फिलिप्पी 3:20 - राना थारु नयाँ नियम

²⁰ पर हम स्वर्गसे सम्बन्धित हएं, और हम एक उद्धारकर्ता प्रभु येशू ख्रीष्टके स्वर्गसे लौटके आनको आसरा करत हएं।

परमेस्वर को सच्चो वचन

²⁰ हालाकि, हम स्वर्ग के नागरिक हैं, और हम बेसबरी से अपने उद्धारकर्ता, प्रभु ईसु मसीह को इंतजार करथैं।

फिलिप्पी 3:20 Referans Kwoze

इफिसियों 2:19

तुम गैर-यहूदी, परदेशी और बिराने नाए रहे, पर तुम परमेश्वरके पबित्र आदमीनके सँग अइसियए अब तुम बिदेशी और प्रवासी नाए हओ, पर सन्तनके सँग तुम सँगी-नगरिक और परमेश्वरको परिवारके सदस्य हओ।

2 कोरिन्थी 4:18

हम दिखान बारी बातके नाए, बल्कि नाए दिखान बारी बात देखत हएं, काहेकी दिखान बारी बात क्षणिक होत हएं, पर अदृश्य बात अनन्ततक रहात हएं।

हिब्रू 12:22

पर तुम त सियोन पहाडमे आए हओ, जहाँ स्वर्गको यरूशलेम हए, जो जिन्दा परमेश्वरको सहर हए। जहाँ लाखओं स्वर्गदूत आनन्द मनाए करत हएं।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

इफिसियों 2:6

काहेकी बा हमके ख्रीष्ट येशूके सँग मरेभएन् मैसे जिन्दा करी और हम स्वर्गमे ख्रीष्ट येशूके सँग राज्य करनके लायक बनाइ।

2 कोरिन्थी 5:8

हममे पुरो भरोसा हए, हम मरके जा शरीरसे अलग हुइके प्रभु सँग रहान हम चाँहत हएं।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

1 थेसलोनिकी 1:10

और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

गलातियों 4:26

पर स्वर्गको यरूशलेम अब्राहामकी बैयर सारा कता हए, और बोको लौंणा टहालुवा नाए हएं। जा यरूशलेम हमरी अइया कता हए, जो बिश्वास करत हएं।

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

1 कोरिन्थी 1:7

और जहेमारे, पबित्र आत्मा तुमके सब आत्मिक बरदान दइ हए, जौनको तुमके जरुरत हए, जबकी तुम हमर प्रभु येशू ख्रीष्टके लौट आनको आसरा कर रहेहओ।

प्रेरित 1:11

और बे कहीं, “हे गालील परदेशके आदमी, तुम काहे ठाणके बादर घेन देख रहेहओ? जहे येशू, जौनके परमेश्वर तुमर ठिनसे स्वर्गमे लैगओ हए। ठिक जहे कता दुबारा आबैगो, जैसे तुम अभए बाके स्वर्गमे जात देखे हओ।”

मत्ती 19:21

येशू बोसे कही, “तए सिद्ध होनके चाँहत हए तओ, जाएके सब बेँचके दुखी और गरीबनके दे, तओ तए स्वर्गमे धन प्राप्त करैगो, और आएके चेला बननके ताहीं मिर पिच्छु लाग।”

1 थेसलोनिकी 4:16

काहेकी प्रभु येशू अपनए स्वर्गमे उतरैगो; बो समय आदमी उँचो अबाजमे हुकुम देत सुनंगे, आदमी एक प्रधान स्वर्गदूतके मस्कत सुनंगे और आदमी एक स्वर्गदूतके परमेश्वरको तुरही बजात सुनंगे। और जो ख्रीष्टमे बिश्वास करतए मरिगए हएं, बे पहिले जीइ उठंगे।

लूका 14:14

तओ तुम धन्यके हुइहओ, काहेकी बे तुमर गुन घुमाए नाए पए हएं। जब धर्मीजान फिरसे मरके जिन्दा होबैगो तओ परमेश्वर तुमके इनाम देबैगो।”

प्रकाश 1:7

सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।

फिलिप्पी 1:10

ताकी तुम सबसे ठिक चीजके छानपाबओ, और उनके स्वीकार करके ख्रीष्टके लौटके आनतक शुद्ध और निर्दोष होतए रहाबओ।

लूका 12:21

अइसियए बे आदमीके सँग फिर होबैगो जो अपन ताहीं धनसम्पति इकट्ठा करत हए, पर परमेश्वरको सेवा ताहीं उपयोग नाए करत हएं।”

1 कोरिन्थी 15:48

जो आदमी पृथ्वीसे सम्बन्धित हएं बे पृथ्वीके पहिले पुरुष, आदम कता हएं। पर बे आदमी जो स्वर्गसे सम्बन्धित हएं, बे स्वर्गके पुरुष, ख्रीष्ट कता हएं।

फिलिप्पी 1:27

खास बात जहेहए, कि ख्रीष्टको अच्छो समाचारके सुहान बारो चल-चलन होबए। जहेमारे, मए तुमके देखओं या नाए देखओं, तुमर बारेमे जा सुनन पामओं, कि तुम एकए उदेश्यमे स्थिर हओ, और एकए सँग लडनके ताहीं बहे बिश्वासके ताहीं लडत हओ, जो अच्छो समाचारसे आत हए।