फिलिप्पी 1:11 - राना थारु नयाँ नियम

¹¹ और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

परमेस्वर को सच्चो वचन

¹¹ तुमरी जिंदगी बास्तव मैं धार्मिकता के अच्छे गुड़न से भरो होगो जो खाली ईसु मसीह पैदा कर सकथै, परमेस्वर की महिमा और बड़ाँईं के ताहीं।

फिलिप्पी 1:11 Referans Kwoze

हिब्रू 12:11

हमके अनुशासनमे धरत पेती मन नाए पणत हए, बरु दुख दइ कता लगत हए। पर जासे सिख्जात हएं तओ हम शान्ति पातहए, काहेकी हम असल तरिकासे जीबन जीइन सुरु करत हएं।

यूहन्ना 15:8

मिर दौवाकी महिमा जहेसे होत हए, कि तुम बहुत फरा फराओ, तब्ही इकल्लो तुम मेरे चेला बनपाबैगे।”

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

फिलिप्पी 4:17

मए जा चिट्ठी जाकेमारे नाए लिखो, कि मए रुपैया चाँहत हओं, बल्कि मए अइसो फल चाँहत हओं कि, जो तुमर फाइदाके ताहीं बढत जाबए।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

2 थेसलोनिकी 1:12

जहेमारे हम जा प्राथना करत हएं, कि आदमी तुमर कारणसे हमर प्रभु येशूको नाउँको माहिमा करएं और तुम फिर सम्मानित होबैगे काहेकी तुम बासे सम्बन्धित हओ। अइसो जहेमारे हुइहए, काहेकी हमर परमेश्वर और प्रभु येशू ख्रीष्टको अनुग्रह तुममे हए।

इफिसियों 5:9

काहेकी अगर कोइ आदमी ज्योतिमे हए, तओ बोको बानी अच्छो और धार्मिक होत हए और बोके उपर भरोसा करोजाए सकत हए।

इफिसियों 1:14

काहेकी परमेश्वर हमके पबित्र आत्मा दइ हए। हम जा बातसे पक्का हुइपात हएं, कि परमेश्वर हमके उद्धारके ताहीं बो उत्तराधिकार देबैगो जो बा देनको प्रतिज्ञा करीहए और जा फिर कि बा हमके अपने आदमीनके रुपमे खरिदी हए ताकी बाको महिमाको स्तुति होबए।

1 कोरिन्थी 10:31

अन्तमे, मए तुमसे जा कहान चाँहत हओं कि तुम चहुँ खाओ, चहुँ पिइयओ, चहुँ जो कुछ करओ, सब कुछ परमेश्वरको महिमाके ताहीं करओ।

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

1 पतरस 4:14

अगर ख्रीष्टके नाउँमे तुमर बेइज्जत हुइगओ कहेसे तुम धन्यके हओ। काहेकी महिमाको परमेश्वरको आत्मा तुममे बास करीहए।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

इफिसियों 1:12

हम यहूदी, पहिले आदमी हएं, जौन ख्रीष्टमे आसरा करे, और हम जहेमारे चुनेगए रहएं ताकी हम परमेश्वरकी महिमाके स्तुति दइ पामएं।

2 कोरिन्थी 9:10

परमेश्वर किसानके ताहीं बीज उपलब्ध कर्बात हए और खाना खानके ताहीं भोजन देतहए। ठिक उइसियए तरिकासे परमेश्वर तुमर स्रोत बढाए देबैगो और तुमर ताहीं खुल्ला मनसे प्रसस्त बाली उत्पादन करदेबैगो।

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

यूहन्ना 15:2

अगर एक हँगा जो मोएमे जुणो हए, पर फरा नाए देतहए कहेसे बोके काट डारत हए, और जो फरा देतहए बोके छानदेत हए ताकी और फरा फराबए।

रोमियों 15:28

जहेमारे, मए सबसे पहिले यरूशलेम सहर जाएरहो हओं, ताकी बे जे जमा करो भओ भेँटी दएपामओं। जाके पिच्छु, फिर मए रोम देशमे आएके तुमसे मिलनके बाद स्पेन देशमे जामंगो।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।