प्रकाश 11:18 - राना थारु नयाँ नियम

¹⁸ बे गैर-यहूदी बहुत गुस्साने हएं जो तुमर उपर बिश्वास नाए करत हएं, अब समय आइगओ हए, कि तुम अपनो गुस्सा दिखाबओ और बे सबको न्याय करनको समय आइगओ हए, जो मरिगए हएं। अब बो समय फिर हए जब तुम बे अगमबक्तनके प्रतिफल देबैगे जो तुमर सेवा करत हएं और बे सब आदमीनके जो तुमर सम्मान करत हएं, जो कमजोर हएं और जो शक्तिशाली हएं और उनके जौननके महत्त्वपूर्ण मानो जातहए और जौननके महत्त्वपूर्ण नाए मानो जातहए, जब बहे समय तुम उनके नाश करदेबैगे जौन पृथ्वीमे बिनाश करीहए।”

परमेस्वर को सच्चो वचन

¹⁸ गैर यहूदि गुस्सा से भर गै, काहैकि तुमरे ऊपर गुस्सा करन को समय आए गौ है, मरे भैन को न्याय करन को समय आए गौ है। अपने सेवक, भविस्यवक्तन और पवित्र लोगन कै इनाम देन को समय आए गौ है, जो तेरे ताहीं आदर रखथै चाँहे बे छोटे-बड़े के जैसे होमैं। पृथ्वी कै नास करन बारेन कै नास करन को समय आए गौ है!”

प्रकाश 11:18 Referans Kwoze

प्रकाश 20:12

और मरे भए आदमीनके सिंहासनके अग्गु ठाणे देखो, अथवा बे, जो साधारण और महत्त्वपूर्ण रहएं। बे, जो समुन्दरमे डुबके मरे रहएं, और पाताल फिर चिहानमे भए सबए मरे भए आदमी, और बे सब जो मरे भए आदमीनके ठिहामे रहएं, बे सब बो सिंहासनके अग्गु ठाणे। बो जीबनको किताब खुलोगओ जोमे बे आदमीनको नाउँ लिखो रहए, जोके सँग कभी फिर अन्त नाए होन बारो जीबन रहए। बो जीबनको किताब फिरसे खुलोगओ जोमे आदमी जो-जो काम करी रहएं बो लिखो रहए। और हर आदमी जो करी रहएं, बोके अनुसार उनको न्याय करोगओ, जो बो किताबमे लिखो रहए।

प्रकाश 19:5

और तओ मए कोइके मस्कत सुनो, और अइसो लागो, कि जा अबाज परमेश्वरको सिंहासनसे आओ रहए। बा कही, “हे हमर परमेश्वरके सेवक और तुम जो बाको डर मानत हओ, चहुँ साधारण पदके होओ या चहुँ महत्तोपूर्ण पदके होओ, बाको आदर करओ। परमेश्वरको प्रसंसा करओ!”

प्रकाश 13:10

जौन आदमीनके जेलमे डारो जानके ताहीं फैसला हए, बे पक्कए फिर जेलमे डारे जामंगे, और अन्य आदमीनके ताहीं तरबारसे मारो जानके ताहीं फैसला हए, बे पक्कए फिर मारे जामंगे। जहेमारे नेहात्तओ, कि परमेश्वरके आदमी बे कठिनाइके सहाएं जौननको बे अनुभव करत हएं और बे बिश्वास करनमे पक्के हएं।

प्रकाश 22:12

तओ प्रभु येशू कही, “देख, मए जल्दीए आमंगो। आदमीको करोभओ काम अनुसार इनाम या दण्ड देनके ताहीं मए आएरहो हओं।

प्रकाश 15:7

और फिर चार जिन्दा प्राणीन मैसे एक प्राणी हर एक स्वर्गदूतके, परमेश्वरके घेनसे जो हमेसा जीवित हए, क्रोधसे भरो भओ एक-एक सोनोको कटोरा दइ।

प्रकाश 15:1

तओपिच्छु मए बादरमे भओ चमत्कार चिन्हा देखो, जोकी बहुत अचम्मो और बहुत डरौनो रहए। हुवाँ सात स्वर्गदूत रहएं, जो सात अलग-अलग मेलके बिपत्ति लए रहएं। बे बिपत्ति अन्तिम हएं, काहेकी जब बे खतम हुइजामंगी, तओ परमेश्वरको क्रोध अन्त हुइ जाबैगो।

प्रकाश 14:10

बिनके परमेश्वर बहुत दण्ड देबैगो। जा अइसो हए जैसेकी, परमेश्वर बेहीं आदमीनके बहुत करुवान बारो चीज पिबानके देबैगो जोमे कोइ मिसावट नाए होबैगो, परमेश्वर बे आदमीनके पबित्र स्वर्गदूत और थुमाके अग्गु आगी और गन्धकमे कष्ट देबैगो।

हिब्रू 9:27

हर आदमीनके एक चोटी मरनए पणैगो। और मरके पिच्छु परमेश्वर हर आदमीनको न्याय करैगो।

लूका 1:50

परमेश्वरको दया, पिढीसे पिढीतक बे आदमीके उपर बनी रहात हए, जौन परमेश्वरसे डरात हएं,

मत्ती 5:12

तओ रमाओ और बहुत खुसी होबओ, काहेकी स्वर्गमे तुमर बडो इनाम हुइहए। और अइसियए बहुत समय अग्गु अगमबक्तनके बे सताइ रहएं।”

प्रकाश 18:6

जहेमारे मए कहात हओं, बो सहरके फिर उइसिए करओ, जैसे बो दुस्रे आदमीनके सँग करीहए। बोको सब बुरे कामनके ताहीं बक दुई गुणा जद्धा लौटाए दे। बो सहरके ताहीं दुई गुणा शक्तिशाली दुखकी तयारी कर, जैसो दुखसे बो दुस्रे आदमीनके सँग अत्याचार करी रहए।

प्रकाश 11:2

पर पबित्र ठाउँको बाहेरको आँगनके मत् नपिए काहेकी बो गैर-यहूदी आदमीनके दओगओ हए, बे बयालीस महिनातक मेरे सहरमे राज्य करंगे।

प्रकाश 19:15

बाको मुँहुँमे एक पैनो तरबार निक्रो रहए, जोसे बा सब जाति-जातिनके हराए देहए। बा एक लोहाको डण्डा लैके सब आदमीनके उपर राज करैगो। और जो बाको अधिकारके स्वीकार नाए करैगो, बा उनके पुरा रुपमे दण्ड देहए। बा सर्बशक्तिमान परमेश्वरको डरौनो प्रकोपके उइसीयए छोड देबैगो, जैसे एक रसको कुण्डा मैसे अंगुरको रसा बहात हए।

प्रकाश 10:7

तओ औ देर नाए होबैगी। जैसीए बो सातौँ स्वर्गदूत अपनी तुरही फुँकैगो, बो तुरन्त काम करैगो। परमेश्वर अपनी गुप्त योजनाके पुरा करैगो, जैसेकी बा अपने सेवक अगमबक्तनके जाकी अच्छो समाचार परचार करी रहए।

प्रकाश 13:16

दुस्रो राक्षस साधारण या खास, धनी या गरीब, कमैया या जो कमैया नाए हए सबए आदमीनके पहिलो राक्षसको नाउँ दाहिना हात या उनको माथोमे छाप लगानके ताहीं जबरजत्ती करी।

प्रकाश 19:18

आओ और राजनको, कप्तानको, शक्तिशाली सिपाहीनको, घोडा और बोमे बैठन बारेनको बुट्टी खाओ। तुम सब मरे भए आदमीनको अर्थात् कमैया और स्वतन्त्र, साधारण और महत्तोपूर्ण आदमीनको बुट्टी खाए सकत हओ।”