मर्कूस 14:36 - राना थारु नयाँ नियम

³⁶ और बा कही, “हे अब्बा, हे दौवा, तुमर ताहीं सब बात सम्भब हए। अगर तुमर इच्छा हए, तओ जा दुखसे मोए बचाएलेओ। तहुँफिर, जैसे मए चाँहत हओं उइसो नाए, पर जो तुम चाँहत हओ बहे होबए।”

परमेस्वर को सच्चो वचन

³⁶ और ऐसे कहेन लागो, “हे परमपिता तोसे तौ सबै कछु हुई सकथै, जौ कटोरा मेरे अग्गु से हटाय दे। तहुँओं जैसो मैं चाहथौं बौ नाय लेकिन जो तू चाहथै बहे होबै।”

मर्कूस 14:36 Referans Kwoze

गलातियों 4:6

काहेकी हम बाके सन्तान हएं, जहेमारे परमेश्वर अपनो लौंणाको आत्माके हमरे हृदयमे पठाइ हए, जो आत्मा परमेश्वरके “हे अब्बा, हे दौवा” कहिके कहात हए।

यूहन्ना 5:30

“मए अपनए कुछु नाए करपात हओं। दौवा परमेश्वर जैसी मोसे कहात हए, बहे अनुसार मए आदमीनको न्याय करत हओं। और मए करन बारो न्याय ठिक हए; काहेकी मए अपने इच्छासे नाए, पर मोके पठान बारोकी इच्छा चाँहत हओं।”

2 तिमोथी 2:13

अगर हम ख्रीष्टमे बिश्वासयोग्य नाए हएं कहेसे तहुँफिर ख्रीष्ट हमरे ताहीं बिश्वासयोग्य हए, काहेकी ख्रीष्ट जो बोलत हए बहे करत हए।

यूहन्ना 12:27

अब मिर प्राण बहुत दुखी हुइगओ हए, और मए का कहामओं? ‘हे दौवा परमेश्वर, हुइहए कहेसे मोके जा दुखके समयसे बचाओ?’ पर मए जहेक ताहीं जा संसारमे आओ ताकी मए दुख सहामओं।

तीतुस 1:2

बोको प्रतिफलके रुपमे बे परमेश्वरके सँग हमेसाके ताहीं रहानके आसरा करत हएं। काहेकी परमेश्वर, जो कभी ठगत नाए हए, बा संसारकी सृष्टि करनसे पहिले प्रतिज्ञा करी रहए, कि बाके आदमी कभी फिर नाश नाए होन बारो जीबन पामंगे।

फिलिप्पी 2:8

और आदमीके रुपमे प्रकट हुइके अपनएके नम्र करी, और परमेश्वरको आज्ञा मनके मरनके फिर तयार रहए, और एक अपराधी हानी क्रूसको मृत्यु फिर सहीलै।

यूहन्ना 18:11

तओ येशू पत्रुससे कही, “अपनी तरबारके खोलमे धर। का दौवा मोके दओ भओ दुखको कटोरा मए नाए पिइमओं?”

मर्कूस 10:27

येशू बिनके देखके कही, “आदमीके ताहीं जा असम्भब हए पर परमेश्वरके ताहीं नाएहए, काहेकी परमेश्वरके ताहीं त सब बात सम्भब हए।”

यूहन्ना 4:34

येशू बिनसे कही, “मिर भोजन कहोक परमेश्वरकी इच्छाके पालन करनो हए, जौन मोके पठाइ हए, और मोए बाको कामके पुरा करनके हए, जौन काम बा मोके सौँपी हए।

मत्ती 26:39

और येशू थुरदुर जाएके मुँहुँके बल गिरके परमेश्वरसे अइसे प्राथना करी, “हे मिर दौवा, हुइ सकत हए तओ, जा कटोरा मोसे हटाए देओ। तहुँफिर जैसे मए चाँहत हओं उइसे नाए पर जैसी तुम चाँहत हओ उइसीयए होबए।”

मत्ती 6:9

तुम अइसे परमेश्वरसे प्राथना करओ: “हे हमर दौवा, जो स्वर्गमे हए; तुमर नाउँ पबित्र होए।

हिब्रू 6:18

जहेमारे परमेश्वर हमके प्रतिज्ञा दइ हए और बा कसम खाइ हए। जे दुई बात परिबर्तन नाए हुइपए हएं। काहेकी जा सम्भब नाए हए, कि परमेश्वर झुट मस्कत हए। जहेमारे हम जो परमेश्वरके ढिँगै सुरक्षा पानके ताहीं आए हएं, हमर अग्गु भओ आसराके प्राप्त करन बडो हौसला पाए सकत हएं।

मत्ती 26:42

फिर दुस्रो चोटी येशू परमेश्वरसे प्राथना करन गओ और अइसे कही, “हे मिर दौवा, मोए जा नाए पिएसे नाए हुइहए कहेसे तुमरी इच्छा पुरा होबए।”

मर्कूस 14:37

जब येशू लौटके आओ और तीन चेलनके सोत पाइ, बा पत्रुससे कही, “सिमोन, का तए सोए रहो हए? का एक घण्टा फिर जगके बैठ नाए पातहए?

मर्कूस 10:39

बे येशूसे कहीं, “हम तयार हएं।” तओ येशू उनसे कही, “तुमके सताओ जाबैगो जैसे मोके सताओ जएहए। तुमके मारो जएहए जैसे मोके मारो जाबैगो।