मत्ती 5:37 - राना थारु नयाँ नियम

³⁷ पर जो बात तुम कहात हओ, ‘हाँ कहेसे हाँ,’ और ‘नाए कहेसे नाए,’ होबए; काहेकी जो कुछ जासे जद्धा होतहए बो दुष्टतासे आत हए।”

परमेस्वर को सच्चो वचन

³⁷ लेकिन तुमरी बात ‘हाँ’ कि ‘हाँ’ और ‘ना’ कि ‘ना’ होबै; काहैकि जो कुछ जासे जाधे होथै बौ दुस्ट के घाँईं से होथै।”

मत्ती 5:37 Referans Kwoze

याकूब 5:12

पर हे मेरे बिश्वासी ददाभइया, सबसे बडो बात जा हए, कि कसम मत् खैयओ; नए स्वर्गको नए पृथ्वीको, नए कोइ औरे चीजको, पर तुमर बात चित “हाँ कहेसे हाँ,” और “नाए कहेसे नाए होबए,” ताकी तुम परमेश्वरके द्वारा दोषी नाए ठहेरे जाओ।

कलस्सी 4:6

उनसे हमेसा नम्र हुइके बातचित करओ, और अइसो बात करओ, कि बो तुमर बातमे ध्यान देबए। अगर तुम अइसो करे कहेसे तुमर बिश्वासके बारेमे तुमके प्रश्न करन बारेनके कैसे जबाफ देनके हए, सो तुम सिखजाबैगे।

कलस्सी 3:9

एकदुस्रेसे मत् ठगओ, काहेकी तुम अपने पुरानो पापी स्वभाब, और सब खराब कामके छोडदए हओ।

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

इफिसियों 4:25

जहेमारे झुठो मस्कनके छोडके, सब सँगी बिश्वासीनसे सत्य बोलएं, काहेकी हम सबए बिश्वासी एकए शरीरके अंग हएं।

2 थेसलोनिकी 3:3

पर तुम परमेश्वरमे भरोसा कर सकत हओ। परमेश्वर तुमके आत्मिक रुपसे स्थिर करैगो और तुमके शैतानसे बचाबैगो।

मत्ती 13:19

डगर घेन बुए बीज बेही हएं, जब कोइ परमेश्वरको बचन सुनत हए, और सो बुझत नाएहए, तओ शैतान आतहए और बक ह्रदयमे जो बुओ रहए सो छिनाएके लैजात हए।

मत्ती 13:38

खेत दुनियाके आदमी हएं, असल बीज राज्यके आदमी हएं। और उवाजओके बीज शैतानके आदमी हएं।

1 यूहन्ना 5:18

हम जानत हएं, कि जोकोइ परमेश्वरको सन्तान हए, बो पाप नाए करत हए, काहेकी परमेश्वरको लौंणा येशू बोके सुरक्षित रक्खत हए: और बोके शैतान नाए छुन पातहए।

मत्ती 6:13

हमके सतावटमे पणनके मत् दियओ, पर शैतानसे छुटैयओ। काहेकी राज्य, पाराक्रम और महिमा सदासर्वदा तुमरी हए, आमेन।”

1 यूहन्ना 2:13

हे दौवओ, मए तुमके जाकेमारे लिखत हओं, कि तुम ख्रीष्टके चिनत हओ, जो संसारके सुरुसे हए। हे जवानओ, मए तुमके जाकेमारे लिखत हओं, कि तुम शैतानसे जितीगए हओ। हे बालकओ, मए तुमके जाकेमारे लिखो हओं, कि तुम दौवा परमेश्वरके चिनडारे हओ।

1 यूहन्ना 3:12

और आदमको लौंणा कयिनके हानी नाए बनएं, जो शैतानसे रहए, और जौन अपनो भइया हाबिलके हत्या करी। बो अपन भइयाको हत्या काहे करी? जाकेमारे कि बोको काम ठिक नाए रहएं, और बोको भइयाके काम ठिक रहएं।

यूहन्ना 17:15

मए तुमसे अइसे प्राथना नाए करत हओं, कि तुम उनके संसारसे उठाएलेओ, पर जा प्राथना करत हओं, कि तुम उनके शैतानसे रक्षा करओ।

मत्ती 15:19

काहेकी हृदयसे खराब बिचार, हत्या, परस्त्रीगमन, व्यभिचार, चोरी, झुठो गवाही, और बदनाम बाहिर निक्रत हएं।

मत्ती 5:36

अपनो मुणको कसम मत् खाओ, काहेकी तुम एक बारके सेतोसे कारो नाए बनाए पाबैगे।

इफिसियों 6:16

जैसे एक सैनिक ढाल लैके अपने उपर आन बारो सत्रुनको तिरसे अपनएके बचात हए, उइसीयए ख्रीष्टमे मजबुत बिश्वास करओ, ताकी ख्रीष्ट तुमके शैतान द्वारा नुक्सान पुगानसे बचाबए।