मत्ती 9:8 - राना थारु नयाँ नियम

⁸ जब भिड जा देखी, तओ बे डराइगए, और आदमीनके अइसो शक्ति देन बारो परमेश्वरको महिमा करीं, जौन आदमीनके अइसो अधिकार दइ हए।

परमेस्वर को सच्चो वचन

⁸ जब आदमी जौ सब देखीं, तौ बे डराय गै, और आदमिन कै ऐसो अधिकार देन के ताहीं परमेस्वर की बड़ाँईं करीं।

मत्ती 9:8 Referans Kwoze

लूका 7:16

तओ सब जनै डराइगए, और परमेश्वरको महिमा करीं, और कहीं, “एक जनै महान अगमबक्ता हमर बीचमे आओ हए, और परमेश्वर अपने आदमीनके रेखदेख करनके आओ हए।”

मत्ती 15:31

हियाँतककी, गुँगा बोलीं, लुला अच्छे भए, लंगणा नेगीं, और अन्धनकी आँखी खुली, जा देखके आदमी अचम्मो मानीं और बे इस्राएल देशको परमेश्वरको महिमा करीं।

प्रेरित 4:21

बिनके सजाय देनके कोइ उपाए नाए हुइके बिनके औ जद्धा धमकाएके छोडदइं, काहेकी जो घटना घटो रहए बहेके ताहीं सब आदमी परमेश्वरके आदर करत रहएं।

लूका 23:47

जा सब घटना देखके कप्तान अइसे कहात परमेश्वरको महिमा करी, “नेहात्तओ जा धर्मी आदमी रहए।”

लूका 17:15

तओ बिन मैसे एक जा देखके, कि मए अच्छो हुइगओ हओं, तओ बो बडो जोणसे परमेश्वरको महिमा करत बो येशूके ठिन घुमके आओ;

मर्कूस 2:12

बो उठो, और तुरन्त गुन्द्री उठाएके सबके अग्गुसे घरए चलोगओ। हियाँतककी, सब आदमी जा देखके अचम्मो मानीं, और “हम त अइसो कभु नाएदेखे रहएं” कहातए बे परमेश्वरको महिमा करीं।

गलातियों 1:24

और जहेमारे परमेश्वर मेरे सँग जो करी, बोके ताहीं ख्रीष्टके बिश्वासी परमेश्वरके लगातार महिमा करतए रहएं।

यूहन्ना 15:8

मिर दौवाकी महिमा जहेसे होत हए, कि तुम बहुत फरा फराओ, तब्ही इकल्लो तुम मेरे चेला बनपाबैगे।”

लूका 13:13

तओ येशू बोके उपर अपन हात धरी, और बो तुरन्तए सुध हुइगइ, और परमेश्वरको प्रसंसा करन लागी।

प्रेरित 11:18

जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

प्रेरित 21:20

जा सुनके पिच्छु बे परमेश्वरको महिमा करीं। तओ बे कहीं, “हे भइया, तुम जानत हओं, यहूदी समुहके बीचमे बिश्वास करन बारे हजारौँ हएं, और बे मोशाको नियम कानुन ध्यानसे पालन करत हएं।

मर्कूस 7:37

आदमी अचम्मो मानके कहान लागे, “बा जो करीहए बहुत भलो करीहए! हियाँतककी बा बहिरनके सुनन और गुँगनके मस्कन बारो बनातहए।”

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

मत्ती 12:23

और जा सब भिड देखके अचम्मो मानके कही, “का जा दाऊदको लौंणा हुइहए?”

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

मत्ती 9:7

तओ बो उठो, और अपन घर घेन चलोगओ।

लूका 2:20

और बकरेहेरनके स्वर्गदूत बिनके बताइ कता, सुनके और देखनके पाएके कारण, बे परमेश्वरको महिमा और स्तुति करत लौटिगए।

लूका 17:18

का जा सामरी आदमी बाहेक कोइ औ नाए निकरो, जो परमेश्वरकी प्रसंसा करए?”

लूका 18:43

तओ तुरन्तए बो देखन बारो भओ, और परमेश्वरको प्रसंसा करतए बो बाके पिच्छु लाग्गओ। जा देखके सब आदमी परमेश्वरको प्रसंसा करीं।

2 कोरिन्थी 9:13

जा देन बारो सेवा तुम सत्य हओ कहिके प्रमाणित करत हए और बहुत आदमी परमेश्वरको प्रसंसा करत हएं। काहेकी तुम ख्रीष्टको अच्छो समाचार सत्य हए कहिके बिश्वास करत हओ। और तुम गरीब बिश्वासीनके और औ बिश्वासीनके खुल्ला मनसे दइके जाके पालन करत हओ।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।