मर्कूस 12:10 - राना थारु नयाँ नियम

¹⁰ का तुम पबित्र-शास्त्रमे लिखो भओ बचन नाए पढे हओ, जौन ख्रीष्टको तुलना एक महत्वपूर्ण पत्थरसे कर सकत हएं? बा कहात हए, “‘जौनछो पत्थरके राजमिस्तरी बेकार सम्झीं, बा बहे पत्थर हए जो घरमे सबसे महत्वपूर्ण पत्थर बानो।’

परमेस्वर को सच्चो वचन

¹⁰ का तुम जौ बचन पवित्र सास्त्र मैं नाय पढ़े हौ? “जो पथरा कै राजमिस्त्री ठुकराई बहे मकान के कोहने को खास हिस्सा हुई गौ।

मर्कूस 12:10 Referans Kwoze

मत्ती 21:42

येशू बिनसे कही, “का तुम कभी पबित्र-शास्त्रमे लिखो भओ बचन नाए पढे हओ? ‘जौन पत्थरके घर निर्माण करन बारे रद्द करीं, बहे कुनैठोको मुण-पत्थर बनो, जा परमप्रभुसे भओ हए, और हमरे नजरमे जा अचम्मकी बात हए।’

रोमियों 9:33

जैसे परमेश्वर पबित्र-शास्त्रमे कहात हए, “देखओ, मए यरूशलेम सहरमे एक अइसो पत्थर धरंगो जो आदमीनके ठेस लगात हए, एक अइसो चट्टान जो बिनके गिराबैगो, और जो बामे बिश्वास करैगो, बो लज्जित नाए होबैगो।”

मर्कूस 2:25

येशू बिनसे कही, “जब राजा दाऊद और बक सँग होन बारे भुखाने रहएं, तओ बो का करी करके तुम कभीनाए पढे हओ?

मत्ती 21:16

और बे बासे कहीं, “सुन्त हओ, जे का कहिरहे हएं?” तओ येशू बिनसे कही, “हँ, सुन्त हओं। का तुम नाए पढे हओ, दुध-खान बारे बालकनके ओठसे तुम पुरा प्रसंसा निकारे हओ?”

मत्ती 19:4

तओ बा कही, “का तुम नाए पढे हओ, कि सृष्टिकर्ता बिनके सुरुसे ‘नर और नारी’ बनाइ हए,

लूका 6:3

येशू बिनके जबाफ दइके कही, “का तुम जा फिर नाए पढे हओ, जब राजा दाऊद बो अपनए और बोकेसँग रहान बारे भुखाने रहएं, तओ का करीं?

मर्कूस 13:14

“(पढन बारे बुझएं, कि मए काके बारेमे कहानडटो हओं।) एकदिन तुम, घिनौनो मनैके यरूशलेमको मन्दिरमे ठाणो देखैगे, जहाँ बाके नाए होन रहए। ताकी जा मन्दिरके सब जनै छोड जामएं। तओ यहूदिया परदेशके आदमीनके छुपनके ताहीं पहाड घेन भाजन पणैगो, ताकी बे नाए मरएं।

मत्ती 22:31

पर मरके जिन्दा होनके बारेमे परमेश्वर तुमसे का कही हए, का तुम बो नाए पढे हओ?

मत्ती 12:3

तओ येशू बिनसे कही, “राजा दाऊद, और उनके सँग होन बारे भुखाने रहएं तओ का करीं, का तुम नाए पढे?

मर्कूस 12:26

मरके जिन्दा उठान बारी बातके बारेमे, का तुम मोशाको नियम कानुनको किताब नाए पढे हओ? जौन किताबमे परमेश्वर आगी लागो भओ भिथ्रा मैसे मोशासे बात करत हए, हुवाँ परमेश्वर कहात हए, कि बा हबए फिर अब्राहामको परमेश्वर, इसहाकको परमेश्वर और याकूबको परमेश्वर हए।

मर्कूस 12:9

तुमके का लागत हए, कि अंगुरको बारीको मालिक का करैगो? बो आबैगो, और बे किसानदारनके मार डारैगो, और अंगुरको खेत औ दुस्रेके दइदेहए।