फिलिप्पी 1:19 - राना थारु नयाँ नियम

¹⁹ काहेकी मए जानत हओं, कि तुमर प्राथनाके द्वारा, और येशू ख्रीष्टसे पठाओ भओ पबित्र आत्माके मदतसे मए जेल मैसे मुक्त होमंगो।

परमेस्वर को सच्चो वचन

¹⁹ काहैकि मोकै पता है कि तुमरी प्रार्थना और ईसु मसीह की आत्मा की मदत से जो कछु भौ है, मैं बच जांगो।

फिलिप्पी 1:19 Referans Kwoze

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

प्रेरित 16:7

माइसिया परदेशको सिमानामे पुगके बे एशिया परदेशको बिथिनिया गाउँ घेन जान बिचार करीं। पर येशूको आत्मा बिनके हुवाँ फिर जानके नाए दइ।

2 कोरिन्थी 1:11

और तुम फिर मिल्के प्राथना द्वारा हमके मदत कररहे हओ। अइसे प्राथना करत पेती हमर ताहीं चढाए भए बहुत प्राथनाके जबाफमे परमेश्वर हमके अनुग्रह करैगो और बहुत आदमी हमर ताहीं धन्यबाद देमंगे।

गलातियों 4:6

काहेकी हम बाके सन्तान हएं, जहेमारे परमेश्वर अपनो लौंणाको आत्माके हमरे हृदयमे पठाइ हए, जो आत्मा परमेश्वरके “हे अब्बा, हे दौवा” कहिके कहात हए।

रोमियों 8:9

पर जबकी परमेश्वरको आत्मा तुममे बास करत हए, तओ तुम पापमय स्वभाबके अधिनमे नाए होबैगे, पर पबित्र आत्माके अधिनमे होबैगे। अगर कोइमे ख्रीष्टको आत्मा नाए हए तओ बो ख्रीष्टको होए नाए सकत हए।

1 कोरिन्थी 4:17

जहेमारे मए तिमोथीके तुमर ठिन पठाओ हओं जो प्रभुमे मिर प्रिय और बिश्वासयोग्य लौंणा हए, और मए हर ठिहा हर एक मण्डलीमे शिक्षा देए अनुसार, तुम येशू ख्रीष्टमे कैसो ब्यबहार करत हओ कहिके बो तुमके याद दिलाबैगो।

1 पतरस 1:11

ख्रीष्टको आत्मा बिनमे रहए और बिनसे कही, कि ख्रीष्ट कैसे कष्ट भोगैगो और पिच्छु बडो सम्मान मिलैगो। बहेमारे बे, सचमे ख्रीष्ट कौन होबैगो और जा कब होबैगो कहिके पत्ता लगान ढुँणीं।

गलातियों 3:5

परमेश्वर अब खुल्ला मनसे तुमके अपनो पबित्र आत्मा देतहए, और तुममे चमत्कारको काम करत हए, का जा जहेमारे हए, कि तुम मोशाको नियम कानुनके पालन करे? या जा जहेमारे हए, कि तुम ख्रीष्टके बारेमे अच्छो समाचारके सुने और बोमे बिश्वास करे?

फिलिप्पी 1:18

तओ का भओ? जाके बारेमे मए त खुसी हओं, चहुँ अच्छो मनसे होए, चहुँ खराब मनसे, जैसे होएसे फिर ख्रीष्टके बारेमे अच्छो समाचार परचार होत हए।