदमीनके ठिन जेहीँ इकल्ले साक्षी रहएं। काहेकी जे येशूके देखी रहएं।

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

लूका 24:48

तुम जे सब बातके साक्षी हओ।

2 कोरिन्थी 13:1

पबित्र-शास्त्रमे अइसे लिखो हए, “सबए दोष दुई या तीन साक्षीन्के गवाही द्वारा साबित करोजान पणत हए” जब मए दुस्रो चोटीको भेँटमे हुँवए रहओं, मए पापमय क्रियाकलाप करन बारेनके पहिलीयए चेतावनी दइडारो रहओं। पहिलेको चिट्ठीमे तुमके चेतावनी दओ कता फिरसे मए तुमके और औरेनके फिर चेतावनी देत हओं। अब मए तिस्रो चोटी तुमर ठिन आन बारो हओं, अगर बे हबए पाप करन नाए छोडी हएं कहेसे कोइ फिर दण्डसे उमक नाए पामंगे।

प्रेरित 2:32

जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

यूहन्ना 15:27

और तुम संसारके आदमीनके मेरे बारेमे गवाही देबैगे काहेकी तुम सुरुवातसे मिर सँगए-सँग रहेहओ।”

मत्ती 18:16

और अगर बो नाएसुनए, तओ एक या दुई आदमीके अपने सँगमे लैजाओ, काहेकी मोशाके नियम कानुन अनुसार, ‘प्रत्येक दोषके दुई या बोसे जद्धा गवाहीसे सही साबित करो होन पणत हए।’

प्रकाश 19:10

जब मए जा बात सुनो तओ मए बो आदमीके अग्गु घुपटा पणो, जौन मोके जे बात बतानडटो रहए। काहेकी मए बाकी आराधना करन जानडटो रहओं। बा मोसे कही, “मिर आराधना मत् कर। तोके परमेश्वरएको आराधना करन पणैगो, काहेकी मए फिर तेरेकता परमेश्वरको दास हओं और येशू ख्रीष्टके प्रभुके रुपमे स्वीकार करोभओ तोही कता बिश्वासी ददाभइया हओं। बो सत्य, जो येशू प्रकट करी रहए, बो सत्य आदमीनके परमेश्वरको बचन परचार करन लायक बनातहए।”

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

प्रकाश 20:4

और फिरसे मए कुछ सिंहासन देखो, जोमे बैठन बारेनको मुण कटो गओ रहए, काहेकी बे येशूको सन्देश और परमेश्वरको बचनके परचार करी रहएं। जे राक्षस या बोको मूर्तिको आराधना नाए करी रहएं, और जे अपनो माथोमे और हातनमे राक्षसको छाप नाए लगाए रहएं। बे फिरसे जिन्दा भए रहएं और सिंहासनमे बैठे रहएं। परमेश्वर बिनके राज्य करनके अधिकार दइ, और बे ख्रीष्ट सँग एक हजार बर्षतक राज्य करीं।

इफिसियों 4:11

येशू मण्डलीनके जे जिम्मेबारी दइ: कोइके चुनेभए चेला होनके ताहीं चुनके, कोइके अगमबक्ता चुनके, कोइके अच्छो समाचार सुनान बारेनके चुनके और कोइके पास्टर और गुरु चुनके दइदइ।

1 कोरिन्थी 12:28

मण्डली या ख्रीष्टके जा शरीरमे, परमेश्वर हमएं बहुत परकारके काम दइ हए: पहिले, बे आदमी हएं जो येशूसे चुनेभए चेला हएं; दुस्रे, बे जो अगमबक्ता हएं जो बाके शब्दन्के मस्कत हएं; तिस्रे, बे आदमी हएं जो सिखात हएं। बाके पिच्छु, बे आदमी हएं जौनन्के बा चमत्कारको काम करनको अधिकार दइ रहए। तओ पिच्छु बो हए जौनके बा चङगाइ करनको अधिकार दइ। तओ फिर बे, जौनन्के दुस्रेन्के मदत करनको बरदान मिलो। तओ फिर बे, जो अगुवा हएं। तओ फिर बे, जौनन्के बरदान प्राप्त भओ पबित्र आत्मा द्वारा दओगओ फरक-फरक भाषा मस्कन बारेनके चुनी हए।

यूहन्ना 3:27

बप्तिस्मा देन बारो यूहन्ना जबाफ दइ, “जब तक आदमीके स्वर्गसे नाए दओ जएहए, तबतक बो कोइ चीज नाए करपए हए।

मत्ती 11:21

“परमेश्वर तुमके दण्ड देहए बे आदमी, जो खोराजीन सहरमे रहात हँए! परमेश्वर तुमके दण्ड देहए बे आदमी, जो बेथसेदा सहरमे रहात हएं। काहेकी तुमरमे करोभओ शक्तिशाली चमत्कारको काम तुम टुरोस और सिदोन सहरमे करेभए होते, तओ बे बोराको लत्ता लगाएके अपनमे भुवा घिसलित्ते, जा दिखानके ताहीं, कि बे अपन मन बदलके पाप करन बन्द करदइ हएं।

लूका 10:13

“ए खोराजीन सहरमे बैठन बारे आदमी! परमेश्वर तुमके दण्ड देहए। ए बेथसेदा सहरमे बैठान बारे आदमी! परमेश्वर तुमके फिर दण्ड देहए। काहेकी तुमरमे करोभओ शक्तिशाली चमत्कारको काम टुरोस और सिदोन सहरमे करे हुइते कहेसे, बे तभीयए, बोराको लत्ता लागएके अपनमे भुवा घिसलित्ते। जा दिखानके ताहीं, कि बे पाप करन छोडके परमेश्वर घेन घुमीगए हएं।

प्रकाश 11:6

परमेश्वर उन्हएं अधिकार दइ हए, कि बे बाके सन्देशके घोषणा करनके समयमे स्वर्गको पानीके रोक देएं। उन्हएं पानीके खुन कता लाल रंगमे बद्लन और पृथ्वीके हर मेलके भयानक दण्डसे मारनके फिर अधिकार मिलो हए। बे जितनो चोटी चाहएं, उत्नुवए चोटी अइसे कर सकत हएं।