फिलिप्पी 1:7 - राना थारु नयाँ नियम

⁷ जा ठिक हए, कि मए तुम सबके ताहीं अइसियए सोँचओं, काहेकी मए तुमसे बहुत प्रेम करत हओं, जबकी मए एक कैदी हओं, या अच्छो समाचारको सच्चाईको रक्षा और साबित कररहो हओं, तुम सब मेरे सँग परमेश्वरको अनुग्रहमे सहभागी होबओ।

परमेस्वर को सच्चो वचन

⁷ तुम हमेसा मेरे दिल मैं हौ! और तभई मैं खाली जौ सोचथौं कि मैं तुमरे ताहीं मैं का करौं। काहैकि तुम सब मेरे संग जौ विसेसाधिकार के अनुग्रह मैं भागीदार भै हौ जो न्याई परमेस्वर मोकै सामर्थ्य दई है, अब मैं जेल मैं हौं और संगै-संग मैं सुसमाचार की रक्छा करन और जाकै मजबूती से समर्पित करन ताहीं बंधन से आजाद रहौं।

फिलिप्पी 1:7 Referans Kwoze

2 कोरिन्थी 7:3

तुमके दोषी ठहिरानके ताहीं मए जा नाए कहो हओं, काहेकी मए अग्गुसे कहिदओ हओं, हम तुमके पुरा हृदयसे प्रेम करत हएं, और हम चहुँ मरएं, चहुँ जिइयएं, हम अलग नाए होमंगे।

फिलिप्पी 1:5

काहेकी तुम पहिले दिनसे जा अच्छो समाचारमे बिश्वास करे और आजतक येशू ख्रीष्टके बारेमे अच्छो समाचार फैलानमे मिर मदत करेहओ।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

कलस्सी 4:18

मए पावल, तुमके नमस्कार करनके ताहीं चिट्ठीको जा हिस्साके अपने लिखावटमे लिखरहो हओं। याद करओ, कि मए जेलमे हओं, और मेरे ताहीं प्राथना करओ। परमेश्वरको अनुग्रह तुमरमे होतए रहाबए।

फिलिप्पी 4:14

तओ फिर मोके रुपैया पठाएके मिर दुखमे तुम मदत करके तुम बहुत अच्छो करे।

इफिसियों 6:20

जाके ताहीं मए साँकरसे बँधो एक राजदूत कता सेवा कररहो हओं। प्राथना करओ, कि जैसे मोके मस्कन चाहो, उइसीयए बिना डरसे अच्छो समाचारके परचार करपामओं।

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

प्रेरित 20:23

इतकए इकल्लो जानत हओं, कि हरेक सहरमे कैद और कष्ट मिर उपर आत हए करके पबित्र आत्मा मोके गवाही देतहए।

1 यूहन्ना 3:14

हम जानत हएं, कि हम मृत्युकी शक्तिसे पार हुइगए हएं, अब हमर ठिन कभी फिर नाश नाए होन बारो जीबन हए। काहेकी हम बिश्वासी ददाभइयनसे प्रेम करत हएं। जो प्रेम नाए करत हए, बो मृत्युकी बन्धनमे रहात हए।

2 पतरस 1:13

मोके पता हए, कि मए जिन्दा रहानतक तुमर सँग बे बातके बारेमे बत्कातए रहान ठिक हए, ताकी तुम बे बात नाए भुलओ।

1 पतरस 4:13

जाके बारेमे खुसी होबओ, काहेकी तुम ख्रीष्टको भोगो भओ कष्टमे सहभागी भए हओ। बहेमारे जब ख्रीष्ट सबए आदमीनके अपनो महिमा प्रकट करनके फिरसे आबैगो, तओ नेहात्तओ तुमर आनन्द बहुत होबैगो।

हिब्रू 3:1

जहेमारे परमेश्वर स्वर्गमे बाके सँग सहभागी होनके बुलाएभए बिश्वासी ददाभइयओ, येशूमे मन लगाओ, जो हमरे ताहीं परमेश्वरको चुनो भओ चेला और प्रधान यहूदी पुजारी हए।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

1 थेसलोनिकी 5:5

काहेकी तुम, दिन और उजियारोके सन्तान हओ। रात और अंधियारोसे हमर कोइ सम्बन्ध नाए हए।

कलस्सी 4:3

और जाके सँगएसँग हमरे ताहीं फिर प्राथना करत रहाओ, कि परमेश्वर हमएं बचन सुनानको मौका देबए, और हम ख्रीष्टको बो रहस्यके बारेमे व्याख्या करपामएं, जौनके कारण मए पावल अभए जेलमे हओं, काहेकी मए जा सन्देशके परचार करो।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

2 कोरिन्थी 3:2

तुम अपनए हमर ताहीं सिफारिस देन बारे चिट्ठी जैसे हओ, जो तुमर हृदयमे लिखो हए, और हम तुमर बीचमे करोभओ कामके कारण तुमर जीबन परिबर्तन भओ हए और जा परिबर्तनको जीबन एक चिट्ठी जैसो हए, जा सब आदमी चिनन और पढन सिकत हएं।

1 कोरिन्थी 13:7

प्रेम करन बारे कभी हार नाए मन्त हएं, सब बातको आसरा करत हएं, बे हमएं परमेश्वरमे अपनो बिश्वास बनाए रहानमे सक्षम बनात हएं, कठिनाइ और पीडासे होतए धैर्यसे स्थिर रहात हएं।

1 कोरिन्थी 9:23

और मए सब कुछ ख्रीष्टके बारेमे अच्छो समाचारके परचार करनके ताहीं करत हओं, ताकी मोके अच्छो समाचारमे प्रतिज्ञा करेगए आशिषको हिस्सा दओजाए सकए।

प्रेरित 21:33

तओ बो सेनापति ढिँगै आएके पावलके पकणीं और दुई साँकरसे बोके बाँधनके हुकुम दइं। जा कौन हए? और जा का करीहए? कहिके बो पुछीं।

1 पतरस 5:1

मए हुवाँके मण्डलीके अगुवनके फिर कुछु कहान चाँहत हओं। काहेकी मए फिर तुमर कता एक अगुवा हओं। मए अपनए ख्रीष्टके मिलो भओ दुखके बहुत समय अग्गु देखो हओं। जब बा फिरसे लौटके आबैगो, मए फिर बाके महिमामे साझेदार होमंगो। अब मए तुमके आग्रह करत हओं,

फिलिप्पी 1:12

हे मेरे बिश्वासी ददाभइयओ, मए चाँहत हओं, कि तुम जा जान लेबओ, कि मोए जो भोगो हओं, बो बहुतसे आदमीनके ताहीं अच्छो समाचारमे बिश्वास करनको कारण बनो हए।

फिलिप्पी 1:13

हियाँतककी रोमको महाराजाको दरबारके सबए सिपाही और सबए आदमीनमे जा प्रकट हुइगओ हए, कि मए जेलमे हओं, काहेकी मए ख्रीष्टको एक सेवक हओं।

फिलिप्पी 1:14

और मए जेलमे भओके कारण बहुतसे बिश्वासी ददाभइया प्रभुमे बल पाइगए हएं, और बे बिना डरके परमेश्वरको अच्छो समाचार सुनान बारे भए हएं।

फिलिप्पी 2:22

पर तुम जानत हओ, कि कैसे तिमोथी अपनएके बिश्वासयोग्य दिखाइ हए, कि जैसे लौंणा दौवाके सेवा करत हए, उइसीयए बो अच्छो समाचारके फैलानमे मेरे सँग मेहेनत करी।

फिलिप्पी 4:3

मेरे सँग सच्चो सेवामे मदत करन बारो, मए तोसे फिर बिन्ती करत हओं, कि तए बे बैयरनके मेलमिलाप करनमे मदत कर, काहेकी बे मेरे सँग अच्छो समाचार फैलानमे, क्लेमेस और बाँकी मेरे सँग सेवामे मदत करन बारे समेत मेहेनत करीं, जौनन्को नाउँ जीबनको किताबमे लिखेहएं।

फिलिप्पी 4:15

हे फिलिप्पी सहरके आदमीउ, तुम अभौफिर जानत हओ, कि मए तुमर बीचमे अच्छो समाचार परचार करो, जब मए माकेडोनिया परदेशमे रहओं। और तुम अपनए फिर जानत हओ, कि खुसीको परचारके सुरुमे मोसे बिदा होत, देन और लेनको काममे, तुमर बाहेक कोइ मण्डली मिर सँग सामिल नाए भओ रहए।

फिलेमोन 1:13

मए ओनेसिमसके मिर मदत करनके ताहीं रखान चाँहत रहओं, जबकी मए येशू ख्रीष्टके बारेमे अच्छो समाचार सुनानके कारण जेलमे हओं। बो हियाँपर मोके मदत करनके ताहीं तेरो ठिहा लए सकत रहए। काहेकी मए जानत हओं, कि तए मिर मदत करन चाँहत हए।