मत्ती 5:3 - राना थारु नयाँ नियम

³ “धन्य हएं बे, जौनके परमेश्वरको जरुरत हए, काहेकी स्वर्गको राज्य बिन्हिको हए।

परमेस्वर को सच्चो वचन

³ “धन्य बे हैं, जो मन के दीन हैं; स्वर्ग को राज्य उन्हईं को है!”

मत्ती 5:3 Referans Kwoze

लूका 18:14

मए तुमसे कहात हओं, अइसे कहान बारो फरिसी नाए रहए। पर कर उठान बारो रहए, जो परमेश्वरके अग्गु धर्मी ठहेरो गओ। काहेकी हरएक जो कोइ अपनएके बडो बनात हए, बो निचो करो जएहए, और जो अपनएके निचो बनाबैगो बो बडो होबैगो।”

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

लूका 11:28

तओ येशू कही, “बरु बे धन्य हएं, जौन परमेश्वरको बचन सुनत हएं और पालन करत हएं।”

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

लूका 4:18

“परमप्रभुको आत्मा मिर उपर हए, काहेकी गरीबके अच्छो समाचार परचार करनके ताहीं बा मोके अभिषेक करीहए, कैदीनके छुटकाराको घोषणा करन, और अन्धरन्के दृष्टिदेन, कुच्ले भएनके स्वतन्त्र करान ताहीं,

मर्कूस 10:14

तओ जा देखके येशू गुस्साइगओ और उनसे कही, “छोटे बालकनके मेरे ठिन आनदेओ, बिनके मत् रोकओ, काहेकी परमेश्वरको राज्य उनके ताहीं हए, जौन जे बालका कता बिश्वासयोग्य और नम्र हएं।

मत्ती 13:16

पर तुमरी आँखी धन्य हएं, काहेकी बे देखत हएं। तुमर कान धन्यके हएं, काहेकी बे सुन्तहएं।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

यूहन्ना 20:29

तओ येशू बोसे कही, “तए त मोके देखके बिश्वास करो हए। पर धन्य हएं बे, जौन मोके नाए देखके फिर बिश्वास करीं।”

मत्ती 24:46

बो नोकर धन्य हए, जौनको मालिक आएके बोके उइसी करत पएहए।

याकूब 1:10

और जौन बिश्वासी धनी हएं, बे खुसी होनके चाहो, कि परमेश्वर बिनके नम्र बनाइ हए। काहेकी आदमी जंगलको फुला कता हएं, जो अइलियाए जएहएं।

प्रकाश 22:14

अपनो लत्ता धोएके, सफा करके धरन बारे धन्यके हएं। काहेकी बिनके बहे सहरको फाटकसे घुसन अधिकार दओ जाबैगो। और उन्हएं बो पेणको फरा फिर खानके अधिकार दओ जाबैगो जो जीबन देतहए।

प्रकाश 19:9

तओ बो स्वर्गदूत मोसे कही, “जा लिख, थुमाको बेहाको भोजमे निउतो पान बारे धन्यके हएं।” बो मोसे फिरसे कही, “जे बात जो परमेश्वर कही हए, सत्य हएं।”

मत्ती 25:34

तओ मए राजा, मिर दहिना घेन होन बारेनसे कएहओं, ‘आओ, हे मिर दौवाके धन्यके आदमी, बो राज्यके अधिकारी हुइजाओ, जो दुनियाको उत्पत्तिसे तुमर ताहीं तयार करोगओ हए।

मत्ती 11:6

और धन्यके हएं बे, जौन मिर उपर शंखा नाए करत हएं।”

मत्ती 8:11

मए तुमसे कहात हओं, कि बहुत आदमी गैर-यहूदी अगार और पछारसे आमंगे, और अब्राहाम, इसहाक और याकूबके सँग स्वर्गके राज्यको भोजमे बैठंगे।

मत्ती 3:2

“पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

मत्ती 19:14

तओ येशू कही, “बालकनके मिर ठिन आनदेओ, बिनके मत् रोकओ। काहेकी स्वर्गको राज्य अइसिनको हए।”

लूका 22:29

जैसी मिर दौवा मोके एक राज्य दइ हए, मए फिर तुमके देहओं,

लूका 22:30

ताकी मिर राज्यमे तुम मिर टेबुलमे खाबैगे और पिबैगे, और इस्राएल देशके बाह्रऔ कुलके न्याय करके सिंहासनमे बैठैगे।”

प्रकाश 3:17

तए कहात हए, ‘मए धनी हओं और मिर सँग बहुत धनसम्पति हए। मोके चाहन बारी सब चीज मेरे सँग हए।’ पर सच्चो जा हए, कि तए अन्धरा कता हए, तए खासमे कैसो हए कहान बारी बात तोके पता नाए हए। तोके दयाको जरुरत हए, काहेकी तए गरीब हए, जाको मतलब तोके बिश्वासको जरुरत हए। तए फिर बहे आदमी कता हए जोके सँग लत्ता नाए होत हए।