फिलिप्पी 2:1 - राना थारु नयाँ नियम

¹ काहेकी तुम ख्रीष्टके हओ, तभीमारे तुम प्रोत्साहित भए हओ, काहेकी ख्रीष्टको प्रेम तुमर ताहीं भओ हए। तभीमारे तुम सान्त्वना पाएहओ, काहेकी तुम पबित्र आत्माको संगतीमे हओ, और ख्रीष्ट तुमर प्रति नम्र और दयालु हए।

परमेस्वर को सच्चो वचन

¹ मसीह मैं तुमरी जिंदगी तुमकै मजबूत बनाथै, और बाको प्यार तुमकै दिलासा देथै। तुमरे झोने आत्मा के संग संगती है, और तुमरे झोने एक दुसरे के ताहीं दया और करुना है।

फिलिप्पी 2:1 Referans Kwoze

कलस्सी 3:12

जहेमारे जबकी परमेश्वर तुमके अपने पबित्र आदमी होनके ताहीं चुनी हए, और तुमसे प्रेम करत हए, तभीमारे तुम सब करुणा, भलाइ, नम्रता और धैर्य धारण करओ।

1 यूहन्ना 4:12

कोइ कभु परमेश्वरके नाए देखी हए। पर हम एक-दुस्रेनके प्रेम करे कहेसे परमेश्वर हमर भितर रहात हए और बाको प्रेम हमरमे सिद्ध बनो होत हए।

2 कोरिन्थी 13:14

प्रभु येशू ख्रीष्टको अनुग्रह, परमेश्वरको प्रेम और पबित्र आत्माको संगती तुमर सबए सँग रहबए।

कलस्सी 2:2

मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

1 कोरिन्थी 12:13

हम यहूदी होएसे फिर, ग्रीक भाषा मस्कन बारे होएसे फिर, कमैया होएसे फिर, स्वतन्त्र होएसे फिर हम एकए पबित्र आत्मा द्वारा बप्तिस्मा पाएके कारणसे एकए शरीर भए हएं और हम सबए एकए आत्मा पाए हएं। जैसे हम सब एकए कटोरा मैसे पिइत हएं।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

गलातियों 4:6

काहेकी हम बाके सन्तान हएं, जहेमारे परमेश्वर अपनो लौंणाको आत्माके हमरे हृदयमे पठाइ हए, जो आत्मा परमेश्वरके “हे अब्बा, हे दौवा” कहिके कहात हए।

प्रेरित 4:32

“बिश्वास करन बारेनको समुह, सबए एक ह्रदय और एक आत्माके रहएं, और बे मैसे एकफिर अपन सम्पति ‘जा मिर हए’ करके नाए कहात रहएं, पर बिनके सँगमे भओ सब चीज साझा रहए।

1 यूहन्ना 3:24

और जो परमेश्वरको आज्ञाके पालन करत हए, बो परमेश्वरके सँग और परमेश्वर बोकेसँग एकजुटमे रहात हए। और पबित्र आत्मासे जो बा हमके दइ हए, हम जानत हएं, कि पबित्र आत्मा हमर सँग और हम पबित्र आत्माके सँग एकजुटमे रहात हएं।

यूहन्ना 17:13

“पर अब मए तुमर ठिन आएरहो हओं, और संसारमे रहिके कहात हओं, कि बे मेरे आनन्दसे पुरो रुपसे भर पामएं।

1 यूहन्ना 4:16

हम अच्छेसे जानत हएं और बिश्वास करत हएं, कि परमेश्वर हमसे प्रेम करत हए, काहेकी परमेश्वर प्रेम हए, जो प्रेममे बने रहात हएं, बे परमेश्वरके सँग एकजुटमे रहात हएं, और परमेश्वर उनके सँग एकजुटमे रहात हए।

फिलिप्पी 3:3

काहेकी खास करके हम परमेश्वरके आदमी हएं, जो परमेश्वरको आत्माकी अगुवाईसे आराधना करत हएं, और येशू ख्रीष्टमे घमण्ड करत हएं, और शरीरके उपर भरोसा नाए करन बारे सच्चो खतना हम करेहएं।

1 कोरिन्थी 3:16

निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।

रोमियों 8:26

जौनन्के ठिन बुद्धि नाए हए, पबित्र आत्मा हमके मदत करत हए काहेकी हम प्राथना करनके ताहीं ठिक चीज नाए जान्त हएं। पर पबित्र आत्मा अपनए सब्दसे सिकन बारो गहिरो सुस्केरामे हमर ताहीं प्राथना करदेत हए।

रोमियों 5:5

हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।

प्रेरित 2:46

बे एक मनके हुइके मन्दिरमे एकए सँग उपस्थिति होत रहएं। और प्रभुभोजके ताहीं एक-दुस्रेके घरमे जमा होत रहएं। और बे खुसीसे शुद्ध मन हुइके खानु खात रहएं।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

हिब्रू 6:18

जहेमारे परमेश्वर हमके प्रतिज्ञा दइ हए और बा कसम खाइ हए। जे दुई बात परिबर्तन नाए हुइपए हएं। काहेकी जा सम्भब नाए हए, कि परमेश्वर झुट मस्कत हए। जहेमारे हम जो परमेश्वरके ढिँगै सुरक्षा पानके ताहीं आए हएं, हमर अग्गु भओ आसराके प्राप्त करन बडो हौसला पाए सकत हएं।

फिलिप्पी 1:8

जामे परमेश्वर मिर साक्षी हए, कि मए येशू ख्रीष्टके गहिरो प्रेम करके तुम सबके देखनको प्यासो हओं।

इफिसियों 4:4

हम सबए बिश्वासी एकए शरीरके अंग कता हएं, और हम सबके एकए पबित्र आत्मा मिलो हए; जैसे तुमके एक आसरा दओगओ रहए, जब तुमके परमेश्वरके आदमी होनके ताहीं बुलाओ गओ।

2 कोरिन्थी 2:14

पर परमेश्वरके धन्यबाद होए, काहेकी हमर ख्रीष्ट सँगको सम्बन्धके मारे, परमेश्वर रोज हमके ख्रीष्टके सँग डुरीयात हए। और अब बा हमके मिठो बासना आन बारो धुप कता सब ठाउँमे ख्रीष्टको ज्ञान फैलानके प्रयोग करत हए।

1 कोरिन्थी 15:31

हे मेरे बिश्वासी ददाभइयओ, मए तुमएं बतात हओं, कि मए हर दिन लगभग मारो जातहओं। मए जो जा कहात हओं जा बस्ताबमे सच हए। जैसेकी जा फिर सच हए, कि मए नेहात्तओकमे खुस हओं काहेकी तुम हमर प्रभु येशू ख्रीष्टमे भरोसा करत हओ।

यूहन्ना 14:27

“मए तुमके शान्ति देत हओं जौन शान्ति मोएमे हए। जा बो शान्ति नाए हए जो संसार देतहए, तुम दुखी मतहोबओ और मतडराओ।

यूहन्ना 14:18

“मए तुमके अनाथ नाए छुणेहओं। मए तुमर ठिन घुमके आमंगो।

लूका 2:25

बो समय यरूशलेम सहरमे शिमियोन नाउँ भओ एक आदमी रहए। और बो धर्मी और भक्ता रहए; बो ख्रीष्टको आनको आसरा और इस्राएल देशके आदमीनके तसल्ली देनके डगर देखत रहए, और पबित्र आत्मा बोकेसँग रहए।