मत्ती 7:21 - राना थारु नयाँ नियम

²¹ “मोसे, ‘प्रभु, प्रभु’ कहान बारे सब स्वर्गके राज्यमे प्रबेश नाए कर्पएहएं। स्वर्गमे होन बारो मिर दौवाको इच्छा पालन करन बारे आदमी इकल्लो परमेश्वरके राज्यमे प्रबेश कर्पएहएं।

परमेस्वर को सच्चो वचन

²¹ “हर कोई जो मोकै, ‘प्रभु, प्रभु’ कहथै, स्वर्ग के राज्य मैं ना जाए सकैगो, लेकिन सिरफ बेईं जो मेरे परम दऊवा स्वर्ग मैं है, बाकी इच्छा मैं चलथैं।

मत्ती 7:21 Referans Kwoze

रोमियों 2:13

काहेकी परमेश्वरकी दृष्टिमे धार्मि बे आदमी नाए हएं, जो नियम कानुनके सुनत इकल्लो हएं। पर धार्मि बे हएं जो नियम कानुनके सुनके पालन करत हएं।

लूका 6:46

“मिर कही बात नाए करैगे, तओ काहे मोसे प्रभु, प्रभु, कहात हओ?

याकूब 1:22

पर परमेश्वरके बचन पालन करन बारे होबओ, और सुनन बारे इकल्लो हुइके अपनएके धोखा मतदेओ।

लूका 11:28

तओ येशू कही, “बरु बे धन्य हएं, जौन परमेश्वरको बचन सुनत हएं और पालन करत हएं।”

तीतुस 1:16

बे झुठे गुरु कहात हएं, कि हम परमेश्वरके जानत हएं, पर उनको ब्यबहार स्पष्ट रुपसे दिखात हए, कि बे परमेश्वरके नाए जानत हए, काहेकी बे घिनौने और आज्ञा नाए मानन बारे हएं, और बे कुछ अच्छो करनके लायक नाए हएं।

हिब्रू 4:6

पहिले अच्छो समाचार सुनन बारे इस्राएल देशके आदमी अपन अनाज्ञाकारीताके कारणसे विश्रामको बो ठाउँमे घुस नाए पाइं। पर परमेश्वरको विश्रामको ठाउँमे घुसनके ताहीं हबए फिर मौका हए।

यूहन्ना 6:40

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

प्रकाश 3:5

जौन आदमी बुराइके हराए देबैगो, बे सेतो कुर्ता पैँधंगे। मए बो आदमीको नाउँ जीबनको किताबसे नाए मिटएहओं जोमे अनन्त जीबन पाओभओ आदमीनको नाउँ लिखो हए। पर मए, मिर दौवा और बाको सेवा करन बारे स्वर्गदूतके अग्गु ठाणङगो और मए घोषणा करंगो, कि बे मेरे हएं।

1 पतरस 4:2

परिणामके रुपमे बो आदमी जा पृथ्वीमे अपनो बाँकी जीबन अपनुवए पापी मानब इच्छा पुरा करके नाए जिइबैगो, पर बो परमेश्वरके चाहो भओ बात करैगो।

मत्ती 12:50

काहेकी जौन स्वर्गमे होन बारो मिर दौवाको इच्छा पालन करत हएं, बेहीं मिर भइया, बहिनीया, और मिर अइया हएं।”

प्रकाश 22:14

अपनो लत्ता धोएके, सफा करके धरन बारे धन्यके हएं। काहेकी बिनके बहे सहरको फाटकसे घुसन अधिकार दओ जाबैगो। और उन्हएं बो पेणको फरा फिर खानके अधिकार दओ जाबैगो जो जीबन देतहए।

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

मत्ती 18:3

और कही, “नेहात्तओ, मए तुमसे कहात हओं, मन बदलके तुम छोटो बालकनके कता नाए हुइहओ तओ कभु स्वर्गके राज्यमे घुस नाए पएहओ।

यूहन्ना 7:17

अगर कोइ आदमी परमेश्वरको इच्छा पालन करन चाँहत हए, तओ बो जान जाबैगो, कि मिर शिक्षा परमेश्वरके घेनसे आतहए कि मिर अपनो शिक्षा हए।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

मर्कूस 3:35

काहेकी हरकोइ, जौन परमेश्वरको इच्छा पालन करत हएं, बेहीं मिर भइया, बहिनीया और मिर अइया हएं।”

1 थेसलोनिकी 5:18

सब परिस्थितिमे धन्यबाद देओ, काहेकी तुमर ताहीं ख्रीष्ट येशूमे परमेश्वरको इच्छा जहेहए।

इफिसियों 6:6

तुमके अपन मालिकको आज्ञापालन करन चाहो, तब्ही इकल्लो नाए जब बे तुमके देखत होमएं, पर तुम ख्रीष्टके दास हओ, जहेमारे तुमके अपनो पुरो मनसे बहे करन चाहो जो परमेश्वर चाँहत हए, कि तुम करओ।

1 पतरस 2:15

काहेकी जा परमेश्वरको इच्छा हए, कि हमर अच्छो ब्यवहारसे परमेश्वरके नाए चिनेभए आदमी अब हमके झुटो आरोप लगान हिम्मत नाए करैगो। काहेकी जा स्पष्ट हए, कि बिनको झुटो आरोप सच्चो नाए हए।

मत्ती 25:21

मालिक बोसे कही, ‘स्याबास! तए असल और बिश्वासयोग्य नोकर हए, तए थोरी धनमे बिश्वासयोग्य भओ, मए तोके बहुत चीजको जुम्मा देहओं। तए अप्नो मालिकको आनन्दमे सहभागी हो।’

1 थेसलोनिकी 4:3

परमेश्वरको इच्छा जा हए, कि तुम पबित्र बनओ अर्थात् तुम व्यभिचार मत् करओ।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

लूका 13:25

तओ परमेश्वर, जौन घरको मालिक हए, उठके फाटक बन्द करदेहए, और तुम बाहिर ठाणके फाटक खटखटाएके और बिन्ती करके कहाबैगे, ‘हे प्रभु, हमर ताहीं फाटक खोलदेओ,’ और बा तुमके अइसे जबाफ देहए कि, ‘मए तुमके नाए जानत हओं, तुम कहाँके हओ?’

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

लूका 18:25

काहेकी धनी आदमीके परमेश्वरको राज्यमे घुसनसे त ऊँटके सुइको भारसे छिरन सजिलो हए।”

मर्कूस 9:47

अइसियए, अगर तुमरी आँखी तुमके पाप करनके लगात हए कहेसे बोके निकारके फेकदेओ। दुई आँखी हुइके नरकमे जानेसे त काना हुइके परमेश्वरको राज्यमे घुसन तुमर ताहीं ठिक हए।

मत्ती 19:24

फिर मए तुमसे कहात हओं, धनी आदमीके परमेश्वरको राज्य भितर घुसनसे बरु ऊँटके सुइके भारमे छिरन सजिलो हुइहए।”

मत्ती 18:35

अइसियए करके, अगर तुम मैसे हर एक अपने सँगीके ह्रदयसे गलत काम क्षमा नाए करैगे, तओ मिर दौवा जो स्वर्गमे हए, तुमके फिर उइसीयए करैगो।”

यूहन्ना 15:23

जौन मोके हेल्हा करत हए, बो मिर दौवाके फिर हेल्हा करत हए।

मत्ती 26:42

फिर दुस्रो चोटी येशू परमेश्वरसे प्राथना करन गओ और अइसे कही, “हे मिर दौवा, मोए जा नाए पिएसे नाए हुइहए कहेसे तुमरी इच्छा पुरा होबए।”

मत्ती 16:17

येशू बिनसे कही, “योनाको लौंणा सिमोन, तुम धन्य हओ। काहेकी आदमीको शरीर और खुनसे जा प्रकट नाए भओ हए, पर स्वर्गमे होन बारो मिर दौवासे प्रकट भओ हए।

प्रकाश 2:27

मए उन्हएं राज्य करनको बहे अधिकार देमंगो जैसे मिर दौवा मोके दइ हए। उनको राज्य लोहा कता मजबुत होबैगो जो टुटत नाए हए, और उनके दुश्मन टुटेभए बर्तन कता नाश हुइ जामंगे।

यूहन्ना 14:7

तुम मोके सच्चो रुपसे चिन्ते कहेसे मिर दौवाके चिनजैते। अबसे तुम मिर दौवाके चिन्हैगे काहेकी तुम परमेश्वरके देखडारे हओ।”

यूहन्ना 5:17

जहेमारे येशू बिनसे कही, “मिर दौवा हबएतक काम करीरहोहए, और मए फिर काम करीरहो हओं।”

मत्ती 26:39

और येशू थुरदुर जाएके मुँहुँके बल गिरके परमेश्वरसे अइसे प्राथना करी, “हे मिर दौवा, हुइ सकत हए तओ, जा कटोरा मोसे हटाए देओ। तहुँफिर जैसे मए चाँहत हओं उइसे नाए पर जैसी तुम चाँहत हओ उइसीयए होबए।”

मत्ती 18:10

“देखओ, तुम जे छोटे मैसे कोइके फिर हेला मत् करीयओ; काहेकी मए तुमसे कहात हओं, कि स्वर्गमे बिनके स्वर्गदूत हमेसा मिर दौवाके सँग हएं।

मत्ती 18:19

फिर मए तुमसे कहात हओं, अगर तुम मैसे दुई जनै पृथ्वीमे कोइ बातमे एक मन हुइके प्राथना करैगे, तओ स्वर्गमे होन बारो मिर दौवाके घेनसे हुइजएहए।

मत्ती 25:10

जब बे तेल किननके गइं तओ दुलहा आइगओ, और तयार होन बारे उनके सँग बेहाके भोजमे भितर घुसीगइं और फाटक बन्द हुइगओ।