मत्ती 5:22 - राना थारु नयाँ नियम

²² तओ मए तुमसे हियाँ कहात हओं, कि जौन कोइ अपन भइयासे क्रोध करैगो, परमेश्वर बोके दण्ड देबैगो, और जौन अपन भइयाको अपमान करैगो, बो यहूदी सभाघरमे दण्डको लायक होइगो; और जौन कोइ भइयासे कएहए ‘तए मुरख हए’ बो नरकके आगीकी भट्टीमे जानके खतरामे हए।

परमेस्वर को सच्चो वचन

²² लेकिन मैं तुमसे कहथौं कि जो कोई आदमी अपने भईय्या से गुस्सा करथै बाकै भी न्याय के अदालत मैं बाके ताहीं जबाब देनो होगो और जो कोई अपने भईय्या कै ‘तैं कोई काम नाय करथै है तौ बाकै महासभा मैं लाओ जागो। और अगर कोई अपने भईय्या कै हे मूर्ख कहेगो तौ बाकै नरक की आगी मैं जान को खतरा रैहगो।’

मत्ती 5:22 Referans Kwoze

1 यूहन्ना 2:9

जो कोइ जा कहात हए, कि मए उजियारोमे चलरहो हओं, पर अपनो बिश्वास करन बारो भइयाके हेल्हा करत हए कहेसे बो अभएतक फिर दुष्ट जीबन जीइ रहो हए।

याकूब 3:6

जिभ एक आगी हानी हए, जा शरीरको बो भाग हए, जो बहुत दुष्ट हए, और जा एक आदमीको पुरो शरीर नाश करदेत हए, जा नरककी आगीसे लैके हमर पुरो जिन्दगिमे आगी लगाए देतहए।

तीतुस 3:2

कोइको बदनाम नाए करएं; लडाइ करन बारे नाए होमएं; पर दुस्रे आदमीनके दया दिखान बारे होमएं, और सब आदमीनके सँग मिलनसार होमएं।

मत्ती 10:28

जौन शरीरके मारडारत हए, पर प्राणके नाए मारपात हए, बिनसे मतडरओ; पर परमेश्वरसे डराबओ, जौन आत्मा और शरीर दोनएके नरकमे नाश करसकत हए।

मत्ती 18:35

अइसियए करके, अगर तुम मैसे हर एक अपने सँगीके ह्रदयसे गलत काम क्षमा नाए करैगे, तओ मिर दौवा जो स्वर्गमे हए, तुमके फिर उइसीयए करैगो।”

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।

रोमियों 12:10

एकए परिवारके सदस्यके रुपमे एकदुस्रेसे प्रेम करओ; अपनेसे जद्धा औरेनके आदर करओ।

1 पतरस 2:23

जब आदमी येशूके अपमान करीं, तओ बा उनको अपमान नाए करी। जब आदमी बाके कष्ट दइं, बा बदलामे उनके चोट पुगानके कोसिस कभीनाए करी। बरु, बा मदतके ताहीं परमेश्वरमे भरोसा करी। बाके पता रहए, कि परमेश्वर हर बखत आदमीनको न्याय ठिक रितिसे करत हए।

मत्ती 18:21

तओ येशूके ठिन आएके पत्रुस कही, “हे प्रभु, मिर सँगी जित्तो चोटी मिर बिरुद्धमे अपराध करैगो का उत्तो चोटी मोके बोके क्षमा करन पणैगो? का सात चोटीतक?”

यहूदा 1:9

पर प्रमुख स्वर्गदूत फिर, परमेश्वरको आज्ञा नाए मानन बारे जे आदमीन कता नाए करी। जब शैतान, मिखाएलसे अगमबक्ता मोशाको शरीरके गाडन अधिकार कौनको हए कहान बारो बातमे बहस करी रहए। मिखाएल ठिन जे आदमीनसे जद्धी अधिकार होएसे फिर शैतानके बो खराब बात नाए कही, और बोके दोष नाए लगाइ। बल्कि, बो अइसे इकल्लो कही, “प्रभु तोके हप्काबए।”

1 यूहन्ना 3:10

जहेसे परमेश्वरके सन्तान और शैतानके सन्तान जाने जात हएं। बे आदमी जो धार्मिक काम करत हएं बे परमेश्वरके घेनसे हएं, और बे आदमी जो अपने भइयासे प्रेम करत हएं बे परमेश्वरके घेनके हएं।

प्रेरित 17:18

इपिक्युरी और स्तोइकी कहान बारे दर्शनके कुछ गुरु फिर पावल सँग बादबिबाद करन लागे। बिन मैसे कित्ने कहीं, “जा गबगबान बारो का कहात हए?” और कित्ने जनै कहीं, “जा त नयाँ देबतनको परचार करत हए!” पावल येशूके बारेमे और बा मरे मैसे जिन्दा भओ कहिके अच्छो समाचार परचार करेके कारणसे बे अइसे कहीं।

1 थेसलोनिकी 4:6

अइसे करके, तुमके अपने बिश्वासी भइयाके बिरुद्धमे पाप नाए करन चाहो, काहेकी प्रभु येशू बोके दण्ड देबैगो, जो अइसे मेलके सब काम करत हएं; जैसेकी हम तुमसे पहिले सफासे कहिदए रहएं और शिक्षा फिर दए रहएं।

मर्कूस 14:55

अब मुखिया यहूदी पुजारी और जम्मए यहूदी सभाघरके सदस्य येशूके मारनके ताहीं बाके बिरुद्धमे गवाही ढुँणीं, पर कुछु नाएपाइं।

मत्ती 26:59

अब मुखिया यहूदी पुजारी और जम्मए यहूदी सभाघरके येशूके दण्ड देनके ताहीं बाके बिरुद्धमे झुठी गवाही ढुँणन लागे।

यूहन्ना 11:47

तओ मुखिया यहूदी पुजारी और फरिसीनको समुहके यहूदी सभाघरके सदस्यनके बुलाइ और उनसे कहीं, “अब हम का करएं? काहेकी जा आदमी बहुत शक्तिशाली चमत्कार कर रहोहए।

प्रकाश 20:14

बे सबए आदमी, जोको नाउँ जीबनको किताबमे लिखो नाए रहए, बिनके आगी और गन्धकमे फेँको गओ। जाके पिच्छु अब मृत्यु नैयाँ, अब मृतकनको कोइ ठाउँ फिर नैयाँ, काहेकी बे सब आदमी जौनको नाउँ जीबनको किताबमे लिखो नाए रहए, उनके आगी और गन्धकमे फेँको गओ, जहेके दुस्री मृत्यु कहोजात हए, जोकी आगीको कुण्डामे मिलन बारो दण्ड हए।

प्रेरित 7:37

जा बहे मोशा हए, जौन इस्राएल देशके आदमीनसे कही, ‘परमेश्वर तुमर अपनुवए बिश्वासी ददाभइयनके बीचसे तुमर ताहीं मोही कता एक अगमबक्ता तयार करैगो।’

लूका 12:5

पर कौनसे डरान पणत हए, मए तुमके चेतावनी देत हओं: बहेसे डरान पणतहए, जौनकसँग शरीरके मारके, नरकको दण्ड देन बारो शक्ति हए। मए तुमसे कहात हओं, बहेसे डराबओ।

मत्ती 5:44

पर मए तुमसे कहात हओं, अपन दुस्मनके अपनए कता प्रेम करओ, और तुमके सतान बारेके ताहीं परमेश्वरसे प्राथना करओ,

मत्ती 5:34

पर मए तुमसे कहात हओं, कसम मत् खाबओ। स्वर्गके नाउँमे कसम मत् खाबओ, काहेकी बो परमेश्वरको सिंहासन हए,

मत्ती 3:17

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

1 यूहन्ना 5:16

अगर कोइ अपन बिश्वासी भइयाके पाप करत देखत हए, और बो पाप मृत्यु घेन नाए लैजतहए कहेसे, बो अपन भइयाके ताहीं परमेश्वरसे प्राथना करदेबए। और परमेश्वर बोके माफ करैगो, और बोके बा जीबन देहए। मए उनके बारेमे बोलरहो हओं, जोको पाप मृत्यु घेन नाए लैजात हए। अइसे पाप फिर हएं जो मृत्यु घेन लैजात हएं, मए बोके जा पापके बारेमे प्राथना करन नाए कहात हओं।

याकूब 2:20

पर हे मुरख आदमीउ, का तुम जा फिर नाए जानत हओ, कि भले काम बिना बिश्वास बेकामको हए?

हिब्रू 12:25

होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।

हिब्रू 5:9

मल्‍कीसेदेक यहूदी पुजारी भओ कता परमेश्वर येशूके प्रधान यहूदी पुजारी बनाएके सम्मान दइ। और जब येशूके परमेश्वर पुरा रुपमे सिद्ध बनाएडारी तओ बामे बिश्वास करन बारे आदमीनके ताहीं बा सदाकालको मुक्तिको मुल हुइगओ

1 कोरिन्थी 6:10

नए चुट्टा, नए लोभी, नए दरोह, नए बेज्जत करन बारे, नए लुटन बारे कोइ फिर परमेश्वरको राज्यको हकदार नाए हुइहएं।

1 कोरिन्थी 6:6

पर एक सँगी बिश्वासी दुस्रो सँगी बिश्वासीको बिरोधमे अदालतमे जातहए, बो फिर अबिश्वासीनके अग्गु!

प्रेरित 5:27

और प्रधान यहूदी पुजारी चुनेभए चेलनके यहूदी सभाघरके अग्गु ठणबाइ। बो बिनसे पुँछी,

यूहन्ना 15:25

जा बोके पुरा करत हए, जो उनको पबित्र-शास्त्रमे लिखो हए। बा कहात हए, ‘बे बिना कारणके मोके हेल्हा करीं।’”

यूहन्ना 8:48

यहूदी अगुवा येशूसे पुछीं, “हम जा कहानमे सही नाए हएं, कि तए एक सामरी सहरमे रहान बारो हए और तोएमे एक भुत लागो हए?”

यूहन्ना 7:20

भिडमे भए आदमी जबाफ दइके कहीं, “तुमके भुत लागो हए। तुमके कौन मारन ढुणत हए?”

मर्कूस 15:1

सुबेरे बहुत जल्दी मुखिया यहूदी पुजारी, यहूदी अगुवनको समुह, मोशाको नियम कानुन सिखान बारे और जम्मए यहूदी सभाघरके सब सदस्य आपसमे सल्लाह करके येशूके साँकरसे बाँधके लैगए, बे बाके जाँचनके ताहीं रोमको बडो-हाकिम पिलातसके घरमे लैगए।

मत्ती 25:41

तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

मत्ती 23:33

साँपके बच्चओ, तुम नरकको दण्डसे कैसे बचैगे?

मत्ती 23:15

हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम एक जनैके अप्नो धर्ममे लानके ताहीं हर ठाउँ घुमत हओ और जब बो तुमर सिखाओ भओ बातमे बिश्वास करत हए, तओ जैसे तुम अपना हओ अइसीयए बोके फिर दुई गुणा जद्धा नरकमे जान योग्य बनाए देत हओ।

मत्ती 17:5

पत्रुस मसकतए मसकत, चमकदार बादर बिनके तोपदइ, और बादरसे एक अबाज आओ, “जा मिर प्रिय लौंणा हए, जासे मए बहुत खुसी हओं, इनकी बात सुनओ।”

मत्ती 12:24

तओ जा सुनके फरिसीनको समुह कहीं, “जा आदमी भुतनको मालिक, शैतानसे भुतनके भजात हए।”

मत्ती 10:17

पर आदमीनसे होसियार हुइयओ, काहेकी बे तुमके अदालतमे सौपदेहएं। और बे यहूदी सभाघरमे तुमके कोर्रा लगए हएं।

लूका 22:66

उजियारो होतएखिना, इकट्ठा भए जनताके यहूदी अगुवनको समुह, मुखिया यहूदी पुजारी और मोशाको नियम कानुन सिखान बारे येशूके अपन यहूदी सभाघरमे लैगए,

प्रेरित 4:15

तभीमारे बे पत्रुस और यूहन्नाके, यहूदी सभाघरसे बाहिर जानके आज्ञा करीं और बे मिलके अइसे सल्लाहा करन लागे,

प्रेरित 5:21

चुनेभए चेला सुबेरे मन्दिर भितर घुसे और शिक्षा देन लागे। पर प्रधान यहूदी पुजारी और बोके सँग होन बारे सँगी आए, और यहूदी सभाघरके, और इस्राएल देशके सब अगुवनके इकट्ठा करीं। और चुनेभए चेलनके लानके आज्ञा दइं।

प्रेरित 6:12

बे स्तिफनसके बिरुद्ध करनके ताहीं जनता, यहूदी अगुवनको समुह और मोशाको नियम कानुन सिखान बारेनके उस्काइं और बे आएके स्तिफनसके पकणीं और बोके यहूदी सभाघरके अग्गु लैगए।

प्रेरित 6:15

यहूदी सभाघरमे बैठे बे सब बोके देखीं, और बोको चहेरा स्वर्गदूतको चहेरा कता चमकन डटो रहए।

प्रेरित 22:30

पर दुस्रो यहूदी दलके नेता, पावलके खास करके कौन कारणसे दोष लगाइ हएं, सो बुझनके इच्छासे बोके खोलदइं। और सब मुखिया यहूदी पुजारी, यहूदी सभाके जमा होन आज्ञा करीं। और पावलके तरे ल्याएके बिनके अग्गु खडा करीं।

प्रेरित 23:1

पावल यहूदी सभाघर घेन एक नजर लगाएके देखी, और कही, “ददाभइयओ, आजके दिनतक परमेश्वरको दृष्टिमे मए शुद्ध बिबेकसे जीबन बिताओ हओं।”

प्रेरित 24:20

अथवा जे आदमी अपनए हियाँ कहिते कि जब मए महासभाके अग्गु ठाणो रहओं तओ जे मोएमे का दोष पाइं?