मत्ती 8:14 - राना थारु नयाँ नियम

¹⁴ जब येशू सिमोन पत्रुसके घरमे आओ। तओ पिच्छु येशू सिमोन पत्रुसकी सासके जाणोसे भरी देखी।

परमेस्वर को सच्चो वचन

¹⁴ जब ईसु पतरस के घर पहुँचो, बौ पतरस की सास कै बुखार से बिमार बिस्तर मैं पाई,

मत्ती 8:14 Referans Kwoze

1 कोरिन्थी 9:5

काहेकी अन्य चुनेभए चेला और प्रभु येशूके भइया, याकूब और यहूदा और पत्रुस केफास, अपनी बिश्वासी बैयरनके अपने सँग लैजात हएं। जब बे यात्रा करत हएं, तओ मेरे ठिन फिर जा अधिकार हए।

मत्ती 17:25

बो कही, “हाँ तिरत हए।” जब पत्रुस घरमे घुसो तओ येशू बिनसे सुरुमे कही, “सिमोन, तुमर बिचार का हए? पृथ्वीके राजा, महसुल और कर कासे उठात हएं? अपन लौंणासे कि औरनसे?”

हिब्रू 13:4

सबनको बेहा आदरणीय होबए, और बेहामे एकदुस्रेके प्रति बिश्वासयोग्य रहाबओ। काहेकी व्यभिचार और सब मेलके अनैतिक काम करनके और दुस्रेन्को लोगा या बैयर सँग बिगडन बारेनके परमेश्वर सजाय देबैगो।

1 तिमोथी 4:3

बे झुठे आदमी सिखात हएं, कि बेहा करनो और कोइ-कोइ मेलको खानु खान गलत हए। पर परमेश्वर जा सब खानु बिश्वासीनके ताहीं बनाइ हए, जो परमेश्वरके धन्यबाद दइके खानु खानको सच्चो सन्देशके जानत हएं।

1 तिमोथी 3:2

जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

मत्ती 8:20

येशू बोसे कही, “सेरनके भार और बादरमे उणन बारे चिरैंचिरगुनीके घरघुस्ला होत हएं। पर मए, आदमीको लौंणाके ताहीं त एक घर फिर नाएहए, जहाँ मए सोए सिकओं।”

मत्ती 8:15

येशू पत्रुसकी सासके ढिँगै आएके बोको हात पकणी, और जाणो बोके तुरन्त छोड दइ, तओ बो उठके येशूको सेवा करी।