प्रकाश 1:8 - राना थारु नयाँ नियम

⁸ प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

परमेस्वर को सच्चो वचन

⁸ सर्वसक्तिमान प्रभु परमेस्वर कहथै, “मैं पहलो और आखरी हौं,” जो है, जो रहै, और जो आनबारो है।

प्रकाश 1:8 Referans Kwoze

प्रकाश 22:13

महीँ हओं जौन सब चिजनको सुरुवात करो, और महीँ हओं जो सब चीजके खतम करंगो, पहिलो और अन्तिम, सुरु और अन्त महीँ हओं।

प्रकाश 21:6

बा मोसे कही, “अब सब खतम हुइगओ। महीँ हओं जौन सब चिजनको सुरुवात करो, और महीँ हओं जो सब चीजके खतम करंगो, सुरु और अन्त महीँ हओं। जोकोइ फिर प्यासो हए, बोके मए बहे पानीको भकभकासे सेँतएमे पानी पिइनके देमंगो जौन कभी फिर नाश नाए होन बारो जीबन देतहए।

प्रकाश 1:4

जा चिट्ठी यूहन्नाके घेनसे एशिया परदेशमे भए सात मण्डलीनके लिखरहो हओं: मए प्राथना करत हओं, कि तुमके परमेश्वरके घेनसे अनुग्रह और शान्ति प्राप्त होबए; बा बहे परमेश्वर हए जो समयकी सुरुवातसे लैके अबतक और हमेसएके ताहीं नाए बद्लत हए। और बे सात आत्मा हएं, जो परमेश्वरको सिंहासनके अग्गु हएं,

प्रकाश 11:17

और कहान लागे, “हे सर्बशक्तिमान परमप्रभु परमेश्वर, सुरुवातसे लैके अबतक और कभी फिर नाए बद्लन बारो, हम नेहात्तओ तुमके धन्यबाद देत हएं काहेकी तुम अब अपनो महान शक्ति दिखाए हओ और तुम अब पृथ्वीमे अपनो राज्य सुरु करदए हओ।

प्रकाश 1:17

जब मए बाके देखो, तओ तुरन्तए मए बाके पाँओँमे पणिगओ। मए एक मरो भओ आदमी कता हुइगओ। पर बा अपनो दहिना हात अइसे कहिके मिर उपर धरी, “मत डराए, महीँ हओं, जौन सब चिजनको सुरुवात करो। और महीँ हओं, जो सब चिजनके खतम करंगो।”

प्रकाश 2:8

येशू मोसे अइसेफिर कही, “और स्मुर्ना सहरके मण्डलीके स्वर्गदूतके जा सन्देश लिख: महीँ बा हओं, जो सब चिजनके सुरु करो हओं। महीँ बा हओं, जो सब चिजनके अन्त करंगो और मए एक चोटी मरिगओ रहओं, पर अब मए जिन्दा हुइगओ हओं, और सदादिन जिन्दा रहामंगो। मए जो कहात हओं बोके सुन:

प्रकाश 4:8

बे चारौ जिन्दा प्राणीनके छय-छय पखना रहएं और बे पखनाके बाहेर और भितर दुनौ घेन आँखीसे भरे रहएं। रातदिन बे अइसे कहातए गात रहात रहएं, “पबित्र, पबित्र, पबित्र परमप्रभु सर्बशक्तिमान परमेश्वर, बा बहे परमेश्वर हए जो समयकी सुरुवातसे लैके अबतक और हमेसाके ताहीं नाए बद्लत हए।”

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

प्रकाश 19:15

बाको मुँहुँमे एक पैनो तरबार निक्रो रहए, जोसे बा सब जाति-जातिनके हराए देहए। बा एक लोहाको डण्डा लैके सब आदमीनके उपर राज करैगो। और जो बाको अधिकारके स्वीकार नाए करैगो, बा उनके पुरा रुपमे दण्ड देहए। बा सर्बशक्तिमान परमेश्वरको डरौनो प्रकोपके उइसीयए छोड देबैगो, जैसे एक रसको कुण्डा मैसे अंगुरको रसा बहात हए।

प्रकाश 16:14

तीन भुतके सँग अचम्मो काम करन क्षमता रहए और बे जा संसारके सब देशमे शासन करन बारेनके जमा करीं, ताकी बे सर्बशक्तिमान प्रभु परमेश्वरको महान दिनमे बाके बिरुद्धमे लणाइ लणन जाए पामएं।

प्रकाश 21:22

मए कोइ मन्दिर नाएदेखो काहेकी सर्बशक्तिमान परमेश्वर और थुमा बो सहरमे हएं। जहेमारे हुवाँ मन्दिरको कोइ जरुरत नाए हए।

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रकाश 15:3

बे परमेश्वरको दास मोशाको गीत गात रहएं जो थुमाके बारेमे गीत हए, “हे सर्बशक्तिमान परमप्रभु परमेश्वर तुम जो करे, बो काम महान और अचम्मोके हएं, तुम सब देशके राजा हओ, तुम जो करत हओ सब ठिक और सत्य हएं।

प्रकाश 16:7

फिरसे मए बेदीसे कोइके मस्कत सुनो, “हाँ, सर्बशक्तिमान परमप्रभु परमेश्वर, नेहात्तओ तुमर आदमीनको सजाय देन बारो तरिका ठिक और सत्य हए।”

प्रकाश 19:6

तओपिच्छु, मए जो सुनो बो बहुत जद्धी आदमीनको चिल्लाओभओ अबाज कता लागत रहए। जा अबाज बडो झरनासे गिरो भओ पानी कता और गर्जनको अबाज कता रहए। बे कहीं, “हल्लेलूयाह! काहेकी हमर सर्बशक्तिमान परमेश्वर राजा हए।