फिलिप्पी 3:10 - राना थारु नयाँ नियम

¹⁰ मए जा चाँहत हओं, कि ख्रीष्टके जानलेमओं। बाको मरके जिन्दा बनान बारो शक्तिके जान पामओं, और बाको मृत्युमे बाके हानी हुइके बाको दु:खमे सामिल हुइपामओं।

परमेस्वर को सच्चो वचन

¹⁰ मैं बस जहे चाहथौं, कि मसीह कै जानैं और बाके पुनरुत्थान की सामर्थ्य कै महसूस करैं, बाके दुखन मैं भागीदार होमैं और बाकी मौत मैं बाके जैसो बनै,

फिलिप्पी 3:10 Referans Kwoze

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

रोमियों 8:17

हम बाके लौंणालौंणीया हएं कहेसे हक बारे फिर हएं, परमेश्वरके हक बारे और ख्रीष्टके साझा हक बारे। अगर हम अभए येशूके कता दुख सहामंगे तओ बाकी महिमामे फिर सहभागी होमंगे।

फिलिप्पी 3:8

पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

1 यूहन्ना 2:3

अगर हम परमेश्वरको आज्ञाके मानंगे, तओ जासे हम जानलेमंगे, कि परमेश्वरके सँग हमर संगती हए।

कलस्सी 3:1

जब परमेश्वर ख्रीष्टके मरो मैसे जिन्दा करी, तओ तुम फिर पापी स्वभाबमे मरके जिन्दा भए हओं। तुम बो चीजमे मन लगाओ, जौन चीज परमेश्वर तुमर ताहीं स्वर्गमे धरेपणे हए। जहाँ परमेश्वरके ठिन, ख्रीष्ट सबसे सम्मानित ठाउँमे बैठो।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

2 कोरिन्थी 1:5

काहेकी जो हम दुख भोगे हएं उइसी ख्रीष्ट दुख भोगी, उइसीयए ख्रीष्टद्वारा परमेश्वर हमके सान्त्वना देतहए।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

2 कोरिन्थी 13:4

काहेकी कमजोरीमे ख्रीष्ट क्रूसमे टंगोगओ, पर परमेश्वरको शक्तिमे बा जिन्दा हए। अइसियए ख्रीष्ट कमजोरीमे भओ कता हम फिर कमजोर हएं, पर तुमर सँगको हमर ब्यबहार करनके परमेश्वरको शक्ति द्वारा हम ख्रीष्टएके सँग जिइमंगे।

1 यूहन्ना 2:5

पर जोकोइ परमेश्वरको बचन मानत हए, कहेसे बो नेहात्तओ परमेश्वरके प्रेम करत हए। हमके जहेसे पता चलत हए, कि हम बामे हएं।

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

प्रकाश 1:18

मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।

कलस्सी 2:13

और तुम फिर अपन अपराध और अपन पापी स्वभाबको शक्तिसे स्वतन्त्र नाए रहओ। तओ परमेश्वर तुमके ख्रीष्ट सँग जीइबाइ, और हमर सब अपराधके माफ करी।

इफिसियों 4:13

हम सबके ताहीं लक्ष्य जा हए, कि हम अपन बिश्वासके द्वारा और परमेश्वरको लौंणाके जानन्के द्वारा एकजुट होमएं, और पक्को बिश्वासी बनएं और जब तक हम ख्रीष्ट कता पुरा रुपसे सिद्ध नाएबन्जामएं, तबतक पुरा रुपसे ख्रीष्ट कता बनएं।

2 कोरिन्थी 1:10

बा हमके मृत्युको भयानक खतरासे बचाइ हए, और बा हमके बचाबैगो। बाके उपर हम आसरा करेहएं, कि बा हमके फिरसे बचाबैगो।

यूहन्ना 10:18

कोइ मिर ज्यान मोसे नाए लैपाबैगो। पर मए अपन इच्छासे अप्नो ज्यान देत हओं, अपन ज्यान देनको अधिकार मिर ठिन हए और फिरसे लेनको अधिकार फिर मेरी ठिन हए। काहेकी जा बहे आज्ञा हए, जौन मए मिर दौवासे पाओ हओं।”

मत्ती 20:23

बा कही, “मिर कटोरा तुम पिइहओ, पर मिर दहिना और दिब्रा घेन बैठन देन बारी बात मिर हातमे नैयाँ। जा ठाउँ बिनके ताहीं हए, जौनके ताहीं मिर दौवा तयार करडारी हए।”

रोमियों 8:36

जैसे पबित्र-शास्त्रमे लिखो हए, “तेरे ताहीं, हमके हर समय मृत्युको खतरा राहात हए, हम काटन तयार करोभओ भेंणा कता गिनेगए हएं।”

गलातियों 6:17

अब कोइ मोके दुख नाए देए, काहेकी मेरे शरीरमे जो दाग हए, बे दाग जा दिखात हएं, कि मए येशूको एक चुनो भओ चेला हओं।

2 पतरस 1:13

मोके पता हए, कि मए जिन्दा रहानतक तुमर सँग बे बातके बारेमे बत्कातए रहान ठिक हए, ताकी तुम बे बात नाए भुलओ।