मर्कूस 5:7 - राना थारु नयाँ नियम

^7-8 येशू बोसे कही, “ए भुत, तए बो आदमीसे बाहिर निकर!” तओ बो भुत गजब जोडसे चिल्लाइ और कही, “हे सर्वोच्च परमेश्वरको लौंणा येशू, तुम हमके काहे परेसान करत हओ? परमेश्वरको नाउँसे कसम खाएके कहबओ, कि तुम हमके दुख नाए देबैगो।”

परमेस्वर को सच्चो वचन

⁷ और खूब जोड़न से चिल्लाए कै कही, “ईसु, परमप्रधान परमेस्वर को लौड़ा, तोकै मोसे का काम? मैं तोकै परमेस्वर के नाओं से नहोरे करथौं कि मोकै सजा मत देबै।”

मर्कूस 5:7 Referans Kwoze

मत्ती 8:29

बे भुत लागे आदमी अइसे करके चिल्लाइं, “हे परमेश्वरको लौंणा, तुमसे हमर का मतलब हए? हमर बेरा नाए पुगतए तुम हियाँ हमके कष्ट देन आए हओ?”

प्रेरित 16:17

अब बो पावल और हमर पिच्छु लागके अइसे चिल्लान लागी, “जे महान परमेश्वरके दास हएं, जे त मुक्ति पानके बारेमे परचार करत हएं।”

यहूदा 1:6

याद करओ, कि कैसे प्रभु बे शैतानको दूतनके सजाय दइ, जौन अपनो अधिकारके ठिक प्रयोग नाए करीं, पर बे उनके दओ भओ पद त्यागीं। प्रभु बो महान दिनमे बे शैतानके दूतनके कभी फिर अन्त नाए होन बारो दण्ड देनके ताहीं कोइ नाए तोडपान बारो साँकरसे बाँधके अंधियारोमे धरे हए।

मत्ती 26:63

पर येशू चुप रहो। प्रधान यहूदी पुजारी येशूसे कही, “जिन्दा परमेश्वरको नाउँमे कसम खाएके कहो, हमके बता, का तए परमेश्वरको लौंणा ख्रीष्ट हए?”

प्रकाश 12:12

जहेमारे तुम सब जो स्वर्गमे रहात हओ, तुम्हएं आनन्दित होनके चाहो। पर तुम जो पृथ्वीमे और समुन्दरमे रहात हओ, तुम भयानक रितिसे पिडित होबैगे। काहेकी शैतान तुमर ठिन तरे गओहए, और बोको मन गुस्सासे भरोहए। काहेकी बो जानत हए, कि बोके ठिन काम करनके ताहीं जद्धा समय नैयाँ।”

प्रेरित 19:13

ठाउँ-ठाउँमे घुमफिर करन बारे कुछ यहूदी भर्रा फिर प्रभु येशूके नाउँमे भुत निकारन खोजिं। बे भुतनके “पावलको परचार करो भओ येशूके नाउँमे मए तोके निक्रन्के आज्ञा देत हओं!” कहात रहएं।

लूका 8:28

भुत लागो आदमी येशूके देखी, और जोडसे बुलाइ और येशूके आदर देनके ताहीं घुपटा हुइके बडो जोणसे कही, “हे सर्वोच्चे परमेश्वरको लौंणा येशू, तुमसे मिर का काम? मए बिन्ती करत हओं, मोके मतसताबओ।”

मर्कूस 3:11

जब भुत लागेभए आदमी बाके देखत रहएं, तओ येशूके अग्गु आदर देनके ताहीं घुपटा पणके चिल्लाएके अइसे कहान लागे, “तुम परमेश्वरको लौंणा हओ।”

मत्ती 4:3

तओ शैतान परीक्षा करन येशूके ठिन आएके कही, “तुम अगर परमेश्वरको लौंणा हओ कहेसे जा पत्थरके रोटी होए करके आज्ञा करओ, ताकी तुम रोटी खाए पाबओ।”

1 यूहन्ना 3:8

जौन पाप लगातार करत रहतहए, बो शैतानको आदमी हए, काहेकी शैतान सुरुसे पाप करत आओ हए। शैतानको कामके नष्ट करनके ताहीं परमेश्वरको लौंणा आओ हए।

2 पतरस 2:4

तुमके पता हए, कि बहुत समय पहिले जब शैतानको दूत परमेश्वरकी बिरुद्धमे पाप करीं, तओ बा उनको करोगओ कामके कारण दण्ड दइ। तओ परमेश्वर बिनके नरकमे फेक दइ। और परमेश्वर उनके न्याय और दण्ड देन दिनतक बिनके बा अंधियारो जेलमे डारदइ।

मर्कूस 1:24

बो अइसे कहात चिल्लान लागो, “हे नासरत गाउँको येशू, तुम हमके काहे परेसान करत हओ? का तुम हमके सत्यानाश करन आए हओ। मए तुमके चिनत हओं, तुम परमेश्वरको पबित्र सेवक हओ, जो परमेश्वरके घेनसे हओ।”

मत्ती 16:16

सिमोन पत्रुस जबाफ दइके बासे कही, “तुम ख्रीष्ट हओ, जीवित परमेश्वरको लौंणा।”

हिब्रू 7:1

मल्‍कीसेदेक शालेमको राजा और सर्वोच्च परमेश्वरको प्रधान पुजारी रहए। अब्राहाम चार राजनके, लडाइमे हराएके घुमत पेती मल्कीसेदेक बोके भेँटके आशिष दइ।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

प्रेरित 8:36

और बे नेँगतए-नेँगत डगरके किनारे पोखरी ठिन आए पुगे। तओ बो नपुंसक कही, “देख हियाँ पानी हए, अब मोके बप्तिस्मा लेनके ताहीं कोइ रोक सिकैगो?”

यूहन्ना 20:31

पर जा जहेमारे लिखोगओ हए, कि तुम बिश्वास करओ, कि येशू इकल्लो परमेश्वरको लौंणा ख्रीष्ट हए: और बामे बिश्वास करके बाके नाउँसे कभी फिर अन्त नाए होन बारो जीबन मिलए।

लूका 6:35

पर अपन दुस्मनके प्रेम करओ, और बिनको भलाइ करओ। फिरसे मिलैगो करके आसरा बिना ऋण देओ, तओ तुमर ताहीं बडो इनाम हुइहए, और तुम परमप्रधानके लौंणालौंणीया हुइहओ। काहेकी परमेश्वर गुन नाए मानन बारे और दुष्ट आदमीनके उपर फिर कृपालु हए।

लूका 4:34

“हे नासरत गाउँको येशू, तुमसे हमर का काम? का तुम हमके सत्यानास करन आए हओ? मए तुमके चिन्हत हओं, तुम परमेश्वरको पबित्र सेवक हओ।”

लूका 1:32

बा महान होबैगो, और परमप्रधानको लौंणा कहोजाबैगो, और परमप्रभु परमेश्वर बाके बक पुर्खा, राजा दाऊद जैसो राजा बनाबैगो।

मर्कूस 14:61

पर येशू चुप रहो, और कुछु फिर जबाफ नाए दइ। प्रधान यहूदी पुजारी फिरसे बासे पुछीं, “का तए परमेश्वरको लौंणा ख्रीष्ट हए, जौनके हम आराधना करत हएं?”

रोमियों 16:20

शान्तिको परमेश्वर शैतानके नाश करदेबैगो और बोके तुमर अधिनमे करदेबैगो। हमर प्रभु येशू ख्रीष्टको अनुग्रह तुमर सँग रहातए रहाबए।

मर्कूस 5:6

जब बो येशूके दुरसे देखलै तओ बो दौरके आओ, और येशूके प्रणाम करी।

याकूब 2:19

एकए परमेश्वर हए, कहिके का तए बिश्वास करत हए? जा बढिया हए। पर अइसो बिश्वास त भुत फिर करत हएं, और डरसे कांपत हएं।