मर्कूस 4:24 - राना थारु नयाँ नियम

²⁴ येशू बिनसे फिरसे कही, “तुम जो सुनत हओ, बोमे ध्यान देओ। काहेकी जित्तो जद्धा ध्यानसे तुम सुनैगे, उत्नुवए जद्धा समझ तुमके दओ जएहए।

परमेस्वर को सच्चो वचन

²⁴ फिर बौ उनसे कही, “ध्यान से सुनौ! जो नपना से तुम नापथौ बहे से तुम्हऊँ कै नापो जागो, और तुमकै अगरो दौ जागो।

मर्कूस 4:24 Referans Kwoze

हिब्रू 2:1

जहेमारे हमरी सिखाइ भइ बात पालन करनके ताहीं जद्धा ध्यान देन पणत हए, तओ हम सच्चाईसे दुर नाए जाए पामंगे।

लूका 8:18

बहेमारे होसियार होबओ, कि तुम कैसे सुन्त हओ। काहेकी अगर कोइके मिर शिक्षा बुझनको चहाना हए, परमेश्वर उनके औ जद्धा ज्ञान देहए। काहेकी जौनक ठिन हए, बोके औ दओ जाबैगो। पर जौन मिर शिक्षाके बुझनके जद्धा चहाना नाए करत हए, परमेश्वर बोसे, बो ज्ञान फिर दुर लैजाबैगो, जो बोके ठिन थोरीयए हए।”

मत्ती 7:2

काहेकी जैसी तुम दुस्रेके दोष लगात हओ, उइसी परमेश्वर तुमर न्याय करैगो, और परमेश्वर तुमरसँग ठिक उइसी ब्यबहार करैगो, जैसी तुम दुस्रे सँग करत हओ।”

प्रेरित 17:11

हुवाँके यहूदी, थेसलोनिके सहरके आदमीनसे बहुत जद्धा असल रहएं। बे परचार एकदम अच्छो मानके सुनीं। पावलकी कही, बात मिल्त हए कि नाए मिल्त हए कहिके बे रोजए पबित्र-शास्त्र पढके जात रहएं।

2 कोरिन्थी 9:6

जा बात याद करओ, “थोरी बोन बारो थोरीए कटनी करत हए और प्रसस्तसे बोन बारो प्रसस्तसे कटनी करत हए।”

यूहन्ना 10:27

“जैसेकी भेंणा अपनो अच्छो बकरेहेराको अबाज चिनजात हएं, उइसीयए मेरे आदमी मिर बातमे ध्यान देत हएं। मए उनके जानत हओं, और बे मेरे चेला बननके ताहीं मेरे पिच्छु लाग्गए हएं।

यूहन्ना 5:25

नेहात्तओ मए तुमसे कहात हओं, बो बेरा आएरहो हए, और बो बेरा हबए हए, जब मरे भए परमेश्वरको लौंणाको अबाज सुनंगे, और जो सुनन बारे हएं बे हमेसाके ताहीं बचेजामंगे।

मर्कूस 9:7

और एक बादर आएके बिनके तोपदइ, और परमेश्वर बद्रि मैसे बोली, “जा मिर प्यारो लौंणा हए, बा जो कएहए बोमे ध्यान दियओ।”

यूहन्ना 10:16

“अब जा खोणमे नाएभए मेरे और भेंणा हएं और मोके बिनके फिर लानके पणो हए। अगर बे मिर अबाज चिनपामंगे तओ मिर सब भेंणा एकए झुण्ड हुइके एकए बकरेहेराके होमंगे।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।