मर्कूस 8:34 - राना थारु नयाँ नियम

³⁴ तओ, बा अपन चेलनके सँगमे भिडके अपन ठिन बुलाएके उनसे कही, “अगर तुम मिर चेला बनन्के चाँहत हओ कहेसे, तुमके अपनएके भुलन पणैगो। तुमके मेरे ताहीं दुख सहन पणैगो, हियाँतककी तुमके मरनके ताहीं फिर तयार होन पणैगो। तओ तुम मिर चेला बननके ताहीं अपन क्रूस उठाएके मिर सँग आए पाबैगे।

परमेस्वर को सच्चो वचन

³⁴ बौ चेला समेत भीड़ कै अपने झोने बुलाई और कही, “जो मेरे पच्छू आनो चाहथै, बौ अपने आपकै इंकार करै और अपनो क्रूस उठाएकै, मेरे पच्छू आबै।

मर्कूस 8:34 Referans Kwoze

मत्ती 10:38

और जौन मिर अनुसरण नाएकरैगो और मिर ताहीं क्रूस नाए उठाबैगो, और मरनके ताहीं तयार नाए होबैगो; बो मिर चेला बननके ताहीं मिर पिच्छु नाए लगपए हए।

यूहन्ना 10:27

“जैसेकी भेंणा अपनो अच्छो बकरेहेराको अबाज चिनजात हएं, उइसीयए मेरे आदमी मिर बातमे ध्यान देत हएं। मए उनके जानत हओं, और बे मेरे चेला बननके ताहीं मेरे पिच्छु लाग्गए हएं।

गलातियों 5:24

और बे आदमी जो उद्धारकर्ता येशू ख्रीष्टसे सम्बन्धित हएं, बे अपने जीबनके पापमय खराब इच्छा और अभिलाषनके सँग क्रूसमे चढाए दइ हएं।

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

1 यूहन्ना 3:16

येशू ख्रीष्ट हमर ताहीं अपनो प्राण दइ। जहेमारे हम प्रेमके बुझे हएं और हमके फिर अपने बिश्वासी ददाभइयनके ताहीं अपनो प्राण देन पणत हए।

मत्ती 16:24

तओ येशू अपन चेलनसे कही, “कोइ मिर पिच्छु आनके इच्छा करैगो कहेसे बो अपनी इच्छन्के त्यागए और अपन क्रूस उठाएके मिर चेला बननके ताहीं आबए।

फिलिप्पी 3:10

मए जा चाँहत हओं, कि ख्रीष्टके जानलेमओं। बाको मरके जिन्दा बनान बारो शक्तिके जान पामओं, और बाको मृत्युमे बाके हानी हुइके बाको दु:खमे सामिल हुइपामओं।

रोमियों 8:17

हम बाके लौंणालौंणीया हएं कहेसे हक बारे फिर हएं, परमेश्वरके हक बारे और ख्रीष्टके साझा हक बारे। अगर हम अभए येशूके कता दुख सहामंगे तओ बाकी महिमामे फिर सहभागी होमंगे।

लूका 9:23

तओ येशू सब जनैसे कही, “अगर तुम मिर सँग आन चाँहत हओ कहेसे, तुमके अपनए-अपनएके अस्वीकार करन पणैगो। तुमके मिर ताहीं रोजदिन दुख सहन पणैगो। हियाँ तक, कि मरनके ताहीं तयार फिर रहान पणैगो। तओ तुम मिर चेला बननके ताहीं मिर सँग आए पाबैगे।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

फिलिप्पी 3:7

पर जो-जो बात मेरे फाइदाके ताहीं रहएं, बे बातके ख्रीष्टको करो भओ कामके कारण मए बेकारको मानो।

1 पतरस 4:1

जहेमारे ख्रीष्ट अपनो शरीरमे रहातए दुख भोगी, और तुम फिर बहे कता बिचार करके दुख उठान तयार होन पणत हए। काहेकी अगर तुम ख्रीष्टके ताहीं दुख उठान इच्छा करत हओ कहेसे, तुम पाप करन छोडनको फैसला करे हओ।

गलातियों 6:14

मेरे ताहीं, मए क्रूसमे हमर प्रभु येशू ख्रीष्टको मृत्युके अलाबा कभी कोइ फिर अन्य बातमे घमण्ड करन नाए चाँहत हओं, काहेकी जो कुछ फिर ख्रीष्ट करीहए, बो कामके करन संसारके कोइ फिर चीजको मोएमे अधिकार नाए हए, और मोएमे अब पृथ्वीके कामन्के रोकनको कोइ इच्छा नाए हए।

1 कोरिन्थी 15:31

हे मेरे बिश्वासी ददाभइयओ, मए तुमएं बतात हओं, कि मए हर दिन लगभग मारो जातहओं। मए जो जा कहात हओं जा बस्ताबमे सच हए। जैसेकी जा फिर सच हए, कि मए नेहात्तओकमे खुस हओं काहेकी तुम हमर प्रभु येशू ख्रीष्टमे भरोसा करत हओ।

रोमियों 6:6

काहेकी हम जानत हएं, कि हमर पुरानो पापमय स्वभाब, ख्रीष्ट येशूके सँग क्रूसमे चढाओगओ, ताकी हमर शरीरमे पापमए स्वभाब नाश हुइजाबए और अब अइसो हम पापको कमैया नाए होमएं।

लूका 14:33

जहेमारे तुम मैसे जो कोइ अपन सब कुछ नाए त्यागैगो कहेसे बो मिर चेला नाए हुइपए हए।

2 पतरस 1:14

काहेकी मए जानत हओं, कि मए जल्दीए मरंगो, काहेकी हमर प्रभु येशू ख्रीष्ट मोके स्पष्ट रुपमे बो दिखाइ दइ हए।

1 पतरस 4:13

जाके बारेमे खुसी होबओ, काहेकी तुम ख्रीष्टको भोगो भओ कष्टमे सहभागी भए हओ। बहेमारे जब ख्रीष्ट सबए आदमीनके अपनो महिमा प्रकट करनके फिरसे आबैगो, तओ नेहात्तओ तुमर आनन्द बहुत होबैगो।

तीतुस 2:12

परमेश्वरको अनुग्रहके कारण, परमेश्वर हमके सिखात हए, कि हम अइसो ब्यबहार नाए करएं, जो ब्यबहार परमेश्वरके खुसी नाए बनात हए। और जौन चीजके पानके गैर-बिश्वासीनको इच्छा रहात हए, उइसो चीजको इच्छा हमके नाए करन पणत हए। और हम संसारमे हएं कहेसे बुद्धिमान और धार्मिकतासे परमेश्वरके खुसी बनानको ब्यबहार करन पणत हए।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

लूका 18:22

जा सुनके येशू कही, “तोएमे औ एक बातकी कमी हए। तिरसँग जोकुछ हए बो सब बेँचके गरीबके बाँटदे, और तोके ताहीं स्वर्गमे धन मिलैगो, और आएके, मिर चेला बननके ताहीं मेरे पिच्छु लाग।”

लूका 13:24

“परमेश्वरके राज्यमे तागतसे भितर घुसन मुस्किल हए, काहेकी मए तुमसे कहात हओं, कि बहुतसे आदमी भितर घुसन कोसिस करंगे, पर भितर घुस नाए पएहएं।

मत्ती 27:32

जातएजात बे सिमोन नाउँ भओ कुरेनी सहरको एक आदमीके पाइं, और बे बोके येशूको क्रूस बोकनके कर लगाइं।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

हिब्रू 13:13

जहेमारे आबओ, बलिदानकी रिति-रिबाजके छोड देओ ताकी येशूके ठिन जाए पामएं। और जैसे बा बेज्जत सहो, उइसीयए हम फिर बेज्जत सहिके आदमी बैठन बारे ठाउँसे बाहिर बाके ठिन जाएं।

2 थेसलोनिकी 3:11

हम सुनत हएं, कि कित्नो आदमी तुमर बीचमे अल्छी चाल चलत हएं, और कुछ काम नाए करत हएं, पर बे लगातार दुस्रे आदमीको काममे बाधा लाए करत हएं।

1 कोरिन्थी 9:19

जाको मतलब जा हए, कि मए आदमीनको आज्ञापालन करनके ताहीं मजबुर नाए हओं। सिर्फ जहेमारे, कि बे मोके तलप देत हएं। तहुँफिर मए हर कोइको नोकर बनिगओ हओं ताकी मए जद्धासे-जद्धा आदमीनके ख्रीष्टमे बिश्वास करनके ताहीं लाओं।

1 कोरिन्थी 8:13

जहेमारे, अगर मूर्तिनके चढाओ भओ खानु खानसे दुस्रो बिश्वासी भइयाको बिश्वास बन्द होनको कारण बनातहए, तओ मए उइसो खानु नाए खामंगो, ताकी मए दुस्रे बिश्वासीनको बिश्वास बन्द होनको कारण नाए बनओं।

यूहन्ना 19:17

तओ सैनिक येशूके अपन जिम्मामे लैलैं। बे बाको क्रूस बहेके बुकानके लगाइं। और बे बाके यरूशलेम सहर मैसे बाहेर “खोपडीको डाँगा” कहान बारो ठाउँमे लैगए, जौनके हिब्रू भाषामे गलगथा कहात हएं।

लूका 20:45

जब सब आदमी सुनत रहएं, तओ येशू अपन चेलनसे कही,

मर्कूस 10:21

येशू जा आदमीके ताहीं सच्चो प्यार महसुस करी जैसियए येशू बोके देखी और कही, “एक और बात हए जो तोके करन जरुरी हए। जो कुछ तिर सँग हए बोके बेँचके रुपैया गरीब आदमीके दे। अगर तए अइसे करैगो, तओ तिर ठिन स्वर्गमे धनसम्पति होबैगो। तओ फिर आएके मिर चेला बननके ताहीं मिर पिच्छु लाग।”

मर्कूस 7:14

येशू आदमीनके फिरसे अपन ठिन बुलाएके बिनसे कही, “तुम सब मिर बात सुनओ और बुझओ।