मत्ती 6:14 - राना थारु नयाँ नियम

¹⁴ जहेमारे अगर तुम आदमीके बिरुद्धमे गलत काम क्षमा करैगे, तओ तुमके स्वर्गमे होन बारो दौवा परमेश्वर फिर तुमके गलत कामको क्षमा करैगो।

परमेस्वर को सच्चो वचन

¹⁴ “अगर तुम दुसरेन की गलतियन कै माफ करैगे, तौ तुमरो स्वर्गिय दऊवा तुमकै माफ कर देगो।

मत्ती 6:14 Referans Kwoze

इफिसियों 4:32

पर दयालु हुइके एक-दुस्रेके अनुग्रह करओ। परमेश्वर ख्रीष्टमे तुमके क्षमा दइ कता, तुम फिर एकदुस्रेके क्षमा दए करीयओ।

मर्कूस 11:25

अइसियए, जब तुम परमेश्वरसे प्राथना करनके ठाणत हओ, तओ कोइके बिरुद्धमे तुमर कुछ हए तओ क्षमा करीयओ, ताकी परमेश्वर तुमर दौवा जो स्वर्गमे रहात हए बा फिर तुमर पाप क्षमा करए।

कलस्सी 3:13

एकदुस्रेके सहिके प्रेम दिखाओ, कोइको बिरोधमे कोइ बात हए कहेसे क्षमा करओ। जैसे प्रभु तुमके क्षमा करीहए, उइसी तुम फिर एकदुस्रेके क्षमा करओ।

मत्ती 7:2

काहेकी जैसी तुम दुस्रेके दोष लगात हओ, उइसी परमेश्वर तुमर न्याय करैगो, और परमेश्वर तुमरसँग ठिक उइसी ब्यबहार करैगो, जैसी तुम दुस्रे सँग करत हओ।”

याकूब 2:13

काहेकी जौन आदमी दया नाए दिखाइ हए, बोको न्याय बिना दयाको होबैगो। अगर तुम दुस्रेके दया करे कहेसे जब परमेश्वर न्याय करैगो, तओ तुमके फिर बा दया करैगो।

मत्ती 6:12

हमर पाप क्षमा करियओ, जैसी हम अपन अपराधीन्के पाप क्षमा करेहएं, बे जौन हमर बिरुद्धमे गलत काम करी हएं।

1 यूहन्ना 3:10

जहेसे परमेश्वरके सन्तान और शैतानके सन्तान जाने जात हएं। बे आदमी जो धार्मिक काम करत हएं बे परमेश्वरके घेनसे हएं, और बे आदमी जो अपने भइयासे प्रेम करत हएं बे परमेश्वरके घेनके हएं।

मत्ती 5:7

धन्य हएं बे, जौन दया करत हएं, काहेकी परमेश्वर बिनके दया करैगो।

लूका 6:37

“औरेन्के न्याय मत् करओ, तओ तुमर फिर न्याय नाए हुइहए। दुस्रेके दोषी मत् बनाओ, और तुम फिर दोषी नाए ठहरैगे। क्षमा करओ, तओ तुमके फिर क्षमा करंगे।