मर्कूस 8:38 - राना थारु नयाँ नियम

³⁸ और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”

परमेस्वर को सच्चो वचन

³⁸ जो कोई व्यभिचारी और पापी पीढ़ी के बीच मोसे और मेरी बातन से सर्मागो, तौ इंसान को लौड़ा भी जब बौ पवित्र दूतन के संग अपने दऊवा की महिमा समेत आगो, तौ बहो से सर्मागो।”

मर्कूस 8:38 Referans Kwoze

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

1 यूहन्ना 2:23

लौंणाके अस्वीकार करन बारेनके दौवा परमेश्वर फिर अस्वीकार करत हएं; जौन लौंणाके मानैगो, बोके दौवा परमेश्वर फिर मानैगो।

याकूब 4:4

हे बिश्वासीघाती आदमी, का तुम नाए जानतहओ, कि जा संसारके चीजके सँग सँगत करनो परमेश्वरके दुश्मन बनानो हए? जहेमारे जोकोइ संसारके सँगी होनके चाँहत हए, बो अपनएके परमेश्वरको दुश्मन बनात हए।

लूका 9:26

पर कोइ मोसे और मिर बचनसे शर्माबैगो कहेसे, मए, आदमीको लौंणा फिर अपनो महिमामे, और पिताको और परमेश्वरको पबित्र स्वर्गदूतको महिमामे आत बोकेसँग शर्मामंगो।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

मत्ती 26:64

येशू बोसे कही, “तुम अपनए कहीदए: तहुँफिर मए तुमसे कहात हओं, पर अबसे तुम आदमीको लौंणाके सर्बशक्तिमानके दहिना हात घेन बैठो, और बादरके बद्रिमे आत देखैगे।”

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

हिब्रू 11:26

मिश्रदेशको धनसम्पतिसे ख्रीष्टके ताहीं निन्दित होनके बो महिँगी सम्पति मानी। काहेकी बो अपनो इनाम पानको डगर देखन डटो रहए।

हिब्रू 11:16

पर बे औ अच्छो देश अर्थात्, एक स्वर्गीय देशको इच्छा करत हएं। जहेमारे, बिनको परमेश्वर हओं कहान बारी बातमे परमेश्वर गर्ब करत रहए, काहेकी बा बिनके ताहीं एक सहर तयार करदइ हए।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

मत्ती 12:39

बा बिनके जबाफ दइ, “जा पिढीके खराब और व्यभिचारी आदमी शक्तिशाली चमत्कारके चिन्हा ढुणत हएं। पर जा पिढीको योना अगमबक्ताके सँग जो भओ; बो चिन्हा बाहेक और कोइ चिन्हा नाए देहओं।

यूहन्ना 1:51

फिर येशू कही, “नेहात्तओ, मए तोसे कहात हओं, तए स्वर्ग उघरो और परमेश्वरके दूतके उपर जात और मए, आदमीको लौंणाके उपर चढत और तरे उतरत देखैगो।”

मत्ती 25:31

“जब मए, आदमीको लौंणा फिरसे आमंगो, तओ मए अपन महिमामे आमंगो और सब स्वर्गदूतके अपने सँग लामंगो। तओ मए सब आदमीनको न्याय करनके ताहीं अपन महिमामय सिंहासनमे बैठंगो।

मत्ती 24:30

तओ आदमीको लौंणाको चिन्हा बादरमे दिखाबैगो, और पृथ्वीके सब चीज बिलाप करंगे, और बे आदमीको लौंणाके बादरमे भओ महान शक्ति और बडो महिमाके सँग आत देखंगे।

लूका 19:26

‘मए तुमसे कहात हओं, काहेकी जौनक सँग समझ हए, बोके और जद्धा दओ जाबैगो। पर जौनक सँग समझ नाए हए, बोके सँग भओ फिर छिनो जएहए।

मत्ती 13:41

मए, आदमीको लौंणा अपन स्वर्गदूत पठामंगो, और बे पाप करन लगान बारे हरएक कारणके और दुष्ट काम करबान बारे सबएके परमेश्वरको राज्यसे हटाएदेमंगे।

हिब्रू 13:13

जहेमारे आबओ, बलिदानकी रिति-रिबाजके छोड देओ ताकी येशूके ठिन जाए पामएं। और जैसे बा बेज्जत सहो, उइसीयए हम फिर बेज्जत सहिके आदमी बैठन बारे ठाउँसे बाहिर बाके ठिन जाएं।

2 तिमोथी 1:16

प्रभु ओनेसिफरसके घरानाके उपर दया करए, काहेकी बो मोसे भेँटनके आओ, और बहुत चोटी मोके हौसला दइ, और हियाँ जेलमे मोसे भेँट करनके ताहीं नाए सर्माइ।

गलातियों 6:14

मेरे ताहीं, मए क्रूसमे हमर प्रभु येशू ख्रीष्टको मृत्युके अलाबा कभी कोइ फिर अन्य बातमे घमण्ड करन नाए चाँहत हओं, काहेकी जो कुछ फिर ख्रीष्ट करीहए, बो कामके करन संसारके कोइ फिर चीजको मोएमे अधिकार नाए हए, और मोएमे अब पृथ्वीके कामन्के रोकनको कोइ इच्छा नाए हए।

प्रेरित 5:41

तओ येशूके खातिर अपमान सहानके लायक ठहिरे करके आनन्द मनात बे यहूदी सभाघर मैसे निकरके गए।

यूहन्ना 12:34

जा बातमे भिड बासे पुछी, “हमर पबित्र-शास्त्रमे हम जा बात सुनेहएं कि ‘ख्रीष्ट त सदाकाल बचो रहाबैगो’ फिर तुम काहे कहात हओ, कि आदमीको लौंणाके पृथ्वीसे ऊँचाए लैजानके जरुरी हए? जा कौन आदमीको लौंणा हए?”

यूहन्ना 5:27

और मए, आदमीको लौंणा होनके कारण परमेश्वर मोके सब आदमीनके उपर न्याय करनके अधिकार दइ हए।”

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

मर्कूस 14:62

येशू कही, “हाँ मए हओं, और तुम मए, आदमीको लौंणाके परमेश्वरको महान शक्तिको दहिने बाहुलीमे बैठो और तुम मोके फिरसे स्वर्गसे बादरके बद्रिके सँग आत देखैगे जहाँ परमेश्वर बैठतहए।”

मत्ती 16:4

खराब और व्यभिचारी पिढी शक्तिशाली काम मागत हएं, पर योनाको शक्तिशाली चमत्कार बाहेक और चिन्हा बिनके नाए देहओं।” और बिनके छोडके बा चलोगओ।

मत्ती 8:20

येशू बोसे कही, “सेरनके भार और बादरमे उणन बारे चिरैंचिरगुनीके घरघुस्ला होत हएं। पर मए, आदमीको लौंणाके ताहीं त एक घर फिर नाएहए, जहाँ मए सोए सिकओं।”

मत्ती 16:28

नेहात्तओ, मए आदमीको लौंणा, तुमसे कहात हओं, तुम मैसे बहुत आदमी जौन हियाँ ठाणे हओ, तुम परमेश्वरको राज्यके अपना मरनसे अग्गु शक्तिके सँग आत देखैगे।”

मर्कूस 8:37

और एक आदमी सदाकालको जीबनके किनन ताहीं परमेश्वरके का दएपएहए? कुछु फिर नाए!

मर्कूस 13:26

और बो समयमे मनै, मए आदमीको लौंणाको महान शक्ति और महिमाके बद्रिमे आत देखंगे।

प्रेरित 10:22

बे कहीं, “कप्तान कर्नेलियस, जो धार्मि, परमेश्वरसे डर मानन बारो और सारा यहूदी जातिसे सम्मान पाओ एक आदमी हए, बो एक पबित्र स्वर्गदूतसे जा हुकुम पाइहए, कि तोके अपने घर बुलाएके तोसे सन्देश सुनए।

1 थेसलोनिकी 2:19

हमर आसरा या आनन्द या बढाईको मुकुट कौन आदमी हए? जा सब तुमही हओ, जब तक हमर प्रभु येशू ख्रीष्ट फिरसे लौटके नाए आएजाए।

1 थेसलोनिकी 3:13

हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।

1 यूहन्ना 2:28

छोटे बालकओ, ख्रीष्टके सँग एकजुटमे सदिमान बने रहाओ; ताकी जब बा फिरसे दिखाइ देबैगो, तओ हम हिम्मत पामएं, और आन बारो बो दिनमे बाके अग्गु हम लज्जित नाए होमएं।

प्रकाश 14:10

बिनके परमेश्वर बहुत दण्ड देबैगो। जा अइसो हए जैसेकी, परमेश्वर बेहीं आदमीनके बहुत करुवान बारो चीज पिबानके देबैगो जोमे कोइ मिसावट नाए होबैगो, परमेश्वर बे आदमीनके पबित्र स्वर्गदूत और थुमाके अग्गु आगी और गन्धकमे कष्ट देबैगो।