मत्ती 5:30 - राना थारु नयाँ नियम

³⁰ और अगर तुमर दहिना हात तुमके पाप करन लगात हए कहेसे, जाके काटके फेकदेनो अच्छो रहाबैगो, काहेकी तुमर पुरी शरीर नरकमे जानसे बरु तुमर अंग मैसे एक गुमानो तुमर ताहीं ठिक हुइहए।”

परमेस्वर को सच्चो वचन

³⁰ और अगर तुमरो दहनो हात पाप करबाय, तौ बाकै काटकै फेंक दे! काहैकि तुमरे ताहीं अच्छो है कि तेरो सरीर को एक अंग नास होन के बजाय जासे कि तेरो पूरो सरीर नरक मैं जान से बच जाबै।”

मत्ती 5:30 Referans Kwoze

मर्कूस 9:43

अगर तुमर हात तुमके पाप करनके लागतहए कहेसे जाके काट देओ। दुई हात हुइके कभु नाए बुतन बारी नरककी आगीमे जानेसे लुला हुइके स्वर्गमे घुसन ठिक हए।

मत्ती 5:29

अगर तुमर दहिना आँखी तुमके पाप करन लगात हए कहेसे, तओ बो आँखीसे पाप करन छोडओ। जाके निकारके बाहिर फेकदेनो अच्छो रहाबैगो, काहेकी तुमर ताहीं असल हुइहए, कि तुमर पुरी शरीर नरकमे जानसे बरु तुमर अंग मैसे एक गुमानो तुमर ताहीं ठिक हुइहए।

1 पतरस 2:8

और पबित्र-शास्त्रमे अइसेफिर लिखो हए, “जा पत्थर आदमीनके भिमेमे गिराबैगो, जा एक पत्थर हए, जौन बिनके गिराबैगो।” बे अइसे गिरत हएं, काहेकी बे परमेश्वरको बचन पालन करनसे अस्वीकार करत हएं। परमेश्वर बिनके ताहीं जहे योजना बनाइ हए।

1 कोरिन्थी 8:13

जहेमारे, अगर मूर्तिनके चढाओ भओ खानु खानसे दुस्रो बिश्वासी भइयाको बिश्वास बन्द होनको कारण बनातहए, तओ मए उइसो खानु नाए खामंगो, ताकी मए दुस्रे बिश्वासीनको बिश्वास बन्द होनको कारण नाए बनओं।

लूका 17:2

जौन आदमी जे छोटो मैसे एकके पाप करन लगात हए बोके घेँटमे चकियाको पट्टा बाँधके बोके समुन्दरमे फेकदेनो बोके ताहीं ठिक हुइहए।

मत्ती 13:21

पर बोको अपनो जर नाए होनको कारण बो थोरी देरतक टिकतहए, और परमेश्वरको बचनके कारण कष्ट और सतावट हुइके तुरन्त बो पिच्छु हटजातहए।

लूका 12:5

पर कौनसे डरान पणत हए, मए तुमके चेतावनी देत हओं: बहेसे डरान पणतहए, जौनकसँग शरीरके मारके, नरकको दण्ड देन बारो शक्ति हए। मए तुमसे कहात हओं, बहेसे डराबओ।

गलातियों 5:11

हे मेरे बिश्वासी ददाभइयओ, मए परचार करत हओं, कि खतना जरुरी नाए हए, जैसेकी यहूदी समुहको नियम कानुन माँग करत हए और जहेमारे मोके यहूदीनके द्वारा सताओ मिल रहो हए; अगर मए ख्रीष्टको मृत्युके बारेमे परचार करनके छोडके जा परचार करतो, कि आदमीनके खतना करोजान चाहो। तओ मए यहूदी समुहनके ताहीं अपमानको कारण नाए हुइतो।

रोमियों 9:33

जैसे परमेश्वर पबित्र-शास्त्रमे कहात हए, “देखओ, मए यरूशलेम सहरमे एक अइसो पत्थर धरंगो जो आदमीनके ठेस लगात हए, एक अइसो चट्टान जो बिनके गिराबैगो, और जो बामे बिश्वास करैगो, बो लज्जित नाए होबैगो।”

मत्ती 26:31

तओ येशू बिनसे कही, “आज रातके मिर कारणसे तुम पच्छु हटके जएहओ। काहेकी अइसो लिखो हए, ‘मए बकरेहेराके मारंगो, और बगालके भेंणा तितरबितर हुइजए हएं।’

मत्ती 22:13

तओ राजा नोकरनसे कही, “बोके हात-टाँग बाँधके बोके बाहिर अन्धकारमे डारदेओ, जहाँ आदमी रुइहएं और दाँत किटकिटए हएं।”

मत्ती 25:20

तओ पाँच सोनोको सिक्का पान बारो नोकर और पाँच सिक्का लाएके अग्गु आएके अइसे कही, ‘हे मालिक, तुम मोके पाँच सिक्काको जुम्मा दएरहओ, देखओ, मए और पाँच सिक्का कमाओ हओं।’

मत्ती 16:23

तओ घुमके बा पत्रुससे कही, “ए शैतान, मिर ठिनसे हटजा। तए मिर ताहीं बाधा होत हए। काहेकी तए परमेश्वरके बातमे नाए पर तए आदमीनके बातमे ध्यान देतहए।”

मत्ती 11:6

और धन्यके हएं बे, जौन मिर उपर शंखा नाए करत हएं।”

मत्ती 5:22

तओ मए तुमसे हियाँ कहात हओं, कि जौन कोइ अपन भइयासे क्रोध करैगो, परमेश्वर बोके दण्ड देबैगो, और जौन अपन भइयाको अपमान करैगो, बो यहूदी सभाघरमे दण्डको लायक होइगो; और जौन कोइ भइयासे कएहए ‘तए मुरख हए’ बो नरकके आगीकी भट्टीमे जानके खतरामे हए।

मत्ती 17:27

पर बे हमसे नाए दिक्कामए करके, समुन्दरमे जाएके बन्सी लगाबओ, और पहिली पणी मछ्री लियाओ। और बोको मुँहुँ खोलैगे तओ तुम एक चाँदीक लोहोटा रुपैया पएहओ। बो लैजाएके तुमर और मिर कर बिनके देओ।”

मत्ती 18:8

तुमर हात और टाँग तुमके पाप करन लगात हए तओ बोके काटके फेकदेओ। दोनए हात और टाँगके सँग कभी फिर अन्त नाए होन बारो आगीमे पणनेसे त बरु लुला और लंगणा हुइके जीबन जीइनो तुमर ताहीं असल हुइहए।